曲藝交流
2007/09/21 07:23:55
網誌分類:
嗜好
MARY姐昨晚出SHOW, 自然一貫演出成功啦o黄SIR受秋田所託, 硬着被逐之險, 送上鮮花一束o好在大會新規定, 一年每人只送一次, 否則有排煩!多謝網友秋田, HERMIA高義隆情, 支持我D靚師妹!
演出後出席演出者的慶功宴, 遇見不少曲藝界前輩, 以黃SIR社交高手, 自不免大顯身手啦!
係, 係, 前輩, 久仰大名, 如雷貫耳o(其實只係依稀有小小印象!)最近有乜演出呀?
911一塲, 1002又一場o(哦, 咁鬼密, 千祈咪叫我買飛呀!三唔識七!個心講o)
哦, 你唱得咁好, 自不然要唱多D啦o(有錢玩, 好玩嘞!睇你個樣, 都係唔玩得幾耐矣, 個心講o)
亞乜太, 你唱歌真掂, 我D師妹都鍾意晒你, 就離冇人同我唱矣!(睇佢個死樣,得戚到吖, 你鑼鼓都未識聽, 叻個屁!果D話你好, 冇腦蠢師奶, 以後唔駛旨意同我再唱歌, 死蠢!)
亞乜生, 我睇過你出SHOW, 真掂, 我師父都話你掂, 真好!(好個屁, 唱到口水鼻涕都流晒, 個死樣o俾錢我師父賺, 放你一馬啦!蠢材!)
哦!我地D牛奶嘴, 學咗两三年貨仔之馬o﹝書都寫咗本啦, 有眼不識泰山, 駛唔駛送本俾你學吓嘢呀?你知唔知我係边個边個嘅徒弟呀, 你D銀河乜差星, 算老畿呀!﹞
曲藝交流完, 居然有位亞太(演出者), 成圍人請晒, 又會咁好嘅, 呢D就真正豪嘞!多謝晒o 唔知同黃SIR D 應對有冇關係呢? 吓? MARY姐?
回應
(0)
我要發表