唐唐來周「三連爆」 勢當報章人氣王
2013/03/08 09:43:51
網誌分類:
生活
| 政治局常委俞正聲前日向港區政協講話時，暗撐唐唐，據聞呢單料係政經界熱話，唔少人甚為關注當中微言大義，仲令唐唐近日人氣爆燈。有姊妹話，發覺唐唐呢排好搶鏡，佢下周一將正式晉身政協常委，周三就陪老婆出庭應訊僭建地宮案，以示團結支持。周五佢批估值近三千萬元嘅紅酒登場拍賣，一周「三連爆」，勢成政圈人氣王。 做過政務司司長又選過特首嘅唐唐，料下周一將正式晉身政協常委，打開佢政治生涯嘅新一頁，近日記者見到佢，都問佢點睇近日香港社會大事，令佢頻頻見報。再加上俞正聲前日話本港同上海就虹橋機場發展達成合作協議，有助內地發展，似乎「暗撐」當年促成合作協議嘅唐唐，令唐唐人氣高企。 有心水清嘅好姊妹同Kelly講，唐唐未來一周見報率依然好高，除咗做政協常委，下周三佢老婆郭妤淺會就九龍塘大宅僭建出庭應訊，早已表明陪老婆出庭嘅佢，到時勢必成為傳媒焦點。 上完庭之後，下周五及周六，就輪到拍賣行拍賣佢嗰批總數八百一十瓶嘅葡萄酒，估值約二千九百萬元。當中不乏靚酒，料吸引唔少嗜酒名人競投，到時就算唐唐唔到場，都一樣有話題，若佢露面，又會成為傳媒鎂光燈嘅焦點嘞。 KellyChu |
 | |
| |
 | |
|
回應
(0)
我要發表