李後主之去國歸降

重温了葉紹德先生, 在香港82至84年主講的, 粵曲不離口, 其中一環節李後主之去國歸降, 有導賞粵曲的意義ｏ

對任白及雛鳳的表演, 李後主之去國歸降, 原來是為慈善演出, 與及任白想帶雛鳳見世面而作的ｏ

曹彬部份由簫劍英演出, 可惜其後退出雛鳳ｏ

胡則就是龍劍笙, 十分牛奶咀ｏ

流珠是江雪鷺（即舒淚眼）, 薛九是梅雪詩（即唱上苑百花嬌果個）

葉生直指雛鳳稚嫩, 龍劍笙拍埋師父處, 矮了一大段, 梅雪詩直情唔識 口斗 氣ｏ（如果唔係葉紹德講, 真係冇人敢講也！看看雛鳳日後成就, 有誰敢話龍劍笙, 梅雪詩唔得乎？）

連任劍輝唱小桃紅也入早了小小（即山河变色的山字早咗入！）聽了葉先生的介紹, 欣賞能力也會提高不少ｏ

原來仙姐的唱功, 也因雛鳳學唱時一齊練有所提昇, 真係唔講冇人知也ｏ其中每段獨特的演譯, 也有指出ｏ難得的是, 葉先生自已也識唱（佢太太陳鳳仙, 也是名唱家小白雪仙也ｏ當年好多粵語片由佢代唱ｏ）佢唱出普通人的唱法, 幫我地比較唱家唱法獨特之處, 真係好嘢！

一連六輯李後主之去國歸降, 聽得黄SIR眉飛色舞, 特別介紹俾大家聽ｏ

（先去亞立網, 揾倒粵曲欣賞, 揾倒06年7月30日至9月3日一連六個星期ｏ再到港台DOWNLOAD, 就有得聽ｏ）