得隴望蜀

曹操先生在生命終結前一年, 己進軍至隴地（近四川的一處地方）, 成都指日可破, 蜀軍一夜十驚, 真係威過威士忌ｏ可惜曹先生自覺體力己不能支持了, 可能已有血壓高, 糖尿病, 三脂甘油酸超標, 骨質疏鬆, 甚至癌病未期矣！

跟住曹先生講佐番令黃SIR感慨不已的說話ｏ

佢話, 人之貪得無厭, 既得隴, 復望蜀, 奈何！奈何！（意思即是, 人是貪心無厭足的, 當你得到了一樣的時候, 你就會去貪多另外一樣ｏ）於是曹先生, 雖然可以旦夕滅蜀, 但卻反常地收兵, 一年後就瓜柴！終年六十七歲！

俗話話人, 做咗皇帝就想昇仙, 上得床來就牽被𢫏, 人心係不知足溉ｏ

君不見陳方安生, 以67高齡, 尚強出頭, 爭馬力先生立法局遺缺！（佢話為民主,你信佢乎？）

最近呢位亞婆又攻擊葉劉曾 SALE  23條ｏ（人地都未參選, 佢已經出拳！茅唔茅D呀？）而家就係要睇市民有冇智慧的時候了ｏ（選咗佢, 亞爺仲信你班友有能力普選乎？）

呢班反對派為了嬴取議席, 已是不擇手段了, 不計民意地玩嘢, 而陳太中了這班政治祈福黨之計, 相信呢隻四万都就泥要變八筒矣！