街童歲月
2007/07/29 00:16:38 網誌分類: 親情
以往晋成街是一條掘頭巷, 小朋友可以在街上玩, 例如打波子呀, 拍公仔紙呀, 男仔可以玩跳OVER, 用床板做波枱打乒乓波, 女仔可以跳橡根繩, 抓子, 又可以男男女女玩捉迷藏, 跳飛機, 拋手巾等等集體遊戲, 很多群體生活o
也可以和大人捉象棋, 談天說地, 聽大人吹水是一大娛樂, 也學了不少知識o在街上又學到好多街頭智慧, 見一事, 長一智也o
我也是隨着大隊一齊去學踏單車, D人把我放上單車. 在斜路向下一推, 就話之你死矣o第一次梗係(失音o笨蒙恬!))頭損晒啦!不過一嘢就學識平衡了, 快過打針也, 唔信你試吓啦, 從此我就可以扶住D小師妹教踏單車了, 又可以收好多靚師妹了, 哈哈!(吹吓水之馬o)
以前玩的玩具, 好多時都是自製的, 例如用竹可收以做水鎗, 迫 (百) 筒, 用雪條棍又可以做很多模型, 玩金絲貓呀, 養蠶虫呀, 都不愁寂寞也o又可以玩穿膠花, 黏信封, 賺外快也o用一個荷蘭水蓋也可以用一條繩做個風火輪互片!(界斷人條繩也o
以前的小朋友, 比較多群體生活, 很容易就學識與人相處, 也是街頭教育, 而家冇左呢一瓣教育了o
回應 (0)
我要發表