旅遊奇譚（五）

有一次黃SIR到泰國巴提雅旅行, 見人玩D所謂降落傘, 用隻遊艇將人拖上半空, 後面有個所謂教練攬到實, （女人專利）, 男人就話之你死！我見一個一個男團友被掟了下海, 或者掟佐上茅屋頂！而女人降落, 𢦓班泰仔爭住去搶抱, 雖然五十皮港紙, 我死都唔肯制！更加唔俾老妻及女女玩！

至於有D團友, 平日在香港又冇運勳, 連單車都唔識踩ｏ一到異地, 居然成了運動超人, 又踩水上電單車, 又滑水, 又玩降落傘, 真係冇有識死！試過有個親戚直程玩水上活動玩到死鬼咗！半边面被削咗去！就係冇常識也！

玩D高危嘢, 千祈咪制ｏ叫我去滑雪？雪我都係第一次係哈爾濱見識過, 係馬塲飲雪水就經常事, 滑雪滑水就咪鬼制嘞！騎馬反而後生時試過, 騎佐隻死吓死吓溉老馬, 又推又打都唔去, 仲企定定, 疴尿, 疴屎, 吹到漲！騎駱駝又係, 隻駱駝臭到死, 一影完相, 走都走唔切ｏ

又試過被條大腩蛇纏住影相, 但走埋D獅子, 老虎處影相就咪搞矣！（曾試過有人被失控的動物咬傷, 咬死！）不可不防也ｏ

香港出發的旅行團特色, 是參觀動物園, 見倒乜鬼動物, 都諗住點煮泥食, 好鬼變態也, 香港人旅行. 就是如此！