陸羽仁
陸羽仁
陸羽仁

驟雨(1)

2007/07/27 02:33:21 網誌分類: 未分類
27 Jul

  美股周三跌完,昨日再跌,解釋係澳洲有兩隻對沖基金又因為次按貨款出事,結果歐洲股市大跌完,美國開始又跌....股民都好擔心個市會借勢大插。

  網友s2000話買匯豐,撞正美股下跌,擔心會「百佳」,聽到呢個講法,陸羽仁都好奇怪,皆因現在買得匯豐,點睇都屬於穩陣派,雖然話匯豐即使係跟美國跌咗1、2個%,但同其他股到興烚烚的股仔比,買佢已經駛咗入避風塘啦!

  網友Kathleen提過,匯豐月底公布業績,但陸羽仁留意到按過去經驗,十年有九年都會偷步炒上,今年竟然例外,事前好多大行股匯豐中期因為有出售倫敦總部,帶來一次大筆收益,令上半年有靚靚增長,股價一樣郁都唔郁,跟住中東大戶幫手出口術,話支持分拆亞洲業務,都一樣好似拉牛上樹,現在謎底揭開,証明醒目資金又走在消息之前,不過,中東班豪客購物,應該做足功夫,咁都被人過一戙,証明股市幾時都係一山還有一山高。

  網友Larry話:「睇黎聽日真係重唔落返一次大雨??是否應先減持股票呢???唉......灰......會較像正常調整定係大跌市(1000,2000點)??」呢個問題,相信係好多股民都想知答案,陸羽仁覺得,今次呢場係驟雨,來得會好急,雨勢會好大,如果你話跌1000,2000點係大跌市,無人可以排除這個機會,正如早前講,大市上23000點,再上25000點的機會,肯定細過落返21000點,但要補充一句係,近日個市其實一早應該調整,但幾次回落幅度,都比「應該」出現的跌幅為低,呢個水平大戶沽貨,仍然係啖啖肉,所以個市跌成點,要睇資金係唔係會大量回防美國。

  有網友一早留意到近日出現日圓強、美股跌的情況,現在睇番有人話係carry trade拆倉,同呢個現象一齊發生口既係所謂flight for quality,即係資金由高風險資產流向穩陣的優質資產。今次觸發跌市的,係兩隻澳洲次按基金,這些基金借平錢追求高回報,結果損手,呢個情形同以往每次對沖基金出事的模式都一樣,對沖基金要賺到盡,投資經理一如亡命車手衝向懸崖,邊個最早停車就邊個輸,直至最後有人跌落懸崖,早前美國有次按基金出事,跟住到澳洲,但他們都只係二打六的散仔,同以前LTCM相差好遠,相信未必能夠令到美國聯邦儲備局減息挽救,係環境未曾穩定下,傳統大基金會流向國庫券等穩陣資產,即係話驟雨未必會好快停晒。

  昨晚大跌市,陸羽仁接到老友電話,話覺得好開心,因為終於有機會令大家冷靜一下,等公司班員工有番小小意識,明白個市不會日日升,記得做好自己份工。
而家個市同以前唔同,以前港股只受美股影響,但現在中美兩國因素,幾乎已平分秋色,大陸經濟好勁,紅籌下個月又準備回歸,都算係美國次按負面因素以外的利好刺激,可以任大戶用來舞高弄低大市。根據過去經驗,逢親跌市,又係大戶同散戶對著幹的日子,陸羽仁最怕聽到的,就係散戶唔識驚,若然今日大家去茶餐廳飲下午茶,又或者俾擦鞋仔擦鞋個陣,聽到佢教你博反彈,咁你就要加倍小心,如果無人敢博反彈,反而就可以放心小小囉!

陸羽仁

回應 (34)
我要發表
水滴石穿
水滴石穿 2007/07/27 20:19:57 回覆

魚仔

4300點樓上買A股基金?佩服!也許你對.

水滴石穿
水滴石穿 2007/07/27 17:39:29 回覆

Charlie

政府漏過底,我就驚炒上太快,4000點上下2、300點炒上落都無問題,突破4500就可能有問題。不是阿爺想出招,是小孩有恃無恐太過頑劣到逼大人出手。

水滴石穿
水滴石穿 2007/07/27 17:35:15 回覆

IYY

無入貨,等2888不到价。日本大選、期指結算、匯丰業績等等大事接踵而來,着急買/賣都是賭大細,50/50還輸了手續費。

k-i
k-i 2007/07/27 17:34:25 回覆

IYY  :今日有放貨。無買貨。呢個月的利潤嘔番晒出來>.

水滴石穿
水滴石穿 2007/07/27 17:28:56 回覆

Charlie

A股一高,我也有週五恐懼症,今天A股沒有大漲甚好。現在一邊日元引起的歐美市場動蕩尚未結束,如果另外一邊阿爺再次打壓股市瘋癲,港股就要一瀉千里了。

水滴石穿
水滴石穿 2007/07/27 16:58:51 回覆

Charlie

Thanks for your remind. Although I know it may be misleading to set a target price, I guess 14,000 is a possible target for H-index. Will see if have chance to buy #2828 below $125 or lowerer.

