退休歲月

我2004年4月退休, （係提早退休果隻） 建华哥, 錦松兄搞到大學果陣唔夠經費, 大學成日話要CUT人, 部鬥謠傳四十人減到三十人ｏ弄權者（揀人炒者）乘機玩嘢, 坐入課室聽老師講書, 玩評核！玩呢玩路！玩到不亦樂乎！（有D似而家美國佬玩中國咁, 咁又唔啱, 咁又唔妥, 寸步難行！）

這边廂, 搞到份工好難做, 那边廂, 搞提早退休有著數ｏ再搞埋D學生, 玩先生（評番轉頭ｏ）份工難做到死！一有機會, 唔走人就奇了ｏ

黄SIR遭遇仲妙, 俾科以往由六位老師合作（工程師在社會）才教得掂嘅, 俾我一個人教ｏ（真睇得起小弟！）好彩小弟上堂一睇, 成班學生, 都在高級文憑教過（而家昇咗讀夜間學位！）上課時我叫佢地自己睇書, 叫佢地一組一組出泥PRESENT俾我聽, 搞掂咗！以一敵六ｏ一樣掂！

有D同事仲慘, 年年教幾科新嘢, 備課備到氣咳！教得唔好又俾人投訴, 壓力大到無倫！（因為要迫人走！玩嘢嘛！試過玩死人嫁！）

玩評核仲過癮, 好多老師要孭守行為簿, 边D边D要進步, 最惨是, 要學生評分部份進步（大佬！你要D學生話你好, 你仲敢話（教）佢地乎？）

黄SIR退休後, 專心玩樂, 每星期唱一日粵曲（學習）ｏ跳一日社交舞（在教協學ｏ）有時走上深圳操曲, 按腳ｏ食嘢！又有時同敖協學舞D同學, 去黃埔博藝跳吓舞, 真係乜鬼壓力都冇, 快活過神仙！

加埋日日係BLOG上吹水, 罵吓D蠢材！笑吓D朋友！都好頂癮嫁ｏ