險過剃頭

2014/07/16 09:06:32 網誌分類: 經濟

16 Jul

美國昨日出爐的經濟數據參差，6月份扣除汽車銷售之後的零售銷售增長0.4%，差過預期的0.6%，係1月以來新低，而7月份的紐約製造業調查指數從上月的19.3攀升至25.6，創出4年新高，遠高過市場預期。美股三大指數，亦表現參差。

杜指朝早創歷史新高後掉頭回落，收市靠穩，微升5點至17061點；標普500指數跌4點至1973點%；聯儲局主席耶倫話，細價股、生物技術和科網股的預測市盈率「與歷史水準相比較高」，令到相關股票受壓，以這些股票為主的納指跑輸大市，收市跌24點至4416點。

美股午後靠穩，同耶倫在國會做半年度彙報時向市場大派定心丸有好大關係。佢話美國經濟持續改善，但呢個只係「假的曙光」，因為美國目前仍然有太多人失業，仍存在大量閒置勞動力，工資的增速唔夠快，顯示美國經濟復甦尚未完成。又重申加息之前，必須確保經濟穩固。如果勞動力市場繼續帶來驚喜，聯儲局才可能會更快採取行動。耶倫繼續做聯儲局收水的市場期望管理，經濟未得，唔會咁快加息，到經濟得咗，加息又唔係一件壞事啦。

耶倫提醒投資者動能股已經比較貴，叫大家小心。事實上，股市從來都係咁，風雲際會，無論係幾有實力嘅投資者，以為係幾安全嘅投資，隨時都會變成陪葬品。最近讀到一篇有關財雄勢大的中投（中國外匯投資公司），投資有「投行之王」之稱嘅百仕通集團（Blackstone Group）嘅報導，幾值得分享。

今年7月，百仕通集團董事長兼CEO施瓦茲曼在北京話，百仕通股票為中投創造了35%的總體回報。聽落好似好多，其實，由2007年6月中投開始投資百仕通，7年以來，年化收益率其實只有大約4.4厘，同放在銀行做長期收息差唔多，但期間的擔驚受怕，飽受市場質疑之苦，就不為外人道啦。

百仕通號稱「投行之王」，由1985成立至2007年中，成功募集的資金達到614億美元。管理的資金市值達1990億美元。百仕通2007年6月底集資上市，當時仍在籌建嘅中投豪擲30億美元認購百仕通1.01億股。首日掛牌，開市36.45美元，比定價高出17.5%，一個月之後更升上歷史高位38美元！中股賺近8億美元！

但開心咗唔係好耐，不幸地撞正金融海嘯，百仕通股價掉頭急速下滑，至2008年3月底，已經跌到唔夠16美元！股價略為反彈，又再跌過。半年後，中投見百仕通股價跌到9至10美元，再扔2.5億美元撈底，結果低處未算低，2009年一月跌到只有3.4美元！中投虧損幅度超過88%！好彩嘅係聯儲局呢幾年大開水喉，美股大幅反彈，百仕通股價亦水漲船高，一路向上，至昨天收報33.4美元，7年投資，終於鬆縛，執番身彩。

陸羽仁

回應 (72)

