快活的一天

今日晨早吉時前趕入馬塲, 馬塲依然十分熱鬧, 可見很多人皆抱着娛樂心情玩耍ｏ

早前有班衛道之士, 反對馬主帶小朋友入塲玩, 真係不知所謂ｏ這班人連一D基本做人的思想也搞不通, 卻偏偏去干涉別人的生活ｏ帶小朋友去睇馬, 唔知又踩親佢地D乜ｏ

好似有人見人唱粵曲, 弄到家散人亡, 就以為凡唱粵曲的皆如此！賭馬都一樣,有D病態賭徒, 唔賭馬, 賭乜都傾家盪產啦, 又唔見得入親馬塲個個都如此也ｏ

黄SIR今日就小注恬情, 入塲即中劍追風, 又中什么什么鴻福星威, 三中頭關中正三隻, 叫糊ｏ次關死韋達死火, 中两隻腳ｏ尾關又中两隻ｏ中了七隻馬, 冇錢收, 一樣十分快活ｏ

看看綠草如茵, 心曠神怡ｏ回家袋中尚有微利, 又過了快樂的一天, 是為記ｏ

明天約了細孖大孖上深圳操曲, 得一個平喉, 唔知有冇人幫呢？吓？