教我如何閃避強國人

自由人的確係帶動香港消費，但有啲嘢唔係有錢就大晒。實情中港矛盾一直存在，只不過𠵱家戰線蔓延至生活各層面，衣、食、住、行，處處都聞到強國人陣味。
衣，價搶貴晒仲要着Cheap晒，LV、Gucci、Burberry亂拼亂襯着到一身都係，怕撞衫？菲菲索性轉買一般強國人唔識讀嘅Brand。食，單係搶奶粉搶益力多都夠你受。住，本地樓價由強國人搶高已係常識，順手搶埋醫院生仔床位。行，唔講真係以為廣東道已成內地步行街，再唔係就任小童喺地鐵站就地「解決」，令香港遍地「黃金」。
諗住黃金周避走貝澳享片刻平靜，點知自由人竟已視貝澳為五星級酒店，為慳皮不惜餐風飲露，發現冇位唔只磨爛蓆，仲𠝹爛你張蓆！
話香港人唔好客，但做客都要有客人的禮貌。想體驗100%貼心好客之道，一嘗「有錢大晒」滋味，可以住半島。半島母公司大酒店（045）RSI出現底背馳利好訊號，加上近日成交有回升迹象，短期內有機會先試9.50元。

Fifi

轉貼