陸羽仁
陸羽仁
陸羽仁

蘋果翻炒

2014/08/21 09:55:57 網誌分類: 經濟
21 Aug

    聯儲局昨日公開對上一次的FOMC會議紀要,顯示成員鷹派取向加強。紀要顯示許多官員認為7月美國勞動市場進展快於預期,不過仍然認為勞動力市場遠未正常化,一系列勞動力市場指標表明,勞動力資源利用率不足的狀況仍然嚴重。聯儲官員對勞動力市場狀況好轉的速度,仍存在較大分歧。

    不過被市場視為「聯儲局通訊社」記者希爾森拉什( Jon Hilsenrath) 亦指出聯儲局會議紀要表明官員之間對於加息爭論正在升溫。

    較之對上一次議息紀錄,聯儲局描述失業率時放棄了「偏高」 (elevated)的措辭,比以往顯得「鷹派」。投資者似乎窒一窒,下注唔敢咁勇。FOMC會議紀公佈之後,杜指與標普500指數漲幅收窄,臨尾再彈。 美國國債價格繼續走低,息率向上,10年期國債收益率先跌後升,保持2.428厘不變。杜指收市升60點至16979點;標普500指數漲5點,收報1987點。上日創了14年新高的納指昨日反覆靠穩,基本持平,收市微跌1點,造 4526點。

    市場比較關注的仍然係蘋果公司,上日創新高,昨日保持強勢,早 段回一回,好快便收復失地,收市仍錄得些微進賬,微升4美仙至100.57美元,再上新高。蘋果公司超過了2012年9月的最高記錄,按分拆股票後的價格 計算,當時股價為100.30美元。今年以來,蘋果股價已經大升了25%。主要 407;因是投資者睇好蘋果即將推出的新產品,例如大螢幕的iPhone和智能手錶等。普遍認為蘋果新產品,將會拉動蘋果收入。事實上,蘋果公司股價當年 創出歷史新高,正值iPhone 5剛剛推出。

    蘋果於2007年推出首部iPhone之後,股價一度大漲7倍以上。不過,在iPhone 5推出後不久,教主喬布斯(Steve Jobs)病逝,市場擔憂蘋果公司無咗喬布斯,公司會失去創新理念,產品唔得,蘋果股價一度更跌三分之一。不過,蘋果產品市場佔有率雖然不斷降,但仍然賣得到,又即將有新產品在市場上推出,配合廣告宣傳同分析師的力推,股價又炒番上來,仲創埋新高。

    摩根士丹利的分析師霍伯特(Katy Huberty)日前就預測,蘋果智能手錶上市後第一年銷量會突破6000萬隻,為蘋果明年財年營收增加90億美元。此前不久,CEO庫克(Tim Cook)被市場指責佢將更多資金返還給股東以及推出新設備。依家蘋果股價上漲,仲勁過以前,表明投資者覺得庫克好得,好支持公司佢嘅戰略啦。隨著股價上新高,蘋果目前市值已經超過6020億美元,又搶番全球最高市值的一哥寶座。

    我覺得蘋果産品不如前,但如今衰股都炒到天咁高,點解唔炒蘋果呢?

    此前,杜指及標普500指數創出新高,但納指腳軟軟,使人憂慮大市動力不足,目前見到蘋果及納指,齊齊創出新高,反映美股仍有向上勢頭。花旗集團分析師在最近發表的研報中亦表示,大市已經表現出牛市進入成熟階段的跡象,市況未見有行情即將逆轉的警訊,建議投資者應該繼續逢低買入。

陸羽仁

回應 (23)
我要發表
陸羽仁
陸羽仁 2014/08/22 15:25:40 回覆

陸羽仁覆網友

 bobofox:中海化學出盈警,旺市試底,你可以話佢係衰股,人升佢唔升,又可以話無穿一年低位376元。可以穿一年低位止蝕,例如373左右。買呢股好處係唔係再跌太多,壞處是市續旺佢未必有乜表現,只係反彈吓。

 hero6026:港華燃氣(1083)公佈,截至今年6月底止半年,盈利4.68億元,較上年同期之5.33億元倒退12.2%;核心盈利6.12億元,按年增33.4%。每股基本盈利17.9仙,不派息。(Eric  的講法是對的)

港華是港式管理,管理質素較佳,但昆侖背景強,不過中石油系統還有人事調整,要捱吓先。

 吾識炒:中興通訊業績可以,若大市繼續旺應可好啲,如果想沽都唔好沽晒,可以留一半睇睇。

 

子龍 (kaka就是大叔的契哥)
子龍 (kaka就是大叔的契哥) 2014/08/22 09:08:09 回覆

狗狗易快快破12吧.... {#icono0_2}

老美破17000, 咁絕..... {#iconb_374}

 KFC
KFC 2014/08/22 08:42:33 回覆

Re-post on behalf of

BoBo Fox ( 心好, 好日來)  21/8/2014 11:23:23  網友在此的回應

陸SIR, 早晨 !

