貓界技安
2013/07/12 08:41:15 網誌分類: 生活
因為新貓Mo仔來臨,肥米擔心王位受到影響,開始做出些有趣行為。 怕新舊貓未融合,Mo仔仍然是自己住的,每日放飯出來與眾貓爺碰碰鼻。貓爺不太理牠,見牠走近就走開或胡胡聲,肥米卻是眯起雙眼,成塊面皺成一團,口中唸唸有詞,直至Mo仔識趣走開。 有一天,發覺肥米鬼祟地溜入Mo仔睡覺的地方,在那裏轉了兩個圈,躺在Mo仔喜歡的毛巾上,用貓面來回擦拭,務要把自己氣味留低,再走去吃人家的BB貓餅。這樣搞局一番,臨走時更上了Mo仔的廁所,大剌剌地去了一次小解! 我看得笑破了肚皮,可是Mo仔顯然不甚高興,不滿自己地頭被「貓界技安」惡搞,轉頭只見牠也走進我從未教牠使用的眾貓廁所,一樣留下一泡尿作為反擊! 不斷觀察Mo仔,開始有點擔心牠或可能是人家走失的貓,意外被愛協救走,皆因牠十分熟悉與人相處,卻不喜歡群貓共舞,希望這不過是我胡思亂想吧。 關慧玲 |
係呢,,ms. 關,提起忌廉哥,您諗咗成個禮拜,有冇諗派邊個貓爺踩忌廉哥場呀?我個人驚如果派肥米,第三次世界大戰都有份,不如派嗲精紅豆咯!睇吓紅豆小姐會唔會令忌廉哥好冧佢同忌廉嫂呷醋,條片實好睇,諗諗佢啦,ms. 關!
old ox,
哈哈,好傳神丫!!
現在貓爺不太理會mo仔,反而係mo仔到處挑機。
關小姐:
睇落似係米米以"大佬"身分向垂頭的MO仔訓話, 講授入關家家門的家規:
每朝6點起身, 準備罐罐早飯, 忌廉哥做代言貓既貓湯同清水;
開飯時, 我未食, 你不得起筷;
食完飯, 要洗乾淨所有貓兜;
然後同我洗頭, 洗頸, 洗身, 洗手, 洗腳......
乾淨的聚寶盆, 我未曾放低幾兩你不准用;
大熱天時, 洗手間個洗手盆係我既貓床;
天寒地凍, 關小姐大髀床係我既;
全新的貓玩具, 貓傢俬, 貓爪板, 我未曾享用, 你不准觸摸;
電視機, 睇無線, 亞視定有線, 我話事;
上互聯網我優先;
我搗蛋時, 你要幫拖; 穿崩時, 你個新仔要同我頂包;
唔聽我話, 駁咀, 打爛野, 要頂罐罐!!......
但看似留心聆聽訓辭既MO仔心諗, 睬你喱隻肥野都傻!!
Old-Ox
i like 肥米
匯豐銀行門口石米米
米米的行為就好像骰仔初到妳家時一樣,米米現在已成為貓老大了,當然要給新仔 mo仔(有阿寶影子的)一個下馬威吧!
點都好喇 , 佢今日有緣到你家 , 成為關家貓一份子 , 是大家嘅緣份 , 就算真係人家走失嘅貓 , 只怪佢同前主人有緣無份了........
肥米個樣好不滿, 又好搞笑
sammisp821
hi,,我極同意您的說法,,,,,,米米係極度不滿,,醋意大發,, ,,
原因;點解企在關小姐大腿上..係MO仔,,而不是我米米
關小姐:
3年前領養冬冬後, 起初將她安置在貓籠, 每晚只讓她出籠自由活動約15分鐘. 她每每利用這一刻到全屋探險, 探到我從未教她使用的大灰熊廁所, 留下一堆黃金; 大灰熊也趁機潛入冬冬的貓籠, 在冬冬的聚寶盆去了一次小解作為反擊!
Old-Ox
我有個意見, 既然肥米個醋樣出晒黎, 不如叫佢做"肥醋米".....
或者你可以咁諗, MO仔本身可能是有人收養過, 只是給主人遺棄後被愛協救走, 再來到你身邊呢, 依家好多不負責任的主人都係咁.....所以我覺得你不必顧慮太多, 努力地照顧好眾貓爺...
米米個惡樣 ...