服務倒退

今日去桓生銀行想買人民幣債券, 誰知櫃枱小姐話將軍澳冇得買, 唉！早前都有,忽然又冇！激死人！冇法啦ｏ唯有問佢边十四間分行有, 得閒經過至買, 服務倒退晒, 吹漲！店大欺客！

講起欺客, 醫管局之眼科医院仲古惑, 我本來年年去驗吓眼, 睇吓D白內障呀, 度下眼壓呀, 近視老花有冇事呀, 誰知佢見我冇乜事, 上年指咗我去將軍医院眼科睇, 今次睇完, 医生話冇事, 唔駛覆診ｏ連年年驗眼, 令你放心都冇埋, 一味靠滾, 連政府醫管局都係咁, 真係人心難測了ｏ

可能D医生忙很滯, 壓力太太, 唯有出招ｏ唉！睇泥都係要睇番私家医生, 驗一次要成六百皮！唉！冇計啦ｏ

諗落我都算好彩矣, 打番轉須去睇私家医生ｏ有D病人俾佢用D平药医, 医到有副作用, 变咗烏吓烏吓, 仲慘, 人如果老, 而錢又冇, 又有病來磨！真係苦事也ｏ

最近蘇民峰教睇咀形，六十打後部份睇咀同眼神, 覆舟咀 注定晚景慘涼ｏ黃SIR睇吓睇吓自已, 如果木（入声）埋就似, 笑就唔似, 琴日對住塊鏡將咀角盡量扯

高, 俾老妻係後面, 大喝一声, 你做乜鬼呀？ 嚇得我吖！

大姐！晚景淒涼噃！做番D嘢至得啦！