玩人道

2014/08/14 09:34:06 網誌分類: 經濟

14 Aug

俄羅斯忽然打出一張「人道救援」牌，派出近300輛載滿救援物資的車隊，直入烏克蘭東部境內，搞到烏克蘭政府及歐盟不知所措，攔截，搵唔到藉口，唔攔截，又驚俄羅斯在背後搞陰謀，有點進退兩難。

不過，投資者見到俄烏由武鬥轉為文鬥，又未見有特大暴力事故發生，局勢比較平靜，投資者此前因地緣政治而拉緊的神經不期然地放鬆一下，股市恐懼指標VIX指數跌9%至13點下方，其注意力又轉移到經濟數據及聯儲局何時會加息方面。

際此加息陰影彌漫的時刻，美國經濟數據的好壞，又成為市場猜測聯儲局會否提前加息的線索。經濟狀況持續好轉，聯儲局就理所當然地加息或者提早加息，但加息始終會打壓股市，這是投資者不願樂見的，所以經濟好消息，對短視的投資者而言，便是壞消息了。相反，經濟壞消息，便當成好消息去炒啦。事實上，這條「規律」，正是過去5年來左右大市上落的核心力量。

睇美股昨日走勢，仍見這件「規律」在發揮魔力。美國7月零售銷售月率與上月一樣，原地踏步，低過前值及市場預期的增長0.2%；核心零售銷售月增長0.1%，更是遠差過前值的增長及預期的0.4%，是半年以來最低增幅。在疲弱的零售銷售數據公佈之后，大行紛紛調低美國第三季度GDP預期。巴克萊銀行由2.5%下調至2.4%；高盛亦將預期下調0.1個百份點至3.1%；摩根大通維持預期的3%不變，但第二季度的預期則由3.9%降至3.8%。

經濟不振，美股不跌反而顯著上升，杜指一洗近兩日悶氣，收市升91點至16652點，漲幅0.6%；標普500指數漲13點，收報1947點，漲幅0.7%；納指跑贏大市，大漲45點至4434點，漲幅超過1%。

另外，里士滿聯儲主席拉克爾(Jeffrey Lacker) 的講話，進一步安撫了投資者對加息的恐懼。他表示聯儲局「極有可能」在明年加息而不會提早加息。

回應 (26)

我要發表

陸羽仁 2014/08/15 11:11:08 回覆

陸羽仁覆網友

Little mo:理文呢啲股票炒業績，而家截止埋利息過戶，自然會回，若你只把算持有到年尾，不是長揸，可以趁高減持吓。

隻勵駿可以跌得咁有秩序，一條斜線向下，都係一個奇景。御奉最近好似定番，都輸咗咁多，不如睇多陣啦。

Jackyk:用強積金做底，沽期權call，除了你講的問題之外，若大市向上升破期權行使價，結算時你理算沽現貨去頂番期權輸那一筆，但MPF唔可以清倉，只能轉揸其他，不可以完美操作。

達摩: 當日我咁回應:「多謝貼文，否則無留意紐約時報呢則報道，俄羅斯數學家佩雷爾曼破解了數學百年謎題「龐加萊猜想」，佩雷爾曼不單不領獎，還只是在互聯網上貼出論文就算，無去學術期刊刊登，唔玩學術期刊的遊戲，被美國傳媒稱為「非常不物質主義」。呢啲就係有所追求的簡樸生活。」

講多一句，人們去找佩雷爾曼時，發覺佢家徒四壁，滿屋曱甴，他是一個學術迷狂，普通人根本不是這類人。

亨仁:你修成正果，真是可喜可賀啊。不過我寫財經專欄叫人唔好爛炒，都算另類啦。

子龍 (kaka就是大叔的契哥) 2014/08/15 09:17:17 回覆

亨爺: 恭喜, 投資有如人生, 不一定要在市場獲利, 只要定位正確, 條條大路通羅馬, 你辦對了, 恭喜....

