無謂之樂
2007/09/08 02:05:07
網誌分類:
生活
有時見有D人的興趣, 會令黃SIR大惑不解o(乜都有人諗, 真妙!)
例如有人研究, 陶潛明不為五斗米折腰, 究竟五斗米又可以煮畿多碗飯呢?又例如詩句白髮三千文, 有冇可能呢? 而千里江陵一日還, 坐船又有冇可能呢?會唔會坐AIRBUS 380 好D呢?
呢D研究, 唔知有乜用, 但又唔可以話佢完全冇用o大學內的教授, 周不時都會諗埋D常人覺得無無謂謂之事, 得閒之過也, 此所謂思想自由也o
所謂不作無益之事, 又怎遣有生之涯呢?
有個富翁, 鍾意收藏什麽瓷器茶具之類 , 但親人冇個識欣賞, 結果死後送咗俾博物館o有個叫什麼志雲的(不是志雲飯局那個)收藏了很多電影資料, 近年過咗身, 死前咪又係將D資料送鬼晒俾電影博物館o有D人集郵, 集火柴盒, 集乜集物, 都係無無謂謂, 自得其樂o 旁人有時根本無法分享其中之樂也!
人有時真係要揾D無無謂謂興趣, 唔係D日子又點過呀?
所謂不作無益之事, 又怎遣有生之涯呢?
寫 BLOG 也如是,
寫得不好,沒有人看,惨!
寫得好,又無錢收,慘!!
又有咁多人寫,真是呀奇生呀奇了。