高盛睇好

2014/07/15 09:29:33 網誌分類: 經濟

15 Jul

美股又創新高。花旗集團繼富國銀行交出好過預期季度成績表，股價跳升3%至48.42美元，成為表現第二好的標普500指數成份股，亦刺激金融股向上，推高大市，標普金融股指數升0.6%。其中高盛及大摩齊漲1.3%；摩根大通升0.9%。

除了炒業績外，併購活動頻繁亦推升股市。美股第三日向上，杜指重上萬七點上方，最高17088點，比7月3日高位17074點仲要高，收市略回，漲112點至17055點；標普500指數升10點，收報1977點；納指收高25點至4440點。

花旗集團第二季營收193.4億美元，略少過上年同期的200億美元。調整後淨利潤39.27億美元，則較去年同期增長1%；每股收益1.24美元，遠好過市場預期的1.06美元。

而市場比較關注的是美國政府調查花旗於2008年金融危機爆發前所賣出的抵押支持證券(MBS) 。花旗昨日宣佈同意支付70億美元與美國政府達成和解。呢個金額雖然比好多分析師預計的高出兩倍有多，但仍然遠低過政府要求的120億美元。

除咗花旗好消息之外，美國大型藥廠出現大宗併購個案，亦撐住大市氣氛。前身為雅培的英國製藥廠艾伯維（AbbVie）提出加碼至53億美元，提議併購倫敦上市藥廠Shire。據聞已得到Shire的管理層的支持。今年初，輝瑞(Pfizer)亦曾試圖收購AstraZeneca，但最終失敗。

過去的年半，美股已經勁升42%！究竟未來大市仲有幾多上升空間？抑或升幅其實已經大幅透支，差唔多要碌低？市場近期表現謹慎，又可以理解，不過，高盛對後市依然幾樂觀，預期標普500指數今年年底目標位由1900點上調至2050點，未來12個月目標位提升至2075點，離目前指數1977點仍有3.7%及5%上升空間。

高盛指出，從歷史來看，在聯儲局進入緊縮週期的前一年，股市會上漲，市盈率會擴張；當緊縮週期開始之後，市盈率將會收縮，股市只能出現非常溫和的上漲。高盛依然將2015年底和2016年底的目標位維持在2100點和2200點。

高盛分析師又指出，標普500指數今年的7%漲幅，大部分都來自盈利增長，市盈率擴張的貢獻率非常小。相比之下，2013年美股上漲了32%，有近四份之三來自於市盈率擴張。雖然目前股市動態市盈率為16.1倍(動態市盈率即是計及目前盈利增長的估計市盈率，有別於以上年度盈邾計算的歷史市盈率)，只係低過1997至2000年的科技泡沫時期。但支撐當前高估值的一個因素是企業利潤率處於歷史最高水準，自2011年以來一直維持在8.9%附近，而科技泡沫時期利潤率比當前水準要低25%。

高盛的分析指美股未來雖有回吐，但仍反覆向上，唔使太擔心會好快爆煲。

陸羽仁

回應 (60)

我要發表

2014/07/16 09:57:39 回覆

hero6026 ,子龍 (剛強易斷溫柔保存) ,buddaau (來自掉那星...我叫都舒直)

多謝你地有睇我篇文及鼓勵

小潘

2014/07/16 09:45:57 回覆

李大狀, 有人儍稱香港 '民主之父'.

奇怪在大家話香港從來無'民主', 無仔何來父 ? 無子老豆 ?

想講是有人企硬爭取三十年, 他(們)爭取到甚麼?

怕只是爭到垃圾會幾個位俾人睇AV而矣.

陸羽仁 2014/07/16 09:40:33 回覆

陸羽仁覆網友

馬仔、twohitsix:新書簽名會詳情如下:19/7-20/7 3:00-5:00pm 巴士的火熱書店 (書展攤位1A-C38)

吾識炒:你問兩隻，精電（710），以工業股計9.7倍市盈率太貴，6、7倍多的是，呢啲股只宜短炒。東江(2283) 平好多，5倍幾市盈率，衰在無炒味，成交細。金界（3918）宜以買入價6.32元止蝕。和黃若104入都係短炒。

小貓：阿爺讓步機會極細，例外面情況如佢自己政權不穩，領導人比估計細膽之類，係例外。

JC102:2823可繼續供，到平均價上水面時可改供2828。

2014/07/16 09:39:59 回覆

小潘: 正呀... ${#iconb_293}$

2014/07/16 09:37:39 回覆

又用"公義"包裝行動, 香港有幾無公義?