亞K

FTSE rebounds 0.85%  now, not sure whether we have such chance this time or not. Let's wish a more heavy rain next Monday and a strong rebound in Mid-August. 

k-i
k-i 2007/07/27 16:40:14 回覆
小慧  :thx~今日你戰績點啊?
k-i
k-i 2007/07/27 15:48:43 回覆
貓兄:點睇235中策集團?thx~
水滴石穿
水滴石穿 2007/07/27 15:19:04 回覆

亞K

看起來今天#2888到$254邊有強大支持,收不到第一注了。另外關注#440,不過似乎目標价更加遠一些。

Kent

883 has the same A-share concept.

k-i
k-i 2007/07/27 15:13:52 回覆
阿雞 :我個系統好似唔得
k-i
k-i 2007/07/27 15:12:06 回覆
呢場雨真係好大,今個月的利潤俾番佢
k-i
k-i 2007/07/27 15:10:13 回覆
阿雞 ,紫紅豆:我d碎股唔知點沽好
k-i
k-i 2007/07/27 15:00:03 回覆
紫紅豆:我未沽啊,你呢?好大的雨
k-i
k-i 2007/07/27 14:47:18 回覆

恒指就來過七百啦

k-i
k-i 2007/07/27 14:43:51 回覆
今日咁跌法,會唔會過777>.
水滴石穿
水滴石穿 2007/07/27 14:26:51 回覆

mk

抱歉,我都是當日看到你提到這個指標,去google到的一些信息集合,所以不知道哪裏有real time up date。可以請知道的網友幫手。

水滴石穿
水滴石穿 2007/07/27 13:08:58 回覆

flyinthesky2007

6月29日 東尼日誌 (電力股) for your reference

在6月尾預測中期業績,實在愚不可及。你的預測可能會出錯,而對於沒有行內知識的人來說,幾乎必定會出錯,而且你很快就會知道自己估計錯誤,因為當真實數字自8月公佈以後,你必會受眾人唾罵,狼狽不堪。

不幸地,沒有比較溢利數字在手,我不能評論個別的公司,這表示需要發表意見,等如親手把自己推入危險的境地。

我今天想談的行業是發電公司,它們2007年上半年的溢利對我來說仍然是一個謎。

發電行業是會不停增長的,而且沒有其他地方會比中國增長得更加快。華能國電(902)[股價及相關新聞] 是目前最大的發電集團,其次是大唐發電(991)[股價及相關新聞] ,以及緊隨其後的華潤 電力(836)[股價及相關新聞] 。前身為山東國電的華電國際(1071)[股價及相關新聞] 是一個謎,因它的表現從來不能給我信心,而中國電力(2380)[股價及相關新聞] 的報告似乎也不盡不實,因為我相信其行政總裁就是華能國電主席的妹妹。

由於這兩兄妹是中國前總理李鵬的子女,他們獲委任令人懷疑,因為即使在中國,用人唯親的偏私行為也會惹起不滿。然而華能國電的管理似乎很有效率,公司的盈利能力不錯,因此我很關心其管治情況。

於 過往5年,營業額自2002年的人民幣180億元升至2006年的人民幣440億元,而溢利由人民幣39億元升至人民幣61億元。中期業績期間,利潤自 2002年及2003年的23%,跌至2004年的17%及2005年的12%,並於2006年微微回升至13.7%,因此2007年的利潤範圍可以很 闊,或許介乎13%至17%。

根據報告,華能國電於中國有25家發電廠,主要集中在上海周圍,但不是只位於中國的中心地帶,其他發電廠的位置也各異。中資公司的資本結構很分散,華能國際電力開發公司只擁有42%,而其他大城市則佔28%,沒有一個股東有全權的控制權。
本地公眾股東持有5%的股份,而海外股東佔25%,因為此公司在1998年1月於香港上市之前,原本是在紐約上市的。

此公司的隱憂是溢利應繳的稅項,目前總稅率似乎是15%,即人民幣80億元的溢利需繳交人民幣11億元的稅款,而這個稅率可以隨時上升,因為中國的稅項平均都是30%。而且亦可能隨時會失去一些稅務豁免或優惠。

但如果2007年的總營業額可達人民幣500億元至人民幣550億元,而純利為15%,比去年高,但仍不及前幾年燃料短缺時的水平,故此溢利可達人民幣75億元或更高,但需假設稅率沒有增加。

主席估計,2007年會是充滿挑戰的一年,但報告非常樂觀,因他有信心營業額將會上升。他對於行業的整體方向都很樂觀,認為規模較小、效率較低的公司將會被較大而更具效率的公司取代,雖然近年較小型的發電公司數字急升,華能仍將獨領風騷。

