溫存時間
2014/06/13 08:41:30 網誌分類: 生活
米米似足細路仔,有時AttentionSeeking都幾勁。 甩毛季節,這隻甩毛王可以一路行一路掉毛,其實已日日梳,但一掃牠的背脊,還能拖出一大把毛來,所次這陣子少了抱牠,尤其穿好衣服上班前。 這天早上,當我坐在飯桌前歎油多,一個不留神牠成隻跳上來,踩在我黑色褲子上印印,跟着整塊面揩落我黑色西裝褸面磨蹭……不消一秒,我已經變咗毛人。 最怕整裝之後要再換衫,可是大把大把黃色毛毛沾滿一身,推牠都不走,更索性成隻坐在我大腿上。 想點呢?是否睇準我穿黑衫就來搞破壞呢?我瞪住牠看,米米抬起頭,用最殺死人的水汪汪眼神,天真地望住我,最後當然要投降,難得米米來糾纏,就溫存多一陣吧!之後衝入房換過一身衣服,再滾水淥腳出門口,九秒九跑出街。當你見到一個瘋子似的人在街上疾跑,可能就是被貓纏到最後一秒才能出門的我了。 各位貓奴,是否有類似遭遇呢? 關慧玲 |
PAK MA
你的家人咁搞笑嘅??
佢地真係失驚無神來冧你,到你想冧番佢轉頭,佢地又走咗了。
PAK MA
你的家人咁搞笑嘅??
佢地真係失驚無神來冧你,到你想冧番佢轉頭,佢地又走咗了。
關小姐,
難得米爺俾飛你,做癲婆都無所謂啦.
係咪覺得好lum滋滋呢?
早晨,關小姐,,,我真急不及待地回覆您呀,,,完全有同感,,
當我的愛貓抽起條根來嗲我時,,我就給牠嗲個夠,,遲到或飛的,都比佢了...
(家人問我,,是否放假)
難得牠們心情佳麻,,哈哈,對不對,,