今早投機性買入#3983 @3.78;

買入後才見公佈盈警最多賺少 55% ,

買入係因為響機, 平日會SET 定20 隻NO,

響機就會執行.

止蝕原放在 @3.4 .

請教是否現價平盤算數?

animal666
animal666 2014/08/22 05:09:19 回覆

狼來了
2014年08月22日

  聯儲局公佈上月會議記錄,委員普遍認為就業市場改善情況比預期好,提早加息是恰當的做法。不過,大部份委員表示,要視乎更多經濟數據,特別是勞動市場,才能決定應否提早加息。儲局咁講擺明係出口術,符合咗陸羽仁話美息可能比預計早上調嘅估計。

  儲局為提早加息鋪路

  距離10月結束買債時間愈近,何時加息的爭議也逐步升溫。美國近月發表的數據,大致顯示經濟回暖,從儲局立場,如果頂得順的話,加到息等如儲番啲子彈,應付可能出現的突發事件或經濟放緩,所以點樣喺唔影響復甦下令息率由極低水平回復正常,相信係所有理事共識,關鍵只係有人進取啲,要求加得快啲;有人就穩陣啲,所以如果經濟勢頭不變,息口向上已係預期之內,儲局依家放出唔同意見的氣球,就係為加息玩吓狼來了嘅口技,息口變化相信會係未來美股一個炒作因素。

  從過去經驗,加息初期股市係唔會大跌嘅,通常係傳出加息跌一跌,消化一輪又炒上,到真係加息又跌一跌,跟住又炒上,直至加到咁上下,企業開始頂唔順,經濟有滑落跡象,咁牛市就宣告死亡嘞。

  聯儲局記錄令加息預期升溫,加上匯豐中國製造業採購經理人指數(PMI)初值差過市場預期,人行亦再度出手正回購收水100億元人民幣,中港股市昨日應聲下跌。恒指一度挫達263點,低見24896點,雖然午後跌幅略收斂,但未能收復25000,恒指全日收報24994點,跌165點;國企指數收報10942點,跌113點。

  媒體難做 無綫多做少賺

  香港中旅(308) 股價及相關新聞 宣佈派特別中期股息每股2.5仙,董事總經理許慕韓透露,中旅有意將現時名下香港物業改建成為酒店或服務式住宅;他指,珠海二期建設工程最快於今年下半年動工,料明年可完成工程;安吉項目下半年則會先開始建設住宅配套部份。中旅股價應聲彈高12%,如果有耐性都可以候低買啲擺吓。

  近日市場興炒有穩定收益的股票,例外無受惠的,係一向盈利同派息穩定的電視廣播(511) 股價及相關新聞 ,原因就在業績內揭盅。上半年集團賺咗7億元,比去年減少9%。無綫6月播的世界盃,帶動上半年整體廣告收益按年增長5%,但因轉播世界盃令營運成本顯著增加,結果冚唔番條數,業績後股價跌穿50元,唔見咗2.6%。

  早前有線(1097) 股價及相關新聞 公佈業績,虧損減少咗,主要因為競投足球轉播權支出減少,但同時就出現收入下跌,反映無咗波就會走客,從無綫投波少賺咗,有線唔投波又少收咗,可見電視生意今日真係唔易做。報紙同電視收入受網絡衝擊,市場將焦點放係網媒,但自從《主場新聞》爆煲,大家發覺網媒賣廣告空間原來無想像咁大,媒體公司生意何去何從,兜個圈又要返番起步點再諗過。

  陸羽仁

 

幪面馬仔
幪面馬仔 2014/08/21 16:49:12 回覆

TC    HaHaHa

幪面馬仔
幪面馬仔 2014/08/21 16:19:04 回覆

我連正股都冇。。。。沒女一名

子龍 (kaka就是大叔的契哥)
子龍 (kaka就是大叔的契哥) 2014/08/21 16:05:06 回覆

馬仔: 小事, 今日汁左皮八.... {#iconb_225}

幪面馬仔
幪面馬仔 2014/08/21 15:56:07 回覆

將軍  咩樹?去左洗頭,冇睇市

子龍 (kaka就是大叔的契哥)
子龍 (kaka就是大叔的契哥) 2014/08/21 15:15:10 回覆

神珠妹: 狗狗易未到20都唔放架.

