祝大家蛇年快樂！

農曆年, 以往是孩子們最渴望的日子, 一來有利是逗, 二來有很多賀年食品, 例如 油角, 煎堆之類ｏ

炸油角更是小朋友大顯身手的日子, 由搓麵粉開始, 已很好玩, 通常我們多數發揮頑童創意本色, 例做男性象徵一具, 通常傭人啋一聲, 笑住照炸如儀ｏ

又走去刨羅白, 整羅白榚, 又係玩過不亦樂乎ｏ

做出來的榚, 用一大銻盤（有洗面盤咁大）裝住, 蒸熟, 有蝦米, 臘肉之類, 多數一塊塊煎到金黄才吃ｏ好食過而家酒樓賣D多多声矣, 可能羅白夠多, 又係自已有份製作, 份外好食ｏ

至於年榚, 煎堆, 笑口棗都是自製, 很好玩的ｏ

至於利是錢, 更是小朋友一年最富有的日子, 家中過年, 兄弟姐妹親友就大開賭禁ｏ小朋友也可以賭番两手, 有十點半（啤牌）, 魚蝦蟹, 大小（同澳門賭枱一樣）ｏ

黃sir家小朋友, 風險教育由此開始, 輸光也不准喊, 等佢地知道賭未必實嬴也ｏ

黃sir的第一桶金, 亦在過年時揾倒也ｏ

過年真好！

祝大家蛇年快樂！