我都想聽聽, 會唔會把所有事情完美化呢?

KFC 2014/07/16 09:31:53 回覆

Re-post on behalf of

JC1002 2014/7/16 9:17:8

~~重貼~~漏左我 ${#icons_cat5}$

Luk Sir: Good Morning !

本人 2011-MAR 開始月供 2823, 到現在有 QTY: 7700 平均價錢 $10.15,應該續月供 or 換馬?

謝謝!

2014/07/16 09:30:23 回覆

不要因為善少而不為; 不要因為力少而放棄公義. 很多事情都需要信念才能改變. 當然過程絕不輕鬆. 亦代價不輕呢. x2

子龍 (kaka就是大叔的契哥) 2014/07/16 09:10:28 回覆

太古創新高..... ${#iconb_374}$ , 不要因為善少而不為; 不要因為力少而放棄公義. 很多事情都需要信念才能改變. 當然過程絕不輕鬆. 亦代價不輕呢.

2014/07/16 09:05:46 回覆

二哥,

你昨日講的都刺激到我的思維, 但我沒有足夠法律底, 愛國定義和可不可放在甚麼文件, 無從 comment.

不過同人過招, 自己思維不重要, 對手的重要.

我都講過, 你面對一個持刀紋身漢和面對一個持書的書生講數, 你覺唔覺得可以用一樣策略??

如果用賭波睇, 政改'原地踏步'賠率應是熱過1.5.

'佔中' 只是七殤拳, 388 put ?? 係就期指put 爽D啦.

KFC 2014/07/16 08:54:51 回覆

太古城3房實呎1.66萬新高

2014/07/16 08:48:43 回覆

kym, 認同你的睇法。

香港的軍隊在那？

香港的實權在那？

搞搞搞，摘到香港無日安寧。

囗號高尚，馬上站在道德高地，把所有背後目的，衰野都包裝起來，聽來合理，其實就係自私。

2014/07/16 08:48:00 回覆

kym, 認同你的睇法。

香港的軍隊在那？

香港的實權在那？

搞搞搞，摘到香港無日安寧。

囗號高尚，馬上站在道德高地，把所有背後目的，衰野都包裝起來，聽來合理，其實就係自私。

2014/07/16 08:45:54 回覆

不相信香港人會罷工罷課

相信阿爺不會讓步，看看習總打貪腐，連前主席出來露面或發言也不理。習說解放軍是黨的武裝組團，他說要求法官愛國，其他是想法官法制為黨服務。他們己成功收買一群香港律師

只支持佔領華爾街式的佔中。若長時間有萬人連續和平爭取真正的民主選舉，相信國際社會會給香港人一個高度評價。

2014/07/16 06:42:18 回覆

2014-07-15

Dow Jones Industrial Average (^DJI)

17,060.68 5.26(0.03%) 4:30PM EDT

Prev Close:	17,055.42
Open:	17,055.03

Day's Range:	17,006.39 -17,120.34
52wk Range:	14,719.40 -17,120.34

Dow Jones Industrial Average (^DJI)

animal666 2014/07/16 06:10:18 回覆

中字輪流炒
2014年07月16日

　　美股停一停，唞一唞，轉眼又爆上，港股跟住再谷高啲，不過搵到錢的散戶唔係咁多，因為帶動大市向好的火車頭之一為落後重磅股中移動(941) ，睇嚟大戶暫時用緊阿根廷戰術，打穩守突擊，其業務雖然呆呆哋但係派息唔錯的中移動去頂住個市，希望可以睇位入楔「士哥」。

　　今次世界盃由「德軍」奪魁，演出可謂實至名歸。有個茶友話，?家好多體壇演員(好似財經演員)都做咗事後孔明，又話德國磨劍十年、又話佢青訓成功。佢始終相信足球係圓的，最後都係講運，如果唔係咁充滿不確定性，又點會咁多人鍾意睇波呢？(但我覺得德軍都有佢的紀律與組織，好運氣到來先接得住。)

　　炒作和黃當買歐股

　　講到運，茶友話德國上次奪世界盃係二十四年前，當時東、西德宣佈合併，全球對呢個新興巨人充滿期望，喺呢種氣勢下，西德靠「三劍俠」馬圖斯、奇連士文同布林美贏取世界盃。當時陸羽仁為見證柏林牆倒下，剛好在德國旅行，睇住佢哋捧盃，仲帶咗一大袋柏林牆石頭回港，後來西德為了支援東德，承擔大量福利，捱了一輪黑暗日子，同時亦係德國足球的低潮期。德國人的團結，終於令兩德成功合併，至今德國仲享受緊合併帶來大量低廉而高質勞動力的紅利，令佢隱隱然已成為歐盟領袖，今次德國贏取世界盃，首相默克爾一直紅衣撐場，呢個首相有料到腳頭又好，德國國運會否乘時而興，亦成為一時話題。

