陸羽仁
陸羽仁
陸羽仁

京東鬥阿里

2014/05/21 09:50:45 網誌分類: 未分類
21 May

美國零售股業績差過預期,拖累大市向下,杜指跌138點至16374點;標普500指數跌12點,收報1873點,標普500指數10大行業板塊全面下滑,包括辦公用品零售商Staples、美國最大的家居裝修用品連鎖家得寶(Home Depots)以及TJX Cos的業績差過預期,搞到零售股係咁插,TJX Cos7.6%Staples 暴跌12.6%,服裝連銷Urban Outfitters 8.8%,電器連鎖百思買(Best Buy)跌5.6%,寵物用及用品連鎖PetSmart4.7%

 聯儲局今日將公開對上一次議息會議記錄,市場投資氣氛比較謹慎,成交清淡。昨日,費城聯儲主席普羅瑟及紐約聯儲主席達德利都就當局幾時會加息發表講話,普羅瑟一向呼籲聯儲局要盡快退出購買債券計劃,他認為聯儲局加息,應與經濟狀況掛鈎,不應該與日曆掛鈎。佢認為美國經濟正處於復甦開始以來最堅實的位置,不過,第一季經濟比較弱,今年要實現3%增長,仍有難度,至於失業率有可能在年底前降至6%以下。他又稱,聯儲最好在條件允許下儘早開始加息,如果經濟增長加速,利率則有必要提前上調。

達德利則預計今年秋天,QE將會終結。佢無明確講幾時加息,但指出開始加息後,加息的軌跡「可能相對緩慢」,這既依賴於屆時經濟的表現如何,也取決於金融狀況會作出何種反應。意謂加息事在必行,不過增加速度唔會好快,市場唔使咁擔心。達德利又預計,較長期的利率水準將「明顯低於」4.25厘的歷史平均水準,至於聯儲資産負債表上的4萬億美元資産,他又認為,在開始加息前,聯儲局不應該停止將到期證券的本金進行再投資,即係話聯儲局停止放水後亦唔應該馬上收縮資產負債表。聽完聯儲局官員的加息言論,投資者唔多唔少都會有點「熬底」,股市恐懼指標VIX指數亦一度彈跳8%至最高的13.3,收市回順至12.96

市場另一焦點的阿里巴巴和搶閘上市的京東商城之間的惡鬥。

 騰訊有份投資的京東搶先在本周在美國納斯特克市場上市,周三晚定價,估計市值230億美元,估計定價在每股1618美元之間,若以中位數計集資16億美元,是今年第三大IPO

京東和阿里巴巴打對台,從包銷商開始,京東的包銷是美國銀行、美林、UBS。阿里巴巴的包銷是高盛、大摩、德銀、JP摩根和Credit Suisse,一間銀行都無重覆,做到甲生意就唔好旨意做乙生意。

兩間公司都做電子商貿,但模式好唔同,京東似亞馬遜,由2004年開始做,自己做莊買貨去賣,有大倉儲和物流團隊。阿里巴巴等如做商場,由第三方商店賣嘢俾客。但講賺錢京東就無咁好賺啦,佢一年做110億美元生意,其中八成是毛利少的電器產品,如今只是剛打和,估計今年會賺錢。阿里巴巴一年只是做80億美元生意,但賺40億美元,有50%毛利率,生意好過京東好多。所以市場應該較歡迎阿里巴巴。

但阿里巴巴未上市住,佢在本月6日入紙申請上市,以佢咁大間公司計,一般要23月才批准,估計要到7月中至8月初,然後一兩星期招股上市,無咁快。所以要先睇睇京東呢枱戲唱成點。

 陸羽仁

回應 (13)
我要發表
陸羽仁
陸羽仁 2014/05/22 09:46:03 回覆

陸羽仁覆網友

kaka422617:理文同玖紙比我就鐘意理文啦。玖紙唔止負債高,佢老細仲在內地官場有後台,但在今天的環境,有後台是好事還是壞事都唔知啦,就變成負面因素。

理文越南廠未投產,無實質影響,只有心理影響。股價跌得多,確有可吸因素。

公司經營唔差,但老細唔係英雄出少年,係家族生意,由老豆做起,不過後生那班暫時OK

Tracy:我話內房有糊要食,主要針對有一班朋友炒內房上落,佢地低位入,有糊食,我叫佢地唔好睇得太盡。你入貨位較高,被咬住咗,若唔等錢使硬食佢一兩棍,或者今年仍有機會見家鄉。

 藍風:妖股list個啲股真係妖。

 

 

子龍 (kaka就是大叔的契哥)
子龍 (kaka就是大叔的契哥) 2014/05/22 09:06:02 回覆

buddaau: 狗狗易都是你推介才會買入呢.... {#icons_dog5}

animal666
animal666 2014/05/22 07:21:18 回覆

今年首批國債 超購1.8倍...

SIGH...