燃料成本上升,令主席感到頭痛,但該公司有能力克服這個問題,或許因為成本的上升可以轉嫁到用戶身上。長遠來看,華能的前景必定一片光明。

按股價9元計,華能的市值為1080億元,所以預測溢利人民幣75億元,或半年人民幣35億元,可能不難達到,因為溢利將會增長,即使稅率有所增加,預期溢利可以達到人民幣100億元。

按 股價12元計,大唐的市值為700億元,其溢利為人民幣28億元,營業額為人民幣240億元,或利潤率為11.5%,所以低於華能,但稅率超過20%,故 令憂慮得以緩減,而且解釋了大部份的差異。假如我是好賭之徒,我會預測2007年的利潤率為15%,按營業額人民幣280億元計,可以錄得純利人民幣42 億元,或市盈率16.5倍,總算不錯。

正當大部份中資行業一直向前衝、完全漠視速度限制之際,這電力行業似乎被遺棄在後。 

水滴石穿
水滴石穿 2007/07/27 13:04:53 回覆

Rob

Thanks for sharing! 好股買入位夠平就不必要止賺。中移動$80應該很大支持,再跌1000點或許可以觸及,到了$85以下就已經有投機價值了,您撤銷指令非常正路。我之前在$86追過一手投機的中移動,爲了保險週一$93.5放掉了,等待機會再入。

我不清楚後市走向,暫時看日元趨勢、期指走向和HSBC業績表。之前說過,除了長綫目標到价入第一注,重倉清一些弱勢股降低風險,這幾日其實不用太多操作,慢慢看就好了。雖然貌似A股未受全球市場拖累,但是已經處於歷史高位,如果短期突破4500點警戒水位,非常可能導致中央新一輪出手,跌下來10-20%不出奇。

k-i
k-i 2007/07/27 12:42:47 回覆
nchy:利記出盈警,散戶一片哀。
k-i
k-i 2007/07/27 12:27:45 回覆
貓兄:627仍在派貨中?thx~
k-i
k-i 2007/07/27 12:11:48 回覆

跌幅好似收窄左

水滴石穿
水滴石穿 2007/07/27 11:37:17 回覆

大頭仔和股惑仔兩位師兄講得都好,除非長綫目標到价可以入第一注,倉位太重的清掉一些弱勢股,其他都是少操作為妙。

亞K,股惑仔,Charlie,#656逆市大漲,恭喜!早上設$12買少少,錯過了。#2888趕快跌去$250讓我入第一小注。

k-i
k-i 2007/07/27 11:20:50 回覆

無錯啊,656做乜唔跌喎,快d跌啦

k-i
k-i 2007/07/27 11:10:53 回覆
亞k:隻復星真係福星,就來當無事發生了。哎呀,早知撈呢隻啦^_^
水滴石穿
水滴石穿 2007/07/27 11:04:46 回覆

天涯

4300點"撈底"?好似現在不能即日鮮,出入手續費+印花稅超過1%,不能做好風險管理死都不知道怎麽死的。

k-i
k-i 2007/07/27 11:01:44 回覆

我覺得190反彈得ok

早知尋日上午清倉啦>.

k-i
k-i 2007/07/27 10:56:08 回覆

亞k:今朝有無買貨啊?

k-i
k-i 2007/07/27 10:50:31 回覆

小市民:我未走,我得番好少量+d碎股。

早知尋日重硾買put~

k-i
k-i 2007/07/27 10:48:20 回覆

我無沽也無買。

 

阿Tom_hk
阿Tom_hk 2007/07/27 10:41:53 回覆

跌500點 博1000點反彈 ???
呢段時間好似係散戶入市多
5號仔由140蚊好快上番...暫時睇落好似幾強

水滴石穿
水滴石穿 2007/07/27 10:40:25 回覆

新手咩

雨天打波更好

天涯

未知歐美市能不能企穩,現時A股翻紅上漲,帶動港股。雖然港股現在跟美股/A股一半一半,但如果歐美刹不住車,ADR股價差價增大會導致套利交易,拖累港股下跌。

k-i
k-i 2007/07/27 10:26:58 回覆

好多股一開波就裂口>.

水滴石穿
水滴石穿 2007/07/27 10:25:11 回覆

亞K

要追貨都要等下午3點以後歐洲開市,看看外圍大市和日元走向。只渣打真硬,守住50天綫邊不肯乖乖跟英股價。

阿Tom_hk
阿Tom_hk 2007/07/27 10:02:36 回覆

今日聽到大部份人都想係今日shopping.....
中左陸sir最尾個幾句...
我仍看好8月會有得再創新高,

不過今日既情況黎睇.會唔會8月冇得玩變左牛左係度/下跌?

user

最新回應

幪面馬仔
幪面馬仔 2021/03/09

將軍

睇圖就像樣衰,但大户睇住散户食嘅。

當大家都話跌,可能反高潮。

話時話,明天可能會升。

子龍 (kaka就是大叔的契哥)

馬爺: 大市是否很.....樣衰 {#iconb_62}

幪面馬仔
幪面馬仔 2021/03/09

將軍,大户 {#iconb_62}