　　輪到改革概念發威

　　當歐洲人注視緊世界盃的時候，葡萄牙最大上市銀行傳出陣陣燶味，令到區內股市波動，呢個情況牽引到今年表現強勢和黃(013) 都出現調整。和黃股價反應說明佢同歐洲市場存在同步關係，茶友話，如果你信歐洲會因為債務問題持續量寬，?家係買歐股時候，咁和黃可能係港股裏面便捷的替代目標。相反，如果對歐洲前景睇唔通，咁就要觀望啦。

　　市場再炒國企改革消息，最早傳呢個概念的中石化(386) 漲1.25%，造7.3元，升幅算是小兒科。新傳出中糧集團、中國建材集團及中國醫藥集團等六間央企，成為國企改革試點企業，旗下本港上市的中國建材(3323) 、中糧油(606) 、中國食品(506) 及國藥(1099) 都急升。中國建材升5%，造7.56元，升幅是國指成份股最標青；中糧油飆7%，造3.38元；中國食品爆升17%，造3.36元；國藥(1099) 都抽升5%。

　　從早排開始炒AH股差價，到?家炒改革概念，似乎個市有錢係中資股身上輪流炒作搵食喎。

　　有報道話內地上月新增人民幣貸款過萬億元，廣義貨幣供應量(M2)增長加快至14.7%，社會融資規模按年急增90%以上。興業銀行首席經濟學家魯政委認為，與中央穩增長政策有關。若外匯佔款(即因外資流入而需要增發的人仔)數量持續低企，人行有需要增加市場流動性，但不一定要減息、減存款準備金，還有其他工具可放水。睇嚟內地已經唔想將銀根收得咁緊啦。

　　陸羽仁

大戶終結者 ( 等人齊 ) 2014/07/16 00:02:49 回覆

立法會三讀通過印花稅修訂條例草案

立法會以49票贊成，7票反對，三讀通過雙倍印花稅條例草案。

草案最後一項修訂由自由黨張宇人提出，就雙倍印花稅條文於明年2月23日定為停止生效日期的修正案亦被否決。

主席曾鈺成宣布今個會期結束，其餘議案，包括成立創新及科技局，《婚姻(修訂)條例草案》等仍未審議的議案，將留待10月復會時再討論。

2014/07/16 00:00:56 回覆

袋鼠兄, 小貓兄

謝謝你們的認同. 如果我的文字或是偏見能刺激到BLOG友的思維, 想到一些以前沒想到的. 那就很好了.

以陸SIR收到的風來看, 現在看來相當悲觀. 阿爺若堅持四大界別, 少數服從多數(全票制), 及機構提名三項. 說真的, 大家買定388 PUT 都得了.

2014/07/15 23:25:37 回覆

我其實想中央強硬回應, 結果大生大死, (當然另一可能係中央讓步, 不能機會甚微)

好過原地踏步, 香港唔生唔死

但係中央可能傾向政改方案要就要, 唔要就算, 未必作出強硬回應

因為香港係國內資金的窗口, IPO集資, 發行債券, 用香港呢個平台都容易

搞差香港經濟, 股市, 中資股點利用資本市場周轉?

