學到足
2013/08/30 08:41:27 網誌分類: 生活
骰仔和哥哥扮演兩父子真的好搞笑,兩隻貓出雙入對並排行走,哥哥有時行歪了,骰仔會出口又出手,叫牠走回正道。骰仔行過的、睡過的地方,哥哥特別放心跟住做。骰仔食飯,哥哥緊跟在旁用同一個姿勢吃,連尾巴的擺位,也是一模一樣。 有天哥哥又玩到癲喪,滾筒般滾到骰仔身上,不小心一把掌打到骰仔的面,換了是肥米,兩貓爺必然又有一番扭鬥;骰仔卻是一手按下了牠。再小心地舔起牠的貓頭來,盡顯父愛。 想不到從沒有做爸爸經驗的骰仔對哥哥有咁大影響,依家骰仔每轉天氣就打噴嚏,哥哥也感染了這個習慣,細細聲乞嚏。可能每一隻貓B加入大家庭,都會有一隻成貓做牠的守護神,從前是襪仔對黑雪、阿寶對紅豆,現在輪到骰仔對哥哥。 骰仔行事為人比較粗豪,看哥哥學足骰仔四隻腳全攤開抖涼,就知道牠將來又會是另一隻大情大性的肥貓爺。 關慧玲 |
係呢, MS. 關, 阿MO有冇好番啲呀?! 真希望您唔駛做四條腿拯救隊隊長, 人貓愉快!
看到哥哥有個圓潤padpad, 極有潛力做隻大肥貓
呢隻美短真可愛
燒乳豬仔
正所謂"近朱者赤,近墨者黑".....所以"近骰仔就似骰仔"....看哥哥的瞓覺姿勢,其實已經唔駛睇將來,依家已經係骰仔2號了....