我要發表

陸羽仁 2014/07/17 15:59:41 回覆

陸羽仁覆網友

Tom:你的富智康入得平，有得睇。市場睇緊9月蘋果Iphone6得唔得，會唔會帶起成個智能手機市場，如果得富智康有機先衝衝5.7元呢個去年高位。但真係唔易估。

個市上高位，中字股炒落後，你講那幾隻都在炒作中，玩緊醜股大翻身的遊戲，有相當炒作味。現價追只能以短炒心態視之，快來快走。

吾識炒: 下星期二我有約恐怕不能出席，但可否俾個活動資料我，等我搵人去採訪吓? 你在書展是護苖基金的攤位? 你過來時記往話俾我聽你係「吾識炒」喎。

而家個市逐隻炒，昆侖耐無郁有機會再炒高啲啩。

Andy Wu:我啲書愈早睇愈有用，你未夠30，搞啱大方向，易走向投資坦途。

TC, 大戶終結者:星期三、四、五去書展巴士的書網的攤位(1A –C38攤位)，買滿兩本書就可以買有我簽名的《對賭》。

KYM: addidas口號「all in or nothing」，即係晒冷，運動就得，人生就唔好啦，你睇阿根庭打決賽上半場頭半段就係呢種策略，可惜攻唔入，有鏡頭話影到美斯下半場已想嘔。 2823呢的股票都勝在可以守，有啲無得守。

子龍:你話俾女友聽，「我地人生都如對賭，你嫁俾我，都係賭我得啫?」

2014/07/17 11:20:32 回覆

子龙哥，心中女友不喜欢股票，我喜欢股票，就是在对赌紧

阿Tom_hk 2014/07/17 11:03:01 回覆

Hi 陸sir

我4.09入左富士康 1年睇6蚊有冇機會?

另外中鋁, 哈動同中糧油吉利我都有D 心郁

現價好唔好入? 佢地都悶左好耐

Thank you

Tom

2014/07/17 09:37:10 回覆

民主之負李大狀和忽然民主陳四萬走去舊主到攪甚麼聽會.

動機不明外, 昨晚TV見, 兩個老番都話唔覺白皮書有問題,

香港政壇真係得淡笑。 ${#icons_dog5}$

2014/07/17 09:36:17 回覆

A-shares vs DOW...

Shamed to be Chinese...

SIGH...X2

animal666 2014/07/17 09:33:41 回覆

A-shares vs DOW...

Shamed to be Chinese...

SIGH...

2014/07/17 09:31:38 回覆

陸sir早晨

我下星期二中午有份在太古廣場搞左個活動幫護苗基金籌款呀, 好想邀請你出席, 我今日會試下聯絡巴士的副總編李小姐, 希望到時有幸獲巴士的報採訪下, 多的機會俾多的人支持下啦, 希望書展見 :)

另外今日135急升, 可能中石油會注資, 而家$13, 可以打破下行宿命嗎? 還是維持$12才買入呢?

謝謝陸sir

2014/07/17 09:23:15 回覆

陸SIR,

本人想買2823和理文2314 & 萬科2202, 作中線投資.

而加美股咁high, 港股都冇乜回吐, 係咪唔係好啱出手做投資呢?

請指引. thanks!

2014/07/17 09:19:42 回覆

陸sir早晨

耶倫突然話股票貴，在下覺得原因好簡單，杜指升升下已經過晒17000，咁升法容乜易18000？科網巨人亞馬遜市盈率500倍，咁升法耶倫自己都驚啦，但佢又唔敢收水，咪唯有出下口街降下溫囉，不過高官話一樣野貴果陣通常果樣野仲有得升，仲可以升好耐，在下估美股有六成機會上到18000，唔知老師點睇？

另外飯民今次唔玩野，比辣招通過，出乎在下意料之外，諗深一層，可能同佔中有關，飯民想號招市民上街佔中，冇理由呢個時候得罪人群者，我係政府就係呢個時候揚飯民d賤野出黎，例如接受聞屎黨蔡x昌申請幫新移民免住滿7年即上公屋，犯民一邊大叫本土主義一邊出賣本地人，點解政府連咁大個漏洞都唔搵位入佢？唔知係咪有更高深既考慮，不過思歪不嬲都玩開分化，唔差在做多少少啦