唔通叫國企去美國集資發債? 一來阿爺唔想俾英美政府知道大多, 二來人地都未必俾國企集資, 一句話同共產黨有關就BAN你

其次, 香港人咪自視過高, 香港問題可能係中南海同習總眼中不值一晒, 因為中央內部的問題和政治比香港問題重要和複雜得多

直到香港冇金融中心的價值或者赤化成功, 阿爺就出手收回香港, 不過唔係短時間

2014/07/15 22:32:10 回覆

佔中說穿了就是抗共,希望唔會流血收場啦

香港以前英國佬話事,回龜後變左個主人姐,估唔到D港燦咁天真以為光復河山,終於可以當家作主,企番起身做番個人自己話事

諗個個都低能,講出口都嫌白痴, ${#iconb_212}$ ${#iconb_212}$ ${#iconb_212}$

理想崇高,口號動人,可惜現實殘酷

2014/07/15 21:11:09 回覆

To: 陸sir & 大家

上個月我去完非洲一轉，做左攝影義工！今次係我人生第一次去非洲，簡直大開眼界。大家有興趣就click 入去睇睇啦！

巴士的網誌：走進被上帝遺棄的國度—馬拉維

小潘

2014/07/15 17:53:09 回覆

2打6哥，你寫愛國與憲法嘅那一段，解釋得非常之好！ {#200812040830224998.gif}

子龍 (kaka就是大叔的契哥) 2014/07/15 15:57:50 回覆

小貓兄: 當官爺與老百姓沒有了互信的基礎, 任何法律也只會當是一種型式而矣... ${#icons_dog5}$

fly兄: 噢...連投機之王也不看這隻股..... ${#icons_dog9}$

馬仔: 投機者的宿命--->就是破產, 子龍只是希望不好在下一秒而矣....

2014/07/15 15:52:41 回覆

將軍: 喔! 無留意這隻股, 不懂 ${#icons_dog1}$

幪面馬仔 2014/07/15 15:50:47 回覆

將軍你食大茶飯梗喺同大鱷打交道喇，唔通搵我咩！！

子龍 (kaka就是大叔的契哥) 2014/07/15 15:43:14 回覆

馬仔: 子龍何嘗不是每天與大鱷為伍, 只要想法錯誤, 就要面對虧損. ${#icons_dog5}$

2014/07/15 15:37:44 回覆

TO:二打六

RE:誠然, 愛國是一個高尚情操. 但其空泛的本質, 往往會成為當權者打壓異己的工具, 實在不宜放入法律文件呢.

認同。

幪面馬仔 2014/07/15 15:13:16 回覆

2打6兄

張翠容我都鍾意她文章，我識一個在國際紅十字做調解員的朋友。他每日與戰火和塔利班為伍

子龍 (kaka就是大叔的契哥) 2014/07/15 15:09:39 回覆

fly兄: 什麼大圓底, 上市左幾日咋喎..... ${#icono_27}$ . 噢....不是脷郎, 是脷標呀....

2014/07/15 15:01:18 回覆

將軍: 飛仁見識少, 1234? 做緊大圓底呢, 應該仲有得升下 ${#icons_dog1}$

2014/07/15 14:57:28 回覆

To:陸sir

Re:小貓愛情觀:我一個目標是做公共知識分子，協助大家分析時局，盡量減輕個人偏見對分析的影響。

我對你留言唯一一點不同意的是「中央强硬回應機會也是近乎必然」。在評估事件發生的機率，「必然」這一個詞極大機會錯，所以我用80%機率來表述，已經是很高了。再高一點是90%，在事情還有個多月才發生時，80、90%是極高機率。

炒股也好，賭博也好，要成功就要對機率有合理分析。

----------------------------------------------------------

陸sir說的對。

我承認寫「中央强硬回應機會也是近乎必然」這段時,是加入了個人情緒和一廂情願的"期望"進去,所以失去了客觀分析的中立態度,我以後會注意的。 ${#icons_dog6}$

小貓有些疑問。

因為陸sir文中沒有提及,中央讓步可能性的存在,是什麽情況下才會出現的呢?

因為以小貓的觀察,中國政府對內對外一向都是受軟不受硬,絕不向武力威脅妥協的,即使是美國、前蘇聯、六四北大清華的尖子(未來的國家幹部)。

這次為何會向香港部份人的不合理要求(即使港人對本身的價值充滿自信,即使港人如何認為合理,但不能否定在中共黨的立場上可能認為不合理)妥協呢?

特別是,香港大多數人即使不認同佔中,但也支持不同程度的"抗命",而且都認為是值得,也承受得起隨之而來的"代價"。

以昨天訪問一位女狀元的回應為例,她認同"以損失少量GDP為代價,來換取民主是值得的"。

問題在,她判斷這次佔中的代價只會是"少量",而且回報是爭取民主成功,這聽起來的確是值搏率很高的投資,很有說服力。

但現實中,這次的"交易成本"真的是預期中的少嗎? 回報真的是那麼大,成功率那麽高嗎?

這位女狀元對"民主投資"和"GDP的風險評估",是個人分析的結果,還是老師、傳播界、政客的成果呢?

一葉知秋,當市場上大多數人都對未來樂觀的話,股值可能就已經被高估了。

如果中央判斷香港的民主已經"泡沫"了,會不會增加"收水"的可能性,令民主泡沫可控或早些爆呢?

