繼續忍耐

大市升,不過小升,未來幾日又可能大回都唔定..

我自己對後市其實都睇好.唔太擔心
我自己就想講下所謂既短,,中,長線

每個人都對呢3個標準唔同,我自己就認為短線,不多於6個月,中線多過半年,長線就起碼年半以上...
小弟於未買入工商銀行前 曾經係1月買入慶鈴汽車@1.32..好不幸係777事件中震左出來,係1.40沽出, 係6月-7月份 佢既股價最高去到2.4, 我記得我當初買入既時候同自己講佢買中線以上的,結果我違反左自己講過既野,並且睇錯左大市,亦都欠缺信心,令到盈利跑掉.

我自己比較硬頸,對於一d 唔差或者優質股 如果跌破我入貨價 我都會繼續持有 唔打算止蝕, 不過其他人最好唔好學我,因為固執唔能夠當飯食,呢個係我自己既作風..

另外,再講下散戶係股災既心態, 即係講我老豆
我老豆好勁架,佢係$0.2買入馬鋼323  $1.3買入哈動 $0.6買入駿威 $2買入新世界, 呢d 佢全部係股災既時候買入, 佢依家又點? 佢係當時兩三毫子水位就走左囉,因為當時股災,人人都荷包冇幾多淨,當時家家戶戶都不見明天咁生活,賺個千幾二千蚊已經幫補到家計.邊諗到會有依家咁既環境, 呢d 價錢都相信買唔番,只能夠成為歷史, 當時資訊冇咁發達, 邊好似依家咁 有咁多人教你買股,好好珍惜依家既時代, 努力d 儲錢 , 買入優質股做長線, 唔好將自己既資金投入晒個股市,投入50%好啦

雖然我自己依家放左9成入股市,不過我自己都努力儲番d 錢拉近番個比例.
唔好諗住可以好順利,一有咩事上黎如果急要錢,點樣既好股都要打靶救屋企,所以緊記勿投入太多資金落股市,好股1至3隻就夠.