子龍 (kaka就是大叔的契哥) 2014/08/15 09:08:46 回覆

大浪淘盡, 景物依舊, 人面全非.... ${#icons_dog5}$

狗狗易快快破12吧..... ${#icono0_2}$

animal666 2014/08/15 05:56:25 回覆

${#icons_dog8}$ ${#icons_cat8}$

animal666 2014/08/15 05:06:33 回覆

打底好過死谷
2014年08月15日

　　港股在25000點阻力真係唔少，趁住內地A股回吐，港股升穿7月底高位後就腳軟，午後曾吐近170點，收市最終僅跌不足100點，睇個市打底似乎仲未夠，正路應該上上落落消化吓，好過夾硬谷上去。

　　公用股可食吓胡

　　兩大藍籌公佈業績，雖然有大行對中期業績看好，騰訊(700) 仍難逃好消息出貨，股價收市跌咗2.3%，收報130.1元，單是騰訊已拉低恒指53點。另一隻中移動(941) 中期純利減少8.53%，算係市場預期較佳幅度，收市股價升0.95元，收報88.3元。

　　宣佈業績的公司仲有中電(002) ，集團除了海外業務，今年本地業務增長都有7%增長。早前政府就能源組合提出諮詢，露出與中國聯網的傾向，若然成事對兩電有負面影響。不過，由於煤價向下，有利中電降低成本，減少本地政治壓力；加上美國債息跌到新低，令到兩電股價雙雙創出一年新高。不過，美國債息已經去到偏低水平，唔易再大幅下跌，手頭有公用股者，不妨食啲股，等自己開心吓，兼攞番啲本睇吓有無其他機會！

　　個市升到高位，開始有抽水行動，市傳中石化(386) 悉售中國燃氣(384) ，中燃大手上板，每股作價14.8元，比前日收市15.6元低5.1%，共涉31億元，股價昨日收報14.98元，跌咗4%。

　　另外兩塊住宅地前日批出，價錢低過預期，但對市場信心好似無影響，投到地的宏安(1222) 股價仲炒上一年新高。樓價貴、地價平似乎變成「合理現象」，地產股股價翌日普遍企穩。中環茶友認為，咁同梁振英放棄高地價政策，賣地基本上不設底價，令樓價未跌地價先跌好有關係。

　　賣地差變咗好消息

　　好多人話現屆政府同發展商關係麻麻，但茶友睇法略有不同，佢話以前政府行高地價政策，樓市下行，當局都要企硬守住底價，寧願減少賣地，變成夾死發展商，𠵱家發展商控制住新樓供應同買地，一邊手高價賣樓，一邊手低價投地，不斷沽出手頭高價買入的存貨，經過呢一輪小陽春出貨，佢哋又鎖定咗一批收入。本來，發展商早兩年入咗貴地，隨時要減值，現在呢個需要就降低咗啦，聽佢咁講，就明白點解呢排地產股咁硬淨，同埋賣地成績差可以係好消息。

　　發展商近日瘋狂沽樓，好似長實(001) 樓神趙國雄就透露，集團上半年的售樓總額約191億元，進度理想，仲話「年初設定的全年銷售指標300億元已完成在望」。

　　佢透露，下半年的推盤步伐不會減慢，共涉最少三個盤，提供約2594伙。重點推將軍澳緻藍天，共提供逾1600伙，最快有機會於本月底至下月初開賣。

　　倘嵐山II期及紅磡利工街項目的預售樓花同意書可於短期推出，集團都會盡快推出。由於年內將會推出大圍站等地皮，跟住投地機會較大。長實係各大發展商中，係最講求銷售效率的，去年公司賣樓不達標，點知今年樓市爆上，俾佢高價標會，有子彈係手，相信佢會睇定先食。

　　地產股升咗唔少，要在佢哋身上搵錢唔易，莫勿高追，只宜低吸。

　　陸羽仁

animal666 2014/08/14 22:15:13 回覆

${#icons_dog8}$ ${#icons_cat8}$

animal666 2014/08/14 21:21:10 回覆

美國國債...

${#icons_dog8}$ ${#icons_cat8}$

animal666 2014/08/14 21:15:08 回覆

期貨(八月)夜市...