曲藝交流

MARY姐昨晚出SHOW, 自然一貫演出成功啦ｏ黄SIR受秋田所託, 硬着被逐之險, 送上鮮花一束ｏ好在大會新規定, 一年每人只送一次, 否則有排煩！多謝網友秋田, HERMIA高義隆情, 支持我D靚師妹！

演出後出席演出者的慶功宴, 遇見不少曲藝界前輩, 以黃SIR社交高手, 自不免大顯身手啦！

係, 係, 前輩, 久仰大名, 如雷貫耳ｏ（其實只係依稀有小小印象！）最近有乜演出呀？

911一塲, 1002又一場ｏ（哦, 咁鬼密, 千祈咪叫我買飛呀！三唔識七！個心講ｏ）

哦, 你唱得咁好, 自不然要唱多D啦ｏ（有錢玩, 好玩嘞！睇你個樣, 都係唔玩得幾耐矣, 個心講ｏ）

亞乜太, 你唱歌真掂, 我D師妹都鍾意晒你, 就離冇人同我唱矣！（睇佢個死樣,得戚到吖, 你鑼鼓都未識聽, 叻個屁！果D話你好, 冇腦蠢師奶, 以後唔駛旨意同我再唱歌, 死蠢！）

亞乜生, 我睇過你出SHOW, 真掂, 我師父都話你掂, 真好！（好個屁, 唱到口水鼻涕都流晒, 個死樣ｏ俾錢我師父賺, 放你一馬啦！蠢材！）

哦！我地D牛奶嘴, 學咗两三年貨仔之馬ｏ﹝書都寫咗本啦, 有眼不識泰山, 駛唔駛送本俾你學吓嘢呀？你知唔知我係边個边個嘅徒弟呀, 你D銀河乜差星, 算老畿呀！﹞

曲藝交流完, 居然有位亞太（演出者）, 成圍人請晒, 又會咁好嘅, 呢D就真正豪嘞！多謝晒ｏ 唔知同黃SIR D 應對有冇關係呢？ 吓？ MARY姐？