子龍 (kaka就是大叔的契哥) 2014/07/17 09:06:56 回覆

Andy兄: 噢...送一本給心目中的女友.....但書名是對賭...... ${#icons_dog9}$

KFC 2014/07/17 08:47:26 回覆

中石化油站阿里騰訊爭入股

最快明年初分拆港上市

animal666 2014/07/17 06:47:11 回覆

博炒不必急
2014年07月17日

　　市場焦點又落入聯邦儲備局主席耶倫身上，佢唔單止評彈經濟，仲做埋財經演員，話有幾個板塊嘅股份股價偏高，呢次出口術仲勁過當年佢前輩格林斯潘，話股市有非理性亢奮。耶倫一句，細價股、生物技術和科網股的預測市盈率「與歷史水準相比較高」，令到相關股票受壓，以這些股票為主的納指跑輸大市，周二收市跌了24點。

　　改革股浮沉多年

　　有分析話，耶倫一路話經濟表現唔差，一面爆響口話有幾類股份估值偏高，有學咗格林斯潘出口術之嫌，此舉係咪代表佢唔想咁快加息呢？

　　呢排內地因素對個市影響似乎明顯咗，內地次季經濟數據理想，帶動港股一度上揚103點，高見23562點。惟內地股市掉頭向下，港股亦升勢不保，幸10天線(23414) 有支持，大市回升，尾市更重上23500點收市。恒指收報23523點，升63點；國企指數收報10475點，跌13點，成交534億元。

　　國企改革概念股持續升勢，中國建材(3323) 揚3%，造7.8元，為升幅最大國指成份股；中糧油(606) 漲2.4%，造3.46元；中糧置地(207) 飆5%，最勁係國家開發投資公司旗下華聯國際(969) 收報0.5元，狂升0.155元或44.9%，升幅是港股最勁。不過，中國食品(506) 回吐0.15元或4.5%，造3.21元；國藥(1099) 都微跌。

　　市場搵概念炒作中資股，重組改革係其中一樣。中環茶友話，最先爆出呢個想法係中石化(386) 董事長傅成玉。由佢爆料到?家，中石化股價升咗唔夠一成，唔算多亦唔算少，以上半年國企表現麻麻計，買佢回報算係OK啦，不過，如果大市繼續上，就要睇佢有無料繼續到啦！

　　中石化係下游企業，喺能源產業鏈比較蝕底，買佢博炒，茶友話勝在「㩒地游水」夠穩陣，唔會浸死，佢咁多年都保持派息，同𠵱家炒緊重組嘅中糧系都有啲似。

　　幾年前，曾經喺華潤集團大展拳腳嘅寧高寧過檔中糧油，曾惹起市場不少憧憬，可惜內地糧價受嚴格管控，加上價格低迷，該系股份長期浮浮沉沉。去年中糧油曾經供股，之後搞到一度破底，小股東嘅股海旅程唔算愉快。

　　手機股輪流出擊

　　中糧油情況同中石油(857) 有點相似，就係大件夾抵食，股價仲算低位，而且規模有番咁上下，如果集團引入民間資本，相信不少國際性糧食巨企會有興趣入股合作，問題係食品價格關係社會穩定甚至國家安全，咁中央係咪願意放棄控制權呢？所以佢有無料到，仲要睇阿爺係咪大膽放手畀佢任搞，股民有興趣博炒番份，都未必要急追。

　　另一類有炒味嘅股份係手機相關股，昨日炒同內地小米有關的公司，消息係佢夥拍印度最大網購公司Flipkart，銷售多款小米手機，刺激小米概念股彈出，代工生產商通達(698) 最受惠，收報1.18元，大升10%；時捷(1184) 亦勁彈7.5%，收2.57元。

　　手機股𠵱家分成兩大類別，一類係內地手機，包括有自主品牌的酷派(2369) ，另外仲有同小米相關的生產商。

　　另一派就係同蘋果有關的股份，蘋果本來話喺8月份推出新型號iPhone，最新消息話會延遲。同iPhone有關的工業股好似富智康(2038) 、瑞聲(2018) ，都係睇住新產品消息嚟炒，估計無論小米抑或iPhone概念，應該都無咁快玩完。

