教父

2013/08/16 08:41:24 網誌分類: 生活

16 Aug

        新成員哥哥因為年紀小，不一會已融入家中，肥米、真真不太喜歡小朋友，但對於牠在旁邊撲來撲去也忍完再忍，煩不過最多走開。

        不過，小貓總需要家長教牠做貓的禮儀，近日留意到教哥哥貓生大道理的竟然是骰仔。別看骰仔甚Cool，卻是鱷魚頭老襯底，從牠第一個願意接觸病貓Mo仔，也是第一個受感染，就知道牠其實十分和善。

        哥哥最愛纏住牠玩，兩貓互追一輪，骰仔開始不介意任牠在自己身上撲咬，有時又會抱住舔哥哥的頭，也鍾意跟在哥哥身邊，教牠家裏哪個位置最涼快，哪裏有貓抓板。見牠太淘氣，就會出手輕力拍打，要牠收斂。

        二貓出雙入對，加上骰仔外表威嚴，看起來就像是哥哥的教父般，令哥哥更加放肆，因為牠知道有乜事發生，骰仔總會走出來，情況有點像從前阿寶守護着紅豆小姐一樣。

        貓與貓之間互動，也講求緣份，肥米就沒有這種耐性了。

        關慧玲

回應 (10)

我要發表

2013/08/18 22:21:18 回覆

關小姐:

都睇唔到骰仔對眼!!

據我養過19隻貓的經驗(現時16號大灰熊, 18號冬冬同19號小金仍在), 不論大小貓關係如何, 隻小貓會跟足隻大貓的特別舉動, 如去洗手盆的水龍頭喝水, 往發掘到的新大陸遊覽等, 同時隻小貓見隻大貓睡過的地方, 就知一定安全, 很安心往那處安睡.

Old-Ox ${#icons_cat1}$

2013/08/17 10:09:19 回覆

關小姐:

不用太擔心, 一切等療程完結再作決定, Mo仔加油。哥哥你越睇越靚仔。

2013/08/17 07:20:07 回覆

哥哥仔真係好靚仔呀!!!!!!

關慧玲 2013/08/16 16:11:36 回覆

臻淇貞子,

是的，真係兩難的抉擇.........

2013/08/16 15:57:31 回覆

真係估唔到,原來紅豆小姐係最強壯果個... ${#icons_cat1}$

2013/08/16 15:03:26 回覆

關小姐,為雙方著想,最穩陣我諗都係要送mo仔走架啦,留佢響關家一世困住都唔公平,但如果佢隻菌係咁惡,睇怕都無咩邊個敢收留佢. ${#icons_cat3}$

關慧玲 2013/08/16 12:20:20 回覆

各位，

報告一下近況。mo仔和哥哥進入最後一個療程，哥哥無乜問題，反而mo仔繼續有紅印走出來。其牠貓就下星期才開始最後一個cycle的藥，下下星期就知真章，誰是完全好了，誰有手尾跟。

mo仔怪慘的，想日後可能一直被隔離的生活。我正在想解決方法。

其他貓爺沒大礙，阿kidd甩了兩個圓印般大的毛毛，像鬼剃頭般。肥米近鼻子處的一小撮甩毛長回來了，繼續靚靚仔，皇位坐很隱陣。

全家只有紅豆小姐最強壯，一點事也沒有，不過為穩陣計，也陪吃藥。

2013/08/16 10:29:57 回覆

好有父子相 ^o^

肥米同真真都仲係小朋友性格,邊有耐性教人? 唔打埋一份已經偷笑.

2013/08/16 09:58:41 回覆

哥哥真係好精靈可愛呀 ${#icons_cat8}$

我家也養了一隻像骰仔的黑貓 ${#icons_cat7}$ ，都是很好品性,,,家中還有一隻只細牠一年的貓爺,,牠也讓步，包括食物和玩具及主人貓奴，也先讓給牠，哈哈,,,,我是極欣賞黑貓的表現，所以我是最錫牠的！ ${#icons_girl1}$

2013/08/16 09:03:29 回覆

肥米也驚自己皇位不保,邊有咁多時間去管教哥哥... ${#icons_cat2}$

教父

網誌分類

已關注

最新網誌

最新回應

月曆