誰可改變
2014/02/14 10:11:20 網誌分類: 生活
白貓Mo仔不知有怎樣的過去?如何可以改變牠的偷食行為? 小Miu、Kidd仔一樣是流浪貓,都有悲苦的過去,不過做了家貓後對人類食物完全沒有慾望。至於紅豆和米米,除了蝦蟹可以吸引牠們上枱,對其他佳餚都沒有興趣。 唯獨是Mo仔,每次在廚房煮飯,牠即聞味而來、貓視眈眈,魚、肉都合心意,生的熟的沒所謂,一個不留神龍爪手一伸,就極速搶走,緊咬在嘴裏速逃,敏捷得令人吃驚。 弄得我煮煮下要停下來幾次,跟牠爭奪牠口裏的食物。別以為收起肉類就OK,生菜白菜小棠菜牠都吃,盛載過食物、有殘餘食物氣味的碟子都舔個乾淨。 其實,我家貓餅從來不缺,個個貓爺吃得肥斯大隻,不明白Mo仔的飢餓焦慮從何而來,試過先行餵牠一整個貓罐罐,以為終於有餐安樂茶飯吃,怎知牠吃飽了貓罐罐再來搶我吃的……唯有把牠暫時隔離,牠又淒慘地叫,都不知該如何是好?所以依家煮飯是把貓全隔離在外面,之後盡量站住吃,吃完才出廚房,走難一樣。 關慧玲 |
唉 , 街貓係咁架 , 佢唔搶就冇得食 , 係求生本能.....當年妹妹起初係咁我好唔鍾意.....但瞭解過後 , 對佢就多加憐惜......
或者可能係MO仔以前就係因為見識過外出搶吃的經歷, 令佢有種搶吃的情意結, 覺得如果唔去"掙取", 或者自己一早已經生存唔到, 我深信小動物都會有記憶, 好的不好的也會記著....
嘩,原來咁多人企住食飯!!!!我等貓奴,真係攞命!!!
白貓都愛偷食....我呢隻丸狗都好為食....
仲記得過年....佢成串金蠔偷走自己食左1隻...偷走雞翼...
慢慢大個仔就無再咁獊狂喇....
而家我食野...佢會埋黎聞....推開佢...佢就坐低等...
哈哈,,關小姐,,,我企在廚房食飯,已經好耐了,皆因貓爺太好奇,想睇我食緊咩,點解唔預牠們,,,,,,,,,,,,,,,
這幾天凍,我要給牠們在被窩睡,,飲暖水,食飽D 我才放心
吃飯時, 啲貓也會上飯枱, 但只係睇同陪我們吃, 牠們對於枱上的美食毫無興趣!
Old-Ox
心理問題好難攪喎,好明顯佢d安全感仲未夠,唯有俾多d關心佢,同佢傾多d計啦.
完全明白 ! 因為每餐我都係站住食, 仲要超快食 !
但關小姐請比多啲時間Mo仔, 佢會知道無人再搶佢嘢食! 同佢會食得飽架!