 

animal666
animal666 2014/05/22 05:05:34 回覆

小心飲罰酒
2014年05月22日

  大戶揸𨋢技術真係唔到你唔服,早兩個月外圍升,港股可以懶理照跌,到呢個月就掉轉玩,前晚美股杜指高位回落138點,港股昨跟住低開,但係俾佢托吓托吓,竟然又托到升1點收市,大戶手瓜之硬,真係唔到你唔寫個服字,睇嚟呢個月唔殺晒啲淡友唔收手。

  國家隊保住政策底

  陸羽仁啱啱講內地樓市病病地,二三線城市的感冒有可能傳染大城市,高盛昨日就話擔心內地資金緊張,房地產困境將持續;不過佢矛頭就指向內銀股,將佢哋平均目標價降8%。但市場呢次唔聽佢支笛,內銀股普遍升,主要係因為內地再傳出現「國家隊」護盤手影。

  上證昨日其實都幾波動,早上一度跌穿2000點「政策底」,低見1991點,創兩個月新低,其後因為傳國家隊出動,個市報復式反彈,尾市加速上揚,終以近全日最高位收市,報2024點,升16點。深成指同樣跌後拗上。證券分析員預期,中央政府會使出政策、輿論及注資等招數救市,其中注資會通過買入大型國企股份及指數基金來進行。

  受惠A股反彈,恒指力保不失之餘,國企指數表現標青,全日上升1%,暫時仲未能企穩一萬點大關上。照咁情況睇,如果外圍企番穩,大戶好可能撐到月尾期指結算。

  股市近排無乜焦點板塊,但就有好多突發事件惹人關注,一單係美國突然越洋起訴解放軍的黑客,話佢哋做商業間諜。大國喺網上過招,係唔使講都知的秘密,但係喺千里外要郁手拉人,中美當然無引渡協議。咁美國繼續作呢個匪夷所思的指控,好明顯係姿勢居多。有人話美國咁搞,係為了聲援越南,我就話係針對中俄昨日在上海簽埋傾埋10年的天然氣協議,兩國行得更埋。有人笑言,喺美國搞緊上市的阿里巴巴,睇到唔知驚唔驚日後被美國佬玩喎。

  𠵱家阿里在美國招股,正同騰訊(700,臨時編號2988)有份投資的京東打對台,本來市場應該較歡迎阿里,不過時間上就京東會快啲。阿里在本月6日入紙申請上市,以佢咁大間公司計,一般要兩三個月才批准,估計要到7月中至8月初,𠵱家突然爆出單黑客事件,中美矛盾升溫,係咪代表政治風險增加,以馬雲為首的主要股東真係要你諗你囉。

  黑客風波你諗你

  有準備分拆網企來港上市的內地老總預言,阿里去美國上市,生意做得差仲好哋哋,若然生意做得好,美國佬就隨時變臉,到時想甩身都唔係話想就就可以走。馬雲嚟香港斟上市,本來港交所都幫佢諗咗好多辦法通融,但佢可能俾反對佢的聲音窒親,企硬一定要同股不同權,佢咁拗頸,最後會唔會變成有香港敬酒唔飲,老遠走去飲美國嘅罰酒,大家都好想知道。所以呢位老總喺旁邊剝花生做觀眾,都好想佢喺美國成功上市,等佢可以真正睇到最後結果係點!

  除咗火美國隔山打牛告解放軍,另一單話題新聞係《財新網》引述消息人士指,方方被老廉拘捕,或與他在摩通任職期間,涉嫌透過聘請內地高官子女獲取不當利益有關。

  現時方方獲准保釋,但被限制出境,報道仲話摩通投資銀行部的中國團隊現時人人自危,銀行更替員工聘請律師,應對未來可能的調查。

  自從華潤高層宋林被中紀委調查,市場分析中央打貪大棒已打到香港,摩通呢次事件唔排除只係拉開序幕,跟住點發展相信充滿戲劇性。本來呢次事件對股市不利,但月底前大市好似有金鐘罩咁樣,大家就當睇戲啦。

  陸羽仁

 

子龍 (kaka就是大叔的契哥)
子龍 (kaka就是大叔的契哥) 2014/05/21 18:01:11 回覆

噢....在高樓價, 真是很多人想賣自住樓呢. {#icons_dog5}

buddaau: 狗狗易成倉都係, 還要買嗎??? {#icons_dog5} 

子龍 (kaka就是大叔的契哥)
子龍 (kaka就是大叔的契哥) 2014/05/21 17:18:34 回覆

馬仔: 星美幅圖好似哥斯拉隻腳. All in什麼咁呢??? {#icons_dog5}

幪面馬仔
幪面馬仔 2014/05/21 16:17:48 回覆

將軍            唔駛諗啦,all  in la  {#iconb_272}

子龍 (kaka就是大叔的契哥)
子龍 (kaka就是大叔的契哥) 2014/05/21 15:32:46 回覆

誰這麼傻??? 還會買大瘋哥 AND 星美??? {#iconb_268}

子龍 (kaka就是大叔的契哥)
子龍 (kaka就是大叔的契哥) 2014/05/21 15:00:40 回覆

馬仔: 找我乜暑??? 子龍正在思考呢... {#iconb_363}

幪面馬仔
幪面馬仔 2014/05/21 14:57:07 回覆

連將軍都唔見人 {#iconb_258}

大戶終結者 ( 等人齊 )
大戶終結者 ( 等人齊 ) 2014/05/21 11:38:40 回覆

{#iconb_3132}

幪面馬仔
幪面馬仔 2014/05/21 11:34:52 回覆

人兄,唔喺逆向思維咩??現在買貨啊!!

user

最新回應

幪面馬仔
幪面馬仔 2021/03/09

將軍

睇圖就像樣衰,但大户睇住散户食嘅。

當大家都話跌,可能反高潮。

話時話,明天可能會升。

子龍 (kaka就是大叔的契哥)

馬爺: 大市是否很.....樣衰 {#iconb_62}

幪面馬仔
幪面馬仔 2021/03/09

將軍,大户 {#iconb_62}