撈底市
United Technologies此前曾經表示，政府部門的停運，將危及該公司的5000個職位。分析普遍得出一個結論，既然United Technologies受到影響，那麼，她的競爭對手Lockheed Martin、General Dynamics又或者Northrop Grumman，以至整體美國的就業市場無理由唔受到影響。
因此，市場睇10月非農就業報告，認真唔樂觀，預期只會比上月增長12萬，MarketWatch的調查更係只有10萬個職位增長，係2012年初以來第三差的增幅。失業率則預期將由7.2%升至7.4%。
10月非農就業報告上週五掀盅，結果令市場大跌眼鏡。職位增長不但沒有受到政府停運影響，而且增幅回升到三個月之前的高水平，竟然有20.4萬個職位增長。失業率則由上月的7.2%升至7.3%，低過MarketWatch的預期。
不過，值得留意的是美國15至34歲的年輕人群的就業率卻由上月，政府停運前的75%降至74.6%，即使係75%，亦已經非常接近經濟衰退時的低位水平（73至74%），與房地產市場泡沫前的水平，更相差好遠，當時係78至80%。由於這個年齡群係房地產需求的主要來源。他們就業不足，亦直接影響房地產市場復甦步伐。
另一邊廂，密執安大學和湯森路透集團發布的11月美國消費者信心指數報告，卻與就業報告大相競逕。11月信心指數初值降至72點，創了2011年底以來新低，明顯低於市場預期。
近期市場因對聯儲局提早退市的憂慮，已經形成一種將好消息當壞消消息炒的吊詭趨向。就業市場大幅好過市場，聯儲局提早退市的機率自然增加。不過美股上明顯反彈，杜指收市大漲168點，收報15762點，標普500指數升24點至1771點，納指亦漲62點，造3919點，三大指數漲幅超過1%！杜指及標普500指數全個星期仍能保持漲勢，分別漲0.9%及0.5%。納指微跌0.1%。
有分析員解釋美股之所以造好，一方面係美國消費者信心指數創近兩年新低，消費者對美國經濟仍然冇信心。另一方面，市場普遍認為受到政府關門的影響，10月非農就業報告唔及以往的報告咁可靠。於是當佢無到，見上日大幅回落，走去撈底。
瑞銀的紐交所業務主管Art Cashin亦表示，美股上漲與就業報告無關，主要受上日下跌（dipper）影響，投資者趁低吸納所致。
講下明星股Twitter走勢。Twitter上市第二日，回順7.2%至41.65美元。Twitter首日掛牌大升73%，猶記得1999年、2000年，科網股爆破前夕，科網股首日排牌，動輒都勁升幾倍，市場都覺得理所當然。例如: Ask Jeeves大升4.6倍，Sycamore Networks炒高3.9倍，更瘋狂的Theglobe.com飆升6倍，VA Software漲7倍。當然上面好多公司已經不復存在。相比之下，Twitter首日的升幅，似乎都好合理。
不過，此一時也，彼一時也，如果睇埋今年新股上市的首日升幅平均只有17%，Twitter的升幅其實都幾驚人。
事實上，好多分析都在Twitter上市前都認為定價太高，上市後再升的空間已經唔大。專門分析新股的Pivotal Research Group分析師Brian Wieser在Twitter上市無幾耐，已經下調Twitter評級至「沽售」。他當時指Twitter的市值已接近300億美元，股價再升，其市值就會超過300億美元，Twitter已經過貴了。
分析界普遍認為Twitter合理市值為200億美元。超過這個價，就唔值得追入。要買，不如買Facebook？同樣係社交網，Facebook用戶超過Twitter 5倍，而且去季盈利好過預期。Facebook的市值都只係剛剛超過160億美元。Twitter上半年仍然蝕緊近7000萬美元，估計要到2015年至可能有盈利。但無論如何，Twitter首日上市，價格策略都十分成功，剩下來的是怎樣做好盤生意報答熱情的Fans啦。
陸羽仁
（我今天不在港，暫停答問。）
學吓整水喉，真係做到七十都可以。
有空我都想學整水喉....
