好股要遠看
大市今日曾經穿左２０５００點，但美股晚上再跌，情況好洶湧，相信穿２００００點已經好快將近，但我地散戶可以點做？
- 立即走人
- 留住ｄ貨
- 再入貨
我會揀２／３，有錢多，唔怕係低價吸納好股，手持好股既，如果係長線看，根本不用怕。
我重申，好股一定要長線，唔好人云亦云！不要俾眼前短期既風暴、消息、身邊既人所影響，緊記除左基本因素改變！唔係唔侯諗咁多人，見好價你就入。究竟大家對長線既定義係乜？區區一年？兩年？我自己既標準起碼三年以上！入市既時候你要問自己你究竟係買短線定長線，我大膽咁講，若然你心中俾眼前既野影響到你既，即係你係短線，你就變左同銀行既師奶一樣，只想係市場上走波幅，並不是一心一意長線，我好佩服東尼因為佢講得出做得到。
匯豐今日曾經跌過落１３５．５，中行今日３．５９，工商銀行跌到４．３，建行曾到５元附近。呢４隻如果我有錢剩我會買！如果有人問，你唔驚？ 長線我點解要驚？係，因為可能要捱價，但走兩走你就冇左ｄ錢，亦都違背左你當初想長線既理念！
什麼次按？什麼拆息？眼前既風暴可能已經影響左你地既判斷，諗清楚究竟你係長線定短線，若然你話我要買個隻股票既目標價，你只係打算係市場上賭大小！買佢一係升，一係繼續跌。 若然係長線我就唔係賭大小，我係要通殺！
記住，我講既係好股，唔係雞股，我講未必係一年內既目標，可能係幾年什至不等。
同時，我認為大家可以係波幅中不斷推高賺價黎作投資，假如４．６元買５元沽，４．８元買番你賺既係差價係０．２元，都可以叫長線，因為股票有波幅，係散戶黎講，呢個都未嘗唔係一個增值方法，但始終冒險，我唔太讚成，除非你有把握，不過唔容。
現價很多股都比較平，唔好什麼眼前短期分析，其實你已經入左局，抽唔到身出黎睇個市！
我亦都已經當局者迷，講呢番話因為看過了東尼叔講既野，可能如夢初醒，聽日可能繼續入局！ 緊記清醒丫！
