猶山節栲

這是一套日本片, 當年據說是, 金王胡漢輝先生投資買回來香港放影, 當然是買座奇惨啦！好似冇乜人睇過也ｏ

但這部電影卻令黃SIR唏噓𣎴已, 尤其是在理工面臨, 迫退之年, 更覺世情本是如此！

此片講述在日本一處鄉村地方, 資源很貧乏ｏ（唔夠養咁多村民ｏ）於是村中有例, 上了七八十歲的老人家, 就要自動請纓上山, 光榮地去見神！如果唔肯, 籿民就屈佢唔愛村, 貪生怕死, 家人也歧視條老嘢！由子女孭佢上山, 務求令佢去死為止ｏ（慳番D米飯俾D後生成長, 就是此例的智慧！）

片中的老婦, 十分精靈, 人人冇嘢食, 佢就知某水源有一小洞, 有魚可攞, 所以到了八十幾歲, 依然＋分壯健, 牙齒都冇甩冇爛ｏ但依鄉例, 佢就係要去上山果批人, 於是佢唯有教自已新抱, 謀生之法, 然後去死！片中就寫佢深明世情, 甘心鄉例安排, 最後當然求仁得仁ｏ

全片低色調, 黑沈沈, 又冇娛樂性, 但說出來的, 卻是人生的大道理, 有時資源決定了行政, 所以當你有日, 遇到同樣安排, 也知世事本如是！只能引頸就命也ｏ（而家醫管局唔肯用貴药医人就是了！）