股票貼士

股市暢旺, 連帶貼士也滿天飛了, 近日去旅行, 連肥仔領隊都俾隻什么958我歎吓﹝股市名言, 連擦鞋仔都講股票時, 就係牛市完結之日矣！﹞ｏ誰知黄SIR從不信貼士, 中正就由得人發達, 但**就一定唔好遇我, 十賭九騙, 边有咁易益人發達吖ｏ

在馬塲, 經常有D馬塲老鼠, 靠識得人多揾食ｏ 點揾食？ 又不妨教吓大家啦！例如你識得十四個老細, 一人俾一隻馬佢地買, 但一定要好戲, 咬晒耳仔果隻, 臨走時一定要叮囑重鎚, 仲要單吓隻眼, 要佢守秘！

一跑完, 就返去嬴咗嘅老細處收錢（打賞）, 一日茶烟飯, 一塲馬都揾倒啦, 明未呀？ 老襯！

以前葡京就好多D賭塲老鼠咁揾食ｏ 老細, 呢鋪攤開四, 買晒, 嬴盡佢！通常D老襯都耳仔軟！買落去, 中咗！一定要醒多少隻老鼠啦！輸又點？隻老鼠就自動失蹤啦！試過有D嬴咗唔識做, 一出葡京就被人打劫！你話死唔死！

而家股市好多中資人仕, 呢D人冇乜法治, 亷政意識ｏ又有好多立心不良的人和企業, 又有好多人脈關係, 係好畸型嘅, 有內幕不足為奇, 當你收到料, 你要問自己, 點解人要益你？有冇機關？

其實而家嬴硬貼士, 去抽新股啦！黄SIR最近都完全不沾了！