　　陸羽仁

2014/07/17 06:46:27 回覆

自己一直有潜水看陆sir 的见解，帮网友的解答，所以，陆sir 有出书，第一时间收工去书展买，本以为，自己会错过陆sir有签名的书，因为星期六日无时间，点知，买两本书，收钱姐姐就话给我两本有陆sir签名的书，嘿嘿

我买了两本书，，一本给自己，一本给心目中的女朋友，准备奔三的我和她，希望在陆sir 指引下，好好营运我们的人生。

2014/07/17 05:10:41 回覆

2014-07-16

Dow Jones Industrial Average (^DJI)

17,138.20 77.52(0.45%) 4:29PM EDT

Prev Close:	17,060.68
Open:	17,061.91

Day's Range:	17,061.91 -17,139.35
52wk Range:	14,719.40 -17,139.35

Dow Jones Industrial Average (^DJI)

2014/07/17 01:05:12 回覆

小貓愛情觀

你喜歡就最好啦！謝謝支持

小潘

大戶終結者 ( 等人齊 ) 2014/07/16 22:48:42 回覆

將軍,

以為 ..... 越跌越買 + 最後一注 = 見底 ${#iconb_320}$

大戶終結者 ( 等人齊 ) 2014/07/16 22:44:26 回覆

點解可以提早攞到陸蛇簽名書.....-_-#..... 我又想要呀=_= x2 ${#icons_dog1}$

仲有前兩本書的合訂本《鱷口偷金股俠創富合訂本》!

2014/07/16 21:39:37 回覆

點解可以提早攞到陸蛇簽名書.....-_-#..... 我又想要呀=_=

2014/07/16 21:23:43 回覆

嘿嘿，很开心，提早拿到陆SIR 的签名书《对赌》

子龍 (kaka就是大叔的契哥) 2014/07/16 17:52:15 回覆

大戶兄: 噢...只會再入一注. 而且這一注要看往后幾天的走勢, 如再入一注后, 股價仍下插, 就會設定止損點呢. 止損點會以5%為限, 到價即斬, 絕不手軟呢. ${#icons_dog9}$

