歐洲衰退
2014/08/27 09:34:08 網誌分類: 經濟
美國經濟數據靚仔，烏克蘭局勢仍未有進展，但中東方面，巴勒斯坦官方表示，已經與以色列達成了長期停火協議，加沙地帶有望即將迎來長期停火。地緣政治緊張局勢舒緩，美股再上新高，杜指升31點至17107點；標普500指數漲2點，收報2000點；納指升13點，造4571點。
7月份商業航空器訂單飆升318%，令美國當月耐用品訂單增長22.6%，遠高過市場預期的12.6%，增幅創了歷史紀錄。另外，6月標普/凱斯席勒20大城市房屋價格指數上漲1%，雖然低過5月1.2%的增幅，但美國房屋價格已經連續第四個月上漲，同期的 FHFA房屋價格上漲了0.4%。
美國經濟諮商局8月消費者信心指數由上月的90.3攀升至92.4，遠高過市場的88.3；而現況指數（The Present Conditions Index）亦由上月的87.9大升至94.6，亦高過市場預期。經濟數據出爐後，高盛將美國第二季度GDP增長預期從3.7%上調為3.8%。
標普500指數收市終於突破2000點，今年以來，已經係第30次刷新歷史最高收市紀錄。美股自金融海嘯之後，已經連續升了5年，不少投資者對股市泡沫愈來愈擔心。不過，美銀旗下財富管理公司U.S. Trust投資長Chris Hyzy繼續看好，他認為，美股至今持續 5 年的漲勢，只是長達 20 年牛市的初期而已。
Hyzy指出，美股牛市持續的關鍵，在於下個10年的製造業發展，正在發生轉變。美國產業正走向能源自主，民間部門正一個個突破限制，科技進展達到1990年代初以來所未見的繁榮情況。而這將拉長企業循環，從原本的5年延伸為相當長久的市場。並預期美國今年經濟成長率可達3%至3.25%。
Hyzy補充，歐洲現況類似日本長達20年通貨緊縮循環的開端。由於信用成長萎縮，加上兩大經濟體德國及法國的國債息率不振，跌到比美國國債息率更低的水平。因此，歐洲央行必須採取刺激經濟行動去救市，其實，現時已經有些太晚了。歐洲泵水，將會支撐住美股的牛市。Hyzy在美股當中首選金融類股，以及一些特選的科技及石油服務類股。
話美股正處於20年大牛市，聽落有點信口開河，但從另一個角度睇，大部分的美企股價，仍未有價格高估的情況出現，從技術分析睇，標普500指數仍然長期企於200天移動平均綫之上，幾乎沒有什麼技術因素暗示這種狀況會發生變化。美股仍有前進的空間，如果中東或者烏克蘭沒有爆大鑊，大市在聯儲局正式加息之前，估計不會有太大走樣。
陸羽仁
陸羽仁覆網友
Gdreader，小書僮: 在較旺的市道買股，市況一回走唔切就有問題，去年底買碧桂園就是如此。現時也是這種市道，唔買，又怕個市再升無貨眼光光。買，一回頭跌到10﹪時，真係要考慮斬唔斬。
碧桂園（2007）公布，以15供1基準，向股東抽水集資31.8億元，每股供股價2.5元，較周三收市價 3.62元折讓30.9%，結果碧桂園插5﹪收3．44元， 近日隻股強番少少，不排除係炒高供股，未來仍有點壓力。
碧桂園15供1，供股比例低，折讓大，除非你沽貨，否則就要供，或者賣掉供股權，唔係就蝕水。內地房市弱，內房商在下半年發力賣樓追數，股價有無表現，一睇大市可唔可以繼續旺，二睇個別公司賣樓表現。最後建議若貨少又唔想等，可以一反彈就壯士斷臂，貨多唯有等吓。
小書僮：王石講的是大企業遇上發展樽頸的問題，萬科售樓金額全國第一，又係半間國企，若萬科都會玩完，真係所有內房都無間掂。萬科而家7倍市盈率，都計入一定風險因素。
牆頭草：老美有創意，電腦、生物科技、軍工業都好強，但衰在使大晒債務多，但佢唔會咁快死。
陸sir,
《絕命毒師》（Breaking Bad）早看過了, 無得頂. 美佬還是最有創意的. 雖然周身債, 唔衰得去邊.