陸羽仁覆網友
Gamesimon:博雅受業務所限，未必能重演雲遊首日的升幅。宜等下午，若差不多都可以沽。唔好一定要升四成才沽。雲遊近排狂跌，今日又跌5%，距上市價5.1元只高10%，雖然不宜買當頭跌，但雲遊平過博雅。
勝不驕:建行第三季業績好過工行少少。等埋三中好啲。
大笨袋鼠:你睇睇美劇Scandal，政治的確好黑。甘迺迪之死，好似被政治謀殺，不是傻佬所為。
Gdreader:內房股三中後的確可能再跌，一注獨入可能要捱，但又唔應該跌得太勁，說到底中國經濟無咗內房唔得，降速會過快。
保利亦係咁，近排較弱勢，但回到派4.8厘息的價，又真係可以守吓。若向上又係一成左右就收工。
Torreskk:你講三隻中，中煤都可以，佢暫時係橫行唔係向下。恒大價平，但外界唔睇好佢盤數，有風險，要買都只宜小注，怕出意外。保利協鑫升得較多，但走勢強，似大漲小回格局，亦可吼。
Eric:愛生雅(SCA)收購維達，已經持股量去到 59.92%了, 主席李朝旺則有21.97%
，你問愛生雅(SCA)) 的意願為保留維達在聯交所的上市地位, 這是否正確?
佢講得出會做，即係唔想私有化，若收回的股份令佢持股多過75%，他要將多餘的股份配走。維達由於收購而大升，小心收購完成後又打回原型。即使對維達有期望，也可以先減持或部份減持，食番少少先。
三心兩意:我無聽港台的古今風雲人物，正嗎?
Kym:你有兩個問題，第一做唔做低薪公務員，第二老婆大洗點算。若無老婆考慮，公務員位人工低啲都好正，最好能善用公餘時間，搵多份收入，有無得申請俾老細批准? 若單身，洗少啲，唔使做地盤咁辛苦，都可以。
老婆大洗惡搞，申請埋嚟香港可能仲差，因為佢到香港見到花花世界，你唔俾佢洗佢仲怨。但老婆呢下嘢我唔識建議。
加埋的結論反而同你相反，若老婆生性，反而可以做公務員。若老婆唔生性，焗捱，但賺兩萬都只可以用1.5萬，起碼儲番5000元，一年6萬，10年60萬，投資吓100萬，加埋本身200萬，有300幾百萬，40過後可以做輕鬆工，搵番門手藝，學吓整水喉，真係做到七十都可以。
馬仔: 嘩....邊個有一球咁勁???
各位早晨呀！！
將軍 你有一球搏亞？？
highest @ $6.97
#434 @ $6.75
博雅有一球, 咪發.......
脫得(twitter)冇盈利都第一日番一番, 搏下都可以吧. 我得一手, 諗緊好唔好加.
(講下好了, 脫得 vs 搏下 兩回事)
陸sir!
小弟「有幸」抽到一手博雅, 唔知陸sir點睇博雅既走勢?
新股係咪應該短炒為主? 新聞話暗盤升三成有多, 請問應該睇幾錢可以放呢?
謝謝陸sir!!!
工行是否現在可以買入？還是等三中後才買？應左那一個位買？ 如有博雅，是否如上次雲遊上市，應該持有至獲利4成才放？ 謝陸sir
2013-11-11
Dow Jones Industrial Average (^DJI)
15,783.10
21.32(0.14%) 4:20PM EST
試水
2013年11月12日
中國十八屆三中全會今日閉幕，市場預計會後將係具體政策出台的密集期，內地華泰證券統計歷屆三中全會前後股市的表現，發現會議召開之後A股往往有較好表現，現在就係尋找受益板塊的最佳時刻，港股連跌多日後，於是都借勢夾番淡友一舖。
華泰證券列舉了幾個受益板塊畀投資者參考。首先係財稅改革，減少了重複徵稅的相關成本。受惠行業主要包括通訊服務及電腦行業。第二係金融體制改革，相關受益板塊包括上海自貿區、多元金融以及民營銀行；第三係資源價格改革，受益板塊主要係水電煤氣企業、智慧型儀器表以及鐵路等。
外資仲未定調
另外，有報道中國可能會放開「單獨二胎」政策，國家衞計委新聞發言人透露，改善生育政策是新組建的國家衞計委的重要職責。現在衞計委已經組織調研人口數量、素質、結構和分佈，研究完善政策的思路和方案。
「單獨二胎」是指夫妻雙方一人為獨生子女，即可生育第二個孩子。8月時有衞計委消息透露，「單獨二胎」政策有望在近期重啟，而關於2015年之後全面放開「二胎」的政策正在擬議中。呢個概念本來都幾吸引，美中不足係現時有質素的相關股份唔係咁多。