大戶終結者 ( 等人齊 ) 2014/07/16 17:42:26 回覆

將軍，

入到最後一注叫醒我訓身！ ${#iconb_316}$

2014/07/16 17:33:17 回覆

To:小潘

照片水準真高。

天真好奇的眼神,

無論大人還是小孩,都有那份發自內心的幸福喜悅,

在那一刻,讓人以為這就是我們追求的天堂。

馬拉維的人沒有財富,但擁有香港千萬豪宅也不可能享受到的自然美景。

p.s.那張黃昏的照片被我用來做桌面了~

黑色的皮膚在背光的美麗夕陽中,是那麼的和諧完美。

子龍 (kaka就是大叔的契哥) 2014/07/16 17:05:59 回覆

fly兄: 噢..言重了.子龍的強項是牛熊術, 股仔只是跟風參與下呢. ${#icons_dog1}$

buddaau: 入多幾注....救我...... ${#iconb_67}$

2014/07/16 17:03:03 回覆

將軍: 越跌越買嗎? 咁我就希望你入多幾注啦... ${#iconb_64}$

2014/07/16 16:56:17 回覆

謝謝陸sir 有係巴士的fb 宣傳

https://www.facebook.com/Bastillepost/posts/145114178992173

再次謝謝大家支持，大家努力做好自己，為香港為全世界貢獻

小潘

2014/07/16 16:54:56 回覆

將軍炒技已達登峰造極, 極出神入化之境界, 飛仁真是服了 ${#icono_85}$ ${#icono_85}$ ${#icono_85}$

子龍 (kaka就是大叔的契哥) 2014/07/16 16:23:12 回覆

fly兄: 沽清狗狗易, 兵分二路, 第一路--->終興; 第二路--->脷標

留番第三路--->愈跌愈買...... ${#iconb_227}$

2014/07/16 16:16:34 回覆

將軍: 買進了什麼 ${#iconb_61}$ 近排有咩股好炒? ${#iconb_61}$

子龍 (kaka就是大叔的契哥) 2014/07/16 15:41:34 回覆

第二注進場.... ${#iconb_627}$ ${#iconb_627}$

叮噹.....大市收235. 過夜了.... ${#iconb_355}$

子龍 (kaka就是大叔的契哥) 2014/07/16 15:35:41 回覆

fly兄: 大市咁硬??? 好...進場, 第一注.... ${#iconb_627}$

2014/07/16 15:09:53 回覆

已經支持及買了, 有簽名了!!!!多謝陸SIR!!! ${#icons_dog10}$

2014/07/16 15:08:41 回覆

潘總 : 加油 !

子龍 (kaka就是大叔的契哥) 2014/07/16 14:07:51 回覆

潘總: 同意, 子龍就以毅行者去感受生命, 希望行得一年得一年呢. ${#icons_dog5}$

KFC 2014/07/16 13:48:19 回覆

小潘，好o野！加油。

2014/07/16 13:38:40 回覆

小潘,

比個like你!

2014/07/16 13:05:58 回覆

潘記：係要珍惜，就算唔可以直接幫人，都可以從環保做起，減少浪費。到有能力時，可以助養兒童，回饋社會等等。唔好成日話自己無咩無咩，諗下自己已經擁有啲咩先。

2014/07/16 12:20:05 回覆

twohitsix, TC , buddaau, 子龍

謝謝呀！

今次係第二次跟樂施會做攝影義工，上次去中國雲南，已經覺得D人好困難，今次去非洲，佢地生活條件更差。

行完呢轉之後，我覺得有能力就要幫助社會，就算幾細力量，每人貢獻少少就可以帶來大改變。例如城市人浪費惡習，大家問心每天浪費多少水及食物？又例如我已經唔會再主動食自助餐( 應酬除外) ，自助餐係其中一樣好浪費食物既飲食方式。

我又覺得我地今日可以幫到人，根本唔係自己叻，而係幸運，幸運我地生在呢個香港，生活在文明世界。就算你幾有天生才華、能力，比你出生在非洲，你可能唔小心患左愛滋後等死。唔好講話幫人，就算要生存都未必得。

倪匡話佢每日打開水龍喉，有新鮮食水流出，已經好感恩。我完全認同。

希望大家今日即使遇上唔如意既事，也要努力生活呀！

小潘

2014/07/16 12:15:34 回覆

沽掉拖拉雞 ${#iconb_285}$

買進...... ${#iconb_522}$

子龍 (kaka就是大叔的契哥) 2014/07/16 11:45:08 回覆

buddaau: 史力加咁既身形, 再加背肌上大片紋身--->精忠報國

2014/07/16 11:39:24 回覆

二打六: 史力加咁既身形, 再加背肌上大片紋身, ... 諗起到驚... ${#iconb_625}$

所以話做咩都好, 要睇代價係咩. 你俾唔俾得起先? ${#icons_dog3}$

2014/07/16 11:34:32 回覆

bud

我估三子未至於好似學生咁堅持公開對話. 閉門見面應該大家都接受吧. 而家係先見政府, 如果政府拒見, 咁我就覺得好難同政府講好說話啦.....

我自己都覺得嘈無飯食無廁所去實在離譜. 我地上一代人的抗爭代價可是被警棍扑頭, 爆哂缸, 再加黑獄斷腸歌呢.

