重新定位

要讓股民滅亡，必先讓其瘋狂

呢句一定有用，不過呢個短時期要收埋先，我好肯定依家係全民皆股既時候，好多人都湧入市，大戶都唔係做淡，一定唔好做淡，但根據番貓兄所言，大市愈派愈高，係，大市既愈派愈高就跟著走，收埋雙手係好事亦係最好既方法，但係心理影響會好大，因為大市一定會再升，上２９５００點　什至可能再上，因為勢頭強勁，正如今日陸ＳＩＲ所講，大戶就算派貨都會有北水黎接，短期未咁快黎料！

呢一刻冇野好叫大家買，但係發現部份一回左既股亦有再上升既機會，指數，一定係指數！

穩陣型既長線投資者一定係揀番匯豐，地鐵

賭博型就買Ｄ　超大紅股，如中行等，因為情況變左亂篤皆升，
假如我話好貴既國企股唔好買，大市維持番咁既情況２星期，你已經會鬧我不切實際。

工行我入貨目標價係４．４－４．７　但現在我一定會鬧自己不切實際，因為呢個價可能要等好耐　真正既中國爆破先可能見到。

但中國我感覺雖有通脹，但不足以影響Ａ股指數，影響大環境一定係美國，歐洲，不過一切現在已遮蔽住，就讓佢遮住，但我地一定要記住有呢回大事。

記住，有貨唔好比勝利影響判斷，因為我確信到左全民皆股既時候！