疼你的方式
2013/04/12 08:41:29 網誌分類: 生活
網上流傳一套貓疼人的方式,最普遍是在你腳下磨蹭,最友好的表示是跳上你肚子印印腳。 我家貓爺疼我,亦各有方法。阿寶和紅豆最直接,任何時候都跳上我身,找個最接近我頭的位置賴着不走,睡覺時索性壓在我心口,大家一齊暖。 骰仔和真真是聽到我叫牠們的名字就會走過來挨身挨勢,要想抱住牠,對不起,只能抱半分鐘,牠就要跳走。阿Kidd最斯文,只會遠遠的看着你,但只要你一叫牠,牠都會望望你。至於小Miu,這麼多年鮮有互動,牠只是靜靜地在屋裏生活,但我知道,牠在心裏疼我。 至於肥米就硬橋硬馬得多,牠會把我的銀包、紙巾、鎖匙,總之在手袋找到的東西,都會逐樣叼在口裏,一邊喵喵叫一邊叼到我身邊,之後再把東西用肥肚腩壓住,對住我唱歌;沒有手袋就叼我的拖鞋、外套,所有我用過的東西,都有牠的牙印!牠疼我的方式,相當肉緊。 關慧玲 |
很可愛的肥米
肥米: 打左個印,有我味道, 宣示主權,哈哈哈
米米:呢啲係合格証明, 有我嘅牙仔印先係好嘢嚟架!媽媽可以放心用同埋帶出街街!
肥米 " "你o既即係我o既,我o既都即係我o既."
關小姐,,,你形容得太有趣了,,,您應該開心,,家中有愛貓 如此親近和貼身,,,令我太羨慕
米米又真係特別熱情的,,好可愛呀!