係三中全會舉行前，內地股市呈現不安情緒，主要係擔心會議提出國退民進，出來有打擊暴利國企的消息，令內銀等板塊持續受壓。內地在多年增長後，開始遇到中等收入國家瓶頸，如何能夠維持發展，有人認為答案在結構提升和改革，增加市場分配資源的作用，咁樣意味中央可能會以大力度去開放現在由國企壟斷的重要領域，包括能源、電訊、銀行等，同時會降低政府權力，減少審批等關卡，咁樣做除了改善營商環境，同時減少官僚貪污機會。
對於未來改革方向，市場原本擔心會衝擊大型國企的盈利，好似內銀股就首當其衝被沽售，但沽咗一輪後，大家見股價唔係咁跌到落去，又開始覺得呢啲巨企隻隻皮堅肉厚，點都頂得兩嘴，就算環境無咁好，但係咪代表好快就失勢呢？驚魂稍定下，好友就夾番一輪倉先。
憧憬三中全會將有利好消息公佈，加上美股上周五急升，恒指只係高開37點，一度甚至輕微倒跌，午後A股回穩，港股借勢炒上，尾市最多升380點，以貼近全日高位23124收市。恒生指數收報23069，升325點；國企指數收報10582，升192點，成交金額僅528億元。
昨日指數升得多，有點測試水溫味道，而家市場對三中全會仲未真係定調，個市彈咗一日，仲唔可以講話已經變番天朗氣清，最主要仲係要等外資點樣理解中央走出來的改革方向。
博雅唔難回本
昨日係「光棍節」，網購商借頭借路搞個購物節，今年銷情又報捷，科網股借勢已經炒起咗。揀正呢個時間，以網絡及手機遊戲德州撲克打出名堂的博雅(434)
今日掛牌。博雅獲7.7萬人捧場，超額認購832倍，係今年最火熱的新股。博雅以5.35元定價，較上限價低4.5%。認購1手(1000股)十個申請抽一個；認購30手或以上至可以穩得1手。
有消息指，收得560份認購上限的大飛，中籤率僅0.28%。假設大戶做9成孖展認購博雅頭槌飛，本金516萬元，7日利息成本約1.05萬元，博雅首日升7.6%就收得番成本，開波時應該唔難做到。
陸羽仁
上星期聽你哋講，印銀紙同暗殺總統的陰謀論，原來今年係JFK被行剌身亡50周年，唔怪得又有新陰謀論提出。而早兩年前，國家地理頻道，製作了一齣研究新理論，當時那三槍卻只有兩槍射中，而第一槍只有找到彈殼而沒有彈頭，亦重新計算整個時間，由完本定案的六秒射三槍，重新計成11秒。
個forensic research幾好睇。
基本上係提議一個新理論，指槍手只有Lee Oswald一人：以新的時間計算，是完全有可能；不過就算這個行動上的理論成立，亦無法消除其背後行刺動機的陰謀論。
如果JFK當年無死，可能沒有越戰（之前有解禁文件，說他打算去完德州之後再和幕僚重新定案），世界唔知又會變成點…但是變好還是變壞，就無從稽考了。
JFK: The Lost Bullet by National Geographic - Four Courners
JFK: The Lost Bullet Facts - National Geographic Channel
註: 沒有人上youtube片
*以下乃設計對白/模擬對白
animal666 11/11/2013 11:11:11 網友在此的回應
animal666覆網友:
牛腩貓咪:
牛腩貓咪:
幪面馬仔:
牛腩貓咪:
大笨袋鼠:
大戶終結者:
牛腩貓咪:
buddaau:
牛腩貓咪:
好靜，真的好靜
請教陸sir, 我睇左你個column好多年 早排睇完你個POST關於內銀 無入到1398真係有D可惜
今物睇完你篇內房分析 雖然你推介3333 688 2007 但係我今物見1109跌得多D 所以20.6入左 但係收市時潤地仲係要跌 唔似恆大 中海外 碧桂園咁已經升番上去 再諗係早排大陸整頓華潤系 而驚有少少驚
另外都想順手問麻119保利 4.65入 都係諗住好似你講咁 差唔多一成就食糊計數 多謝陸SIR指教！
獸人，
大家好~ 大市.........
bro animal:
恆指急升～！！
有無人入左688,2007,3333?
嘩!
靜到ＡＲ．．．．
各位午安
今日好寧靜呀~~
老美是撈底市，港股是no eye see.
早晨：陸 sir 及各位師兄姊
市收
動物兄終於可以止賺了~
Good morning.
陸sir & 師兄姐早晨~!!!!!
第一~!!!!