金蓮戲叔
2007/08/18 01:46:32
網誌分類:
文化
潘金蓮潘小姐是一個, 千古被人罵的淫婦, 其實佢天生麗質, 但家貧被賣為婢ｏ𣎴幸的是被咸濕老爺非禮, 更不幸是奶奶不諒ｏ（自己老公咸濕卻冇符, 反將仇恨放在潘小姐身上, 認真惡毒！）
於是明知武大郎三寸釘, 又老又醜, 又唔識唱粵曲, 而想跳交際舞又唔夠高, 個老婆咁靚, 又唔同佢去威, 潘小姐在家悶到抽根, 自己身材, 樣貌, 歌喉, 舞藝, 都超晒班, 冇D幸福, 冇D快樂, 真係冇道理也ｏ
其實潘小姐本身並不淫蕩, 只不過係武大郎太不濟而已ｏ當年又冇卡垃OK, 又冇鴨店, 你叫潘小姐點先？
其實當佢見倒武松又靚仔, 又好武功, 又有件新虎皮, 想同佢跳番PART舞, 夾番隻歌之馬, 點知武松又衰衰咁, 唔同佢玩, 迫下迫下, 潘小姐悶得滯, 就識咗西鬥慶ｏ（其實潘小姐係俾慶哥教壞, 至變成淫婦之馬！）
其實如果武松哥唔係咁, 都唔駛令武大郎戴晒綠帽, 仲被人謀殺添！同潘小姐唱吓K, 跳吓社交舞, 就唔會咁易作出牆紅杏啦！你地話係唔係嘞！
都係最衰係武松！第二衰係西鬥慶！第三衰係武大郎！（全部唔關潘小姐事！）
雖然你說到底還是偏袒潘金蓮， 但我又覺得你分析得幾有道理。
淫蕩都有個階段。 她也是在經歷過一個個男人後， 才逐漸放浪形駭。
誰對誰錯，很難說清， 但若然她有點自制能力，懂得克守婦道， 或弄點小作打發時間的話， 便不會恣情縱慾， 把男女關係放在首要位置。
我不知自己講得對不對.....