我真身其實係...係史力加... ${#iconb_47}$

2014/07/16 11:32:04 回覆

二打六: 唔同你既真實身份唔係二打六, 係四二六? ${#iconb_626}$

2014/07/16 11:26:25 回覆

二打六: 如果三子真係有心傾, 唔會搞到一拍兩散就好啦... ${#icons_dog5}$

致於班後生仔, 學聯班友唔使理, 佢地喺大學無咩人理. 佢地抽中學生水之嘛, 根本無料到. 班中學生呢, 係有啲睇頭, 係可以帶起市民既關愛之情, 只要班呀SIR, MADAM抬佢地走時斯文啲, 唔好見紅, 應該都唔會出咩大事. 另外, 下次係臨時拘留中心, 準備啲熱飯, 熱湯, 流動洗手間, 最好加埋個家長等候區, 咁就皆大歡喜啦.

2014/07/16 11:14:36 回覆

草哥,

如果陸sir思路冇錯, 第一招應該係叫停滬港通, 388 傷 d.

持刀紋身漢...唉. 這個類比很令我傷感, 不要提了.

bud

我估連戴耀庭本人都唔信, 投票出來最高票那個, 中央就會受. 或者入圍那三個, 中央就會受. 呢d都係開價之嘛. 成日話飯文唔埋枱傾 , 講真, 如果開價太高得黎無人和應. 對手駛咩同你傾. (記唔記得電子投票開始前, 三子驚自己冇十萬人投)

而家有八十萬人投票, 底氣先至足. 而家去同政府傾, 同中央傾, 怕且先有機會攞個何樂生方案番黎.

當然事物有二極. 學生仔可能真係冇公提就自己去佔中. 阿爺也可能真係堅持泛民入閘機會零既方案. 到時就可能... ${#iconb_67}$

2014/07/16 11:06:10 回覆

二打六: 講係咁講啫, 但事實係只有包含公民提名既先入倒閘呢... ${#icons_dog3}$

2014/07/16 11:04:44 回覆

盡沽北車! 可怒也... ${#iconb_314}$

2014/07/16 10:54:41 回覆

bud 兄

咁又唔岩喎, 佔中三子從未說過冇公民提名就佔中喎, 更加無講過普選=公民提名啦.

據我所知, 佔中三子講緊, 選舉方式不到國際標準先佔中. 而達到標準既方案有n個, 幫港出聲何樂生方案都係其中之一.

當然民x聯那種四大界別全票制就梗唔係啦...

2014/07/16 10:39:18 回覆

二打六: 把戲黎喳, 公關技倆. 對咩話啫, 只要有"公民提名"根本就無對話空間. 中英當年都只係話有普選, 無講過一定要有公民提名喎, 唔知幾時"普選=公民提名". 只要唔俾就係你錯, 咁既態度重邊有得傾. ${#icons_dog3}$

2014/07/16 10:33:04 回覆

KYM: 如果嗰班人覺得活係香港好慘, 依啲叫做人心不足蛇吞象... 尋日去醫院覆診, 見啲人攞藥係一箱箱咁攞走, 幾多錢, 咪一種藥十蚊囉, 全世界去邊到搵? ${#iconb_68}$

2014/07/16 10:28:49 回覆

有橄欖枝了 ${#icons_dog8}$

戴耀廷冀與內地或中聯辦官員對話

HKT 20:20

政府發表首輪政改諮詢報告，佔中發起人戴耀廷希望有機會與內地或中聯辦官員對話。

戴耀廷出席本台一個節目時表示，希望先與本港官員討論，但未來可能發展至與內地方面對話。他又說，全國人大常委不一定要在8月下決定，如人大常委在10月才決定，可以爭取更多對話時間，亦代表中央願意商討。

對於報告表示2016年立法會產生辦法不用修改。戴耀廷建議將5個超級區議會議席，透過本地立法，由區議員提名修改為公民提名，再由全港單一選區選出，議席由功能組別議員變為直選議員，增加直選議員比例，認為建議沒有違反《基本法》及人大常委決定。

但他指出，由於分組點票仍然存在，建議會造成功能組別只需更少票數便有否決權的怪現象。

瀏覽更多回應正在載入...

險過剃頭

網誌分類

最新網誌

最新回應

月曆