家務
2013/05/03 08:41:28 網誌分類: 生活
有貓之後,做家務變成一場場的人貓角力,都幾有挑戰性。 極少燙衫,皆因牠們每次都搞搞震,米米對軟綿綿的燙衫板最有興趣,肥pat一坐上去賴着不走,推走了轉個圈又回來,更用雙手攬住睡覺。好不容易趕走了牠,快手快腳把衫鋪上面,牠又竄過來把毛抖在上面,之後追着隻衫袖左撲右撲,煩到不得了。忙亂中燙出來的衫,都是皺的。 摺衫也是煩惱,紅豆最愛坐在新鮮乾淨的衫上面舔毛,尤其是黑色的。 另一項最吸引貓爺眼球的是地拖,貓見地拖眼睛就放光,有時三隻貓一齊追住地拖東奔西跑,又扯又咬死不放手,牠們可能當我是和牠們玩遊戲。有時煩不過,同時開吸塵機,貓爺才四散奔逃。 是很煩,不過又會想,少了牠們的喧鬧,就會靜得過份,家不成家了;所以嘛,煩惱都是自找的,快不快樂,視乎你如何看待這些煩惱。 關慧玲 |
我幾隻貓也是一樣呢?
最鍾意搞搞震!
係呀,,燙衫板 俾佢喇,,,,,,,,,,,,,難得佢瞓得個樣咁滿足,,望到個心都軟哂
大家都覺得我應該俾咗燙衫版佢丫??
哈哈,關小姐,,其實米米最愛您,,因為您掂過的所有東西,牠也愛.........
我比較幸運,,,我家兩貓爺,,一見我拖地,,自動跳上梳化或椅上,,,
關小姐:
熨板給肥米吧, 你買蒸氣掛熨機用喇! 其實家中有寶貝永遠也帶一身毛出街, 我家中有黑貓紅貓, 著黑衫抱黑貓無問題, 但抱紅貓就一身毛, 著淺色衫抱黑貓都死, 所以無論返工去街去成身毛, 用毛碌碌碌完都是差不多
關小姐, 你不如直接將燙衫板賞賜俾肥米做床算啦 ^o^
好一場人貓角力....相信米米媽應該年中慳唔少外出減肥費用...因為係屋企都減到夠...
"紅豆最愛坐在新鮮乾淨的衫上面舔毛" - 紅豆小姐認真識揀