莫言當年勇

老人吹水, 多提當年如何如何威水, 如何一個打十幾個（太極）, 可以跑嬴隻駱鴕（隻嘢跛嘅！）

D女仔又幾為佢傾倒, 諸如此類ｏ

講到浪漫, 真係有畿風流就有畿風流（從不下流！）, 有畿温柔就有畿温柔！

有次我聽見, 有位師姐唱佢老公（D人有時見黃SIR傻吓儍吓, 當咗我都係師奶,講D私事都冇乜避忌我！）

師姐有晚半夜, 忽然浪漫, 同個半睡半醒個老公講（條老嘢仲老過楊振寧！成九十幾）HONEY,  可唔可以好似後生果陣時咁, 咬吓我隻耳仔呀？（嘩！乜有人有呢D癖好？錫吓都得啦！要咬？）

點知個老公話, 得就得, 不過黑麻麻, 揾唔倒副假牙噃, 點咬呀？ 衰婆！咪鬼發姣啦！

師姐為之吹漲！

（黃SIR立即衝入洗手間, 笑餐飽！）