人心不足蛇吞象

人心不足蛇吞象

大家當然明白這句話的意思啦, 不過有冇人真正講過呢個故事你聽呢？

黄sir的祖母就講過給黄sir聽ｏ

原來 象 是一個小朋友的名字, 佢本性善良, 充滿愛心, 原是一個非常有前途的人ｏ

但有一天他返學途中收飬了一條小蛇, 於是佢就日日飬佢, 結果條蛇漸漸長大, 原來是一條巨蛇ｏ

此時阿 象 兄的母親剛巧有病, 医生話要食蛇胆才可以續命ｏ（無巧不成書也）

於是阿象就求 巨蛇兄, 俾佢進入肚中, 割一小片胆救母親ｏ

巨蛇是靈蛇, 為了報恩, 自不然答應, 於是亞象日日割蛇胆一小片医阿媽ｏ

巨蛇也可以復原, 相安無事ｏ

日日如是ｏ

一日 象兄就諗, 如果我一次割大塊D, 豈不是母親的病可以立即好番？

於是佢一刀割咗四分三個胆, 巨蛇痛到飛起, 把口一合, 象兄一生就咁玩完ｏ

呢個就係黄sir細個時聽的, 人心不足蛇吞象 的故事ｏ

還有一個 出米洞 的故事, 也類似ｏ

話說某寺院有一 出米洞, 日日流D米出來, 夠寺院之用ｏ

但D和尚不心足, 想出多D, 就把洞口開大D, ，誰知開大咗, 就破壞了靈氣, 從此冇米出了ｏ

也是一個貪字变貧的故事ｏ

聽了這两個故事, 在股海浮沉的朋友, 是否會有DD感悟呢？

至於一D對眼下生活不惜福的朋友, 又是否要反思一下呢？