新造型
2013/08/23 08:41:14 網誌分類: 生活
朋友送來型帥貓頸巾,不過只得一條。我家貓放任慣了,很多都不受束縛,試過套在真真身上,可是牠的頸太粗,扭頭說不要,紅豆小姐則不住向後退要擺脫它,骰仔呢?就像給人點了穴一樣一動不動。 其他貓爺不要,頸巾最後還是落在肥米身上。不是我大細超,可能是牠出過街見過大場面,也戴過貓繩跟我Walk,比較適應頸上黏住東西,不一會已習慣了,像個小童軍一樣,超靚仔。 從前試過替貓戴上皮製的項圈,不過其中一隻唐貓頸項太幼,項圈被牠推到卡在上下顎之間唔上唔落,幸好發現得早。見過鬼怕黑,貓命要緊,以後都不敢替牠們附加任何束縛。 如果想為貓佩戴頸圈,最好先留意貓爺性格,有些實在十分討厭受拘束,夾硬替牠穿衣扮靚,牠可能會因反抗而受傷。肥米性情和順,忍耐力高,所以搶盡風頭都無辦法。 關慧玲 |
..果然型.我都想買條給胡雪巖...
關小姐:
廿幾年前又試過在北角華豐國貨獲贈1條塑膠仿珍珠項鍊, 當然又贈給隻貓女戴. 過年時些訪客見到牠, 皆很驚訝"你隻貓戴珠練!!"
Old-Ox
真係威武
米米媽一D都唔偏心, 只係肥米最搗蛋, 我地都忍唔住要講多幾句...
哈哈。事實証明,但凡寫米米都特別多留言,証明不只是我偏心啦
關小姐:米米個樣好靚仔 不過有d唔耐煩咁.... 哈哈, 可能想食野
Old-Ox:你個 description 好搞笑
關小姐:
以前吉之島寵物用品部間中也有這些寵物圍巾特價出售, 貓貓的每件$10. 我也試過買給我當年的貓貓佩戴, 戴上紅色圍巾的貓仔化身成一個Cow Boy, 戴上橙色底+白點圍巾的貓女, 卻變成一個"八婆"!!
Old-Ox
5個字形容:型,英,帥,靚,正!!! 睇真D, 點解肥米伸脷仔?
肥米個樣怪怪地咁 -_-
咪幾睛米...哈哈
肥米你超靚仔 , 問候一下Mo仔近況, 哥哥仔應該又大隻了, 小毛孩大得很快, 關小姐要多點為牠拍攝寫真嗯