迷途小書僮
你都5蚊有貨？HOLD左幾耐？ 我都係
陸sir你好 我係上年11 12月時聽你建議 5蚊左加買左2007 點知買完就插到而家 有少少失望 早排隻野有一日上到4蚊 點知一上就跌番落泥 沽唔到 請問供股既細節係咩 仲有冇可能上到4蚊 蝕讓都冇計 再揸落去都唔知會唔會得番2蚊
所以就好似上面迷途小書僮所講 "還有剛看到碧桂園要供股，小弟有少量5蚊貨，供唔供好呢？"
疑似佔中效應
2014年08月28日
8月就嚟又過去，同過往月尾唔同，今個月除咗有期指結算，仲多咗個「大限」，就係人大常委會就政改框架作出解釋。
照牌面嚟睇，人大解釋無可能符合佔中人士「真普選」的要求，於是今個月尾、下個月初會否爆發佔中，以至搞出大頭佛，開始成為話題。外圍股市偏穩，內地股市又微彈，港股就跌穿兩萬五千點，有人就賴咗同佔中有關。
跌市要搵個理由
人大常委喺月尾開完會，解釋跟住出籠，接下來人大副秘書長李飛下個星期會落香港解話。睇電視訪問發起佔中的港大學者戴耀廷話初期唔會有大型佔中活動，實際反應要睇市民有乜反應。不過，昨日就有報道話8月31日就會啟動佔中，當然啟動唔代表即刻就爆大鑊！如果照呢個日子推算，咁今明兩個交易日就係佔中前最後兩個交易日。
照形勢發展睇，佔中發生機會好大，但點樣影響股市會好唔同。一個可能係好似東歐顏色革命，群眾聚集不散，終於搞到政府垮台，咁搞自然好大件事，股市跌到一仆一碌；另一個情況係好似美國佔領華爾街，由於運動缺乏建制支持，媒體普遍冷待，結果搞咗段時間就俾人撳咗落去，期間股市波瀾不興，相當平靜。
以香港目前情況嚟睇，佔中好可能係接近美國模式多過東歐模式，皆因香港係富裕社會，大部份人都唔想亂，搞到經濟，所以昨日個市下跌，就算真係同佔中有關，相信都只係好輕微嘅心理反應。
港股跌市同佔中拉上關係，主要係搵唔到其他原因。美國耐用品定單大增，標準普爾500指數收市首次升至2000點水平，創歷史新高，港股本來已經高開60點，但之後大市無力再上，午後掉頭回落，最多更挫191點，收市前跌勢略放緩。恒指全日收報24918點，跌155點；國企指數收報11074點，跌50點，成交增加至676億元。除了賴佔中外，結算前淡友撳低吓個市，可能係比較合理嘅解釋。
內地保險股陸續公佈業績。新華人壽(1336)
中期多賺71%，業績公佈後股價先升後回，高盛發表報告，認為公司業績勁過預期，維持「買入」評級，12個月目標價29.97元。
報告指出，新華保險新業務價值按年升18%，比高盛估計升5%為佳，內含值也升兩成，勁過該行預期升14%，純利升71%，大致符合早前盈喜公佈的情況。新華保險投資收益只有4.8%，比高盛估計的4.9%為低，但淨投資回報達4.9%，就優於高盛估計。
電動車概念爆上
彭博引述消息人士報道，中國政府正考慮投放最多1000億元人民幣設立基金，用作支援建設電動車充電設施，支持電動車發展，消息刺激相關股份造好。比亞迪(1211)
升5.9%，報53.9元；早兩日專欄提過嘅泰坦能源(2188) 
亦漲6.2%，報1.2元。
內地9月起已免除新能源汽車購置稅政策，並要求政府部門採購電動車，作為公務用車，相信扶持政策會陸續出台。
另外，有「股壇長毛」之稱的David Webb，於8月20日增持鱷魚恤(122)
50萬股，每股平均價0.44元，鱷魚恤發力飆升，收造0.51元，狂飆14.6%。
大股東林建名早年曾經建議私有化鱷魚恤無法成功，之後股價載浮載沉。無錯鱷魚恤資產折讓係好大，但如果林建名掛住識女朋友，一味沉醉於爺孫戀，係都唔肯搞嘢，股壇長毛可以點樣令資產價值釋放出嚟，都幾有疑問，所以股民跟炒最緊要唔好跟車太貼。
陸羽仁
2014-08-27
Dow Jones Industrial Average (^DJI)
17,122.01
15.31(0.09%) 4:28PM EDT
萬科(02202.HK) -0.320 (-2.122%)
沽空 $6.99百萬; 比率 7.399% 
董事會主席王石出席「2014亞布力中國企業家論壇夏季高峰會」時表示，萬科正做第四個十年規劃，公司面臨轉型難題，能不能走過去都不清楚，討論八個月仍未果。
他在回顧萬科成長史時稱，經過1997年及2008年的金融風暴後，前幾大房地產公司被淘汰，萬科才成為第一。但因為萬科已經成為了大企業，組織先進法則也符合萬科的現狀，很擔心下一個倒下的就是萬科。
我想請問一下陸SIR怎樣看王石的擔憂?
因為我看見陸SIR對萬科是有信心的,但他們的主席卻有憂心,想問一下陸SIR看法!
還有剛看到碧桂園要供股，小弟有少量5蚊貨，供唔供好呢？
人呢......
打渣...ant先柵lu.....
陸sir今日篇Blog文章所用的 字體 幾好睇
沖涼油刑警
今朝隻鐘凱柔服真係令人不得不服!!
陸SIR&師兄師姐早晨!
2014年08月26日 (08:13 PM)
陸SIR;各位師兄師姐早晨.
陸sir & 各位：早晨！
Good morning.