股市風雲

近日股市迫近三万點, 三万關破關, 指日可待ｏ對於一早畏高離場, 眼巴巴見財化水, 真係恨得牙癢癢ｏ

呢個局, 真係佛也動心局, 見人日日賺錢, 日進斗金ｏD人真係心理開始不平衡也！

但黄SIR又唔係咁睇噃, 以我的人生經驗, 不合理的現象, 唔駛做有錢揾的日子,理無長久！

73年, 小弟第一次𩣪歷金融風暴, 桓指由千七點插落百五點, 社會上由日日魚翅撈飯, 變𢦓日日有人扑街！整個社會苦不堪言！

到87年, 又經歷另一次風暴, 金錢富貴如浮雲, 財富有如過眼雲煙ｏ至97前, 樓市日日昇, 黄SIR被人問候點解唔炒番幾層樓, 日日返工咁死笨, 後來見D同事做咗樓蟹慘不堪言！才知不受誘惑的正確！

今時今日, 又係瘋狂年代, 能態度思想正確, 真係唔俾人笑都難ｏ

只有自求多福, 要記住高風險, 高回報, 小心投資ｏ（又被人笑老生常談矣！）但需明白不賭是嬴錢, 才是正道！

要賭錢, 黃SIR去澳門, 去馬塲賭ｏ小注怡情, 起碼你知你係賭緊錢, 係玩緊火,會冇命嫁ｏ

但而家D友, 在股市, 仲以為投緊資ｏ在老千局中又唔醒, 抽親新股都嬴, 完全冇晒警覺ｏ（黄SIR已經冇玩抽新股了, 實嬴嘅嘢, 咪鬼搞我！一定遲早爆！）唔入局, 一D損失都冇, 人地賺, 味恭喜佢囉！

不過十年河東, 十年河西, 睇吓點？

所謂 一船西向一船東, 順逆東西各不同ｏ

寄語順風船上客, 他朝未許一帆風！

是為戒！