速效減肥法
2013/04/26 08:41:30 網誌分類: 生活
之前用過不少方法引肥米跑步,效果不是太明顯。朋友送來一枝雷射筆,終於策動到貓爺跑動的決心。這小小一點熒光,教貓爺們腎上腺素上升,欲罷不能。 真真、骰仔和肥米三隻反應最大,追住熒光跑跳碰,跑到走廊盡頭雙腳急煞車再追回頭。專登把那一點熒光固定在肥米額頭上,骰仔和真真因為肥米的威嚴,一度只敢死盯不敢出手,到我不斷晃動雷射筆,骰仔終於忍不住,一巴掌拍到肥米面上,兩隻貓自然你來我往扭打一番。不過當熒光筆再度出動,就甚麼新仇舊恨都扔到腦後,三隻儍仔復又追來撲去。 玩了差不多十分鐘都沒有停止的意思,倒是我自己玩得累了,鳴金收兵。三貓繼續到處尋找那一點光,幾分鐘後找不到,才死了心,軟攤在地舔毛。 |
哪女皇一生有關小姐共度餘生, 也不枉過了!
呂鳳儀
http://blogcity.me/blog/reply_blog_express.asp?f=NEHVFIB5M953466&id=372672&catID=&keyword=&searchtype=
對不起...搭訕一下..
shane女皇已經去了彩虹橋了
係呢, Shane女王陛下近排龍體安康嘛?! 有冇同關小姐close咗呢?! 有啲掛住佢添!
係呀~ Ms. 關, 肥米俾貓打好少見呀~ 我都想早啲見識咔~ 一定好搞嘢!
等咗好多日啦關小姐...點解仲未有片睇呀 ??? 好心急呀! 好想快啲有得睇呀!!!
呂鳳儀,一般文具店或鴨寮街都應有得賣,你說是鐳射筆便可。
哈哈,各位,咁梗係有影片啦,不日發放!!!!
HI, Ms. 關, 我想請問支筆邊度有得賣呀?! 我都想屋企隻肥貓郁多啲呀~ thx!
最緊要要有"一巴掌拍到肥米面上"
王可力, 十分同意, 如有三傻貓的片睇一定笑爆肚皮
嘩哈哈 "三隻儍仔...". 如果有埋片睇仲好呢