馬仔: 嘩...你一話沽, 大市即插, 點到子龍唔服.....

幪面馬仔
幪面馬仔 2014/08/21 15:07:56 回覆

將軍,剛午飯回來,沽喇。

大戶終結者 ( 等人齊 )
大戶終結者 ( 等人齊 ) 2014/08/21 14:42:11 回覆

神珠妹: 我只是一隻凍蟹!    {#icons_dog5}

子龍 (kaka就是大叔的契哥)
子龍 (kaka就是大叔的契哥) 2014/08/21 14:30:52 回覆

buddaau: 噢...子龍最怕人多地方..... {#iconb_625}

子龍 (kaka就是大叔的契哥)
子龍 (kaka就是大叔的契哥) 2014/08/21 14:20:30 回覆

buddaau: 噢...這個問題....子龍最遠北上就是深圳, 所以見到北上就以為是深圳呢. {#icons_dog1}

神珠妹: 沒有. 只有狗狗易.... {#iconb_617}

子龍 (kaka就是大叔的契哥)
子龍 (kaka就是大叔的契哥) 2014/08/21 14:11:15 回覆

buddaau: 咪玩啦, 你自己講架.... {#iconb_67}

子龍 (kaka就是大叔的契哥)
子龍 (kaka就是大叔的契哥) 2014/08/21 13:58:05 回覆

twohitsix兄: 8婆分析, 一個字---準. {#iconb_283}

buddaau: 今朝唔記得問, 深圳training, 有什麼奇聞咁呢??? {#iconb_64}

馬仔: 留心三點大市發展, 有古怪..... {#iconb_221}

大戶終結者 ( 等人齊 )
大戶終結者 ( 等人齊 ) 2014/08/21 12:53:13 回覆

二舊幾, Cooooool ..... 頂得住   {#icons_dog5}

幪面馬仔
幪面馬仔 2014/08/21 12:44:39 回覆

TC 我吉倉呀:-(

子龍 (kaka就是大叔的契哥)
子龍 (kaka就是大叔的契哥) 2014/08/21 11:56:53 回覆

正所謂一勝喜, 二勝驕, 三勝心雄, 四勝自以為天下無敵, 如是少年, 已經沒用了, 因為一次大敗, 必接受不了, 這是心關.... {#icons_dog5}

子龍 (kaka就是大叔的契哥)
子龍 (kaka就是大叔的契哥) 2014/08/21 11:38:01 回覆

千金難買少年窮, 少年富是罪.....

少年尖子亦不是好事, 因為心理才是致關重要呢....

幪面馬仔
幪面馬仔 2014/08/21 11:17:23 回覆

插吧,無謂再回頭,不需要解釋為何

子龍 (kaka就是大叔的契哥)
子龍 (kaka就是大叔的契哥) 2014/08/21 10:26:14 回覆

馬仔師父果然係人中龍, 唔簡單.... {#iconb_626}

子龍 (kaka就是大叔的契哥)
子龍 (kaka就是大叔的契哥) 2014/08/21 10:20:16 回覆

唔....有對手, 有對手. 要打醒精神..... {#iconb_56}

子龍 (kaka就是大叔的契哥)
子龍 (kaka就是大叔的契哥) 2014/08/21 10:03:12 回覆

陸sir師兄師姐早晨. {#icono0_2}

剛才急插, 攪到倒瀉奶茶, 而家一褲都係..... {#icons_dog9}

user

最新回應

幪面馬仔
幪面馬仔 2021/03/08

門門

話時話星期一可能會升,我希望佢跌,俾你走貨。。。

好手痕,想沽期,但現真冇胆及時間。老了老了。

認同你說法,完美圖形如你說,但我有時覺得相差不遠亦不用太執著,但是否過頸線是確認圖形的關鍵。但大户亦用資金說明了,他們真金白銀買下去。

明天八婆可能會升,但我仍然覺得他要跌。

門徒
門徒 2021/03/07

馬爺小門唔認同八婆嗰係頭肩頂,右肩不應高過左肩 {#iconb_62}

子龍 (kaka就是大叔的契哥)

大戶契哥: 祖移動已歸類為收息股. 即是增長前景有限, 但派息穩定的標的. 問題是大市現在約三萬點, 如大市受制資金出逃而下跌, 收息股也會跌. 這是大盤風險呢.

很多時投資重點不在標的本身, 反而重點在投資者的素質. 是固執的投資者, 還是猶豫的投資者主導呢.

{#iconb_62}