始終香港的民主泡沫是基於資金供應充裕,中央或會增加對香港收水的可能性,來避免未來硬著陸的風險嗎?

2014/07/15 14:54:51 回覆

馬仔,

會阿. 星期六我大約10:00 左右就會到了, 去張翠容的讀書會呢. 排陸sir隊時如果你見到排前面成隻史力加既應該就係我啦.

幪面馬仔 2014/07/15 14:46:28 回覆

2打6兄你會去嗎？？ ${#iconb_515}$

子龍 (kaka就是大叔的契哥) 2014/07/15 14:42:15 回覆

fly兄: 脷標咪大豐哥細佬, 上市之后日日創新低個隻... ${#icons_dog9}$

2014/07/15 14:33:25 回覆

將軍: 撞棍而已 ${#iconb_271}$

脷標

2014/07/15 14:32:34 回覆

馬仔: 已留言 ${#iconb_69}$

子龍 (kaka就是大叔的契哥) 2014/07/15 14:31:04 回覆

fly兄: 投機之王....子龍真的服了... ${#icono_85}$

話時話. 如有時間可否睇下隻--->脷標呢??? 謝謝.

2014/07/15 14:28:17 回覆

陸SIR早, 大家好~

沽一半拖拉雞 ${#iconb_285}$

恭喜陸SIR新書出版, 一定捧場 ${#iconb_325}$

2014/07/15 14:21:51 回覆

更正啟事

根據陸sir facebook page, 簽名會詳情如下:

19/7-20/7 3:00-5:00pm 巴士的火熱書店 (書展攤位1A-C38)

子龍 (kaka就是大叔的契哥) 2014/07/15 14:03:22 回覆

buddaau: 何解..你架北車變左....南車.... ${#iconb_67}$

幪面馬仔 2014/07/15 13:00:40 回覆

TC 好丫，我去你網留資料.

子龍 (kaka就是大叔的契哥) 2014/07/15 12:56:42 回覆

twohitsix兄: 收到, 呢次重唔肥..... ${#icono0_25}$

馬仔: 小儀...子龍係中環成日撞到佢架. ${#icons_dog1}$

2014/07/15 12:55:06 回覆

馬仔: 咁星期日一齊？

2014/07/15 12:47:09 回覆

將軍,

呢d spin off 出黎既, 成日帶比人驚喜架. 上次隻太估地產, yummy 呢.

幪面馬仔 2014/07/15 12:20:35 回覆

twohitsix兄多謝啊 ${#iconb_25}$

TC我星期日先得呀？？難得陸sir再出新書，我想要簽名呀！！ ${#iconb_253}$

將軍我似阮小儀 ${#iconb_625}$

2014/07/15 12:12:36 回覆

馬仔: 你去書展嗎？一唔一齊去？ ${#iconb_69}$

子龍 (kaka就是大叔的契哥) 2014/07/15 12:03:49 回覆

馬仔: 噢...你又去呀??? 你似邊個架??? ${#icons_dog1}$

twohitsix兄: 下....脷標....呢隻子龍想買呀. 不過問題是碎銀成日話佢唔得, 唔知邊個價位買好呢??? ${#iconb_64}$

叮噹....半日大市企234, 要留意今日的收市位呢. ${#icono0_2}$

2014/07/15 11:48:56 回覆

馬仔,

昨晚有網友post左, 好似係呢度

參展商名稱泛華發行代理有限公司

類別綜合書刊館

網址 http://www.gccd.com.hk

書展攤位 1B-E16

將軍

利bill點睇?

幪面馬仔 2014/07/15 11:37:33 回覆

陸sir 星期日3-5書展見，但邊個攤位呢？？

子龍 (kaka就是大叔的契哥) 2014/07/15 10:53:50 回覆

twohitsix兄: 噢...愛國, 愛港這個大前題, 最后變成--->黨同伐異的工具??? 太可怕了.... ${#iconb_626}$

即是問題不在愛國, 愛港本身, 問題只出在當權者如何演繹而矣. ${#icono_43}$

2014/07/15 10:52:13 回覆

政治令人沉重, 轉番台去股票先.

大家有冇聽過, 當一隻相當大的股票分拆部份業務出來, 由於持有原先股票的基金根據基金條文, 不能持有分拆出來的業務, 而需要在市場沽貨套現. 這樣會造成剛分拆出來的股票價格會比合理價低, 是買入的好時機呢.

瀏覽更多回應正在載入...

高盛睇好

網誌分類

最新網誌

最新回應

月曆