不良交易
國際局勢相對平靜,美國沒有重要經濟數據出爐,美股窄幅上落,交投淡靜,大市欠缺方向。另外,下周一係勞工節長周末假期,唔少交易員已經放假或者正在安排放假,已經無心戀戰。美股收市基本持平,杜指全日的高低波幅只有44點,收市升15點至17122點;標普500指數無升跌, 收市企穩2000點上方;納指跌1點至4670點。
市場的焦點係又有巨型科持股入市吸金,繼叫打的服務公司uber及旅遊住宿網站airbnb後,再有科技公司市值突破百億美元。
通訊服務商Snapchat傳出近月已完成新一輪募資,公司市值約100億美元,高出facebook(臉書)去年開價的30億美元2倍有多,比較1年前,Snapchat市值僅約20億美元,由於Kleiner Perkins Caufield & Byers表示願意投資,對Snapchat的估值為大約100億美元,Snapchat市值便一年內翻了5倍,事實上,好似前不久上市的Twitter一樣,Snapchat還幾乎沒有收入,但如果此次集資活動能夠順利完成,該公司將成為估值最高的非上市科技初創公司之一。
CNBC節目Mad Money的人氣主持Jim Cramer昨日在網上撰文表示,他最憂心市場上頻頻出現上述這些交易出現,因為這些交易是量度投資者對大市的熱情度的最準確指標,而最讓投資者輸最多錢的便是這種對股市的熱情。
他認為大多數人正在等待聯儲局用加息來殺死呢隻牛市,但正如賓夕法尼亞大學沃頓商學院教授Jeremy Siegel在CNBC的Half Time節目內所講,利率即使提高2厘甚至3厘,如果經濟狀況良好的話,股市未必會死。Jim Cramer認為,從供應角度看,市場上大量充斥著太多不良的交易,更令人憂慮,事實上,納指前不久出現的插水式下跌,便是太多估值偏高的不良股票造成的。
Jim Cramer稱Snapchat、阿里巴巴、d ropBox、Box、AirBnB及Uber等企業透過IPO擠入原本已經空間有限(成交量)市場,太多的供應,將對市場造成巨大衝擊。當供應多過需求,令問題更嚴峻的是,有些傾向政治的分析員,只針對利率的高低而不是股票本身,認為導至投資了類似Snapchat這類股票而輸了大錢,是因為聯儲局政策或者其係廢噏的理由,令事實更加混淆。他提醒投資者,股市的真正殺手(the real killer),不是聯儲局主席耶倫,不是美元,也不是美國10年債券,而是股票的供應。
陸羽仁
陸羽仁覆網友
吾識炒:星美二合一,再一供八,等如唔合併前一供四,係大比例供股,唔供俾人大攤薄。
碧桂園十五供一,供股比例不大,不是大攤薄,問題是集資額唔大,只係集30幾億,好似少少都要集咁,令人覺 得佢唔供將債務調期有啲困難。
Gamesimon:港交所高位急回,睇圖可以回深少少先彈,旺市炒熱股無話穩陣,係要博。
Kym: 大陸唔係打緊內房,係細細力救緊內房,但房市仲麻麻地,所以內房有少少腳軟。
陸sir早晨
今次2007的供股算係大攤薄嗎?
因為我見有的股票佢的供股係以下咁:
星美文化(02366)建議將股份二合一,然後再以每股0.35元,較停牌前合股後2.1元,折讓逾83%,進行一供八,涉發22.5億股,籌淨額7.61億元,用作支付上述收購及投資電影及電視節目製作等。
咁呢個算係唔算超超超攤薄的方法之一? 真係想知咩先係正常的準則, thx陸sir!
陸sir:
港交所由$184左右跌返落黎$17x, 滬港通效應下, 係咪應該有機會去返$18x左右呢?
本人無貨, 想入返d短炒一下, 應該什麼價位入較為穩陣呢?
謝謝!!!
逼貴完集資幾十億, 但年銷售就千億, 又話金九銀十, 單睇數字令人疑惑呢. 子龍以為無貨唔好追住, 睇定少少先. 有貨變左逼住供, 因為攤薄幾大呢. 苦呀.....
碧桂園供股 震散內房
【明報專訊】碧桂園(2007)前晚宣布大折讓供股,消息觸發投資者對內地房地產股「缺水」的疑慮,引發內房股股價昨日普遍回軟,跌幅介乎2%至3%不等,碧桂園更首當其衝大跌近5%。
不過,有分析員引述管理層解釋稱,碧桂園此舉最終目的是減低債務,預料淨負債比率可降至60%。
藍籌潤地中海外跌約3%
內房股昨日普遍受壓,其中身兼恒指成分股的華潤置地(1109)及中國海外(0688),分別跌2.7%及3.1%,至於碧桂園本身更一度跌逾8%。有外資行分析員引述集團管理層稱,碧桂園是次集資主要是希望不攤薄股東權益,同時將淨負債比率由目前67%降至60%,集團目前信貸評級為「BB+」,期望可透過改善資產負債表,進一步獲提升評級。
德銀大劈碧桂園目標價9%
不過,德銀昨日則發報告批評碧桂園財務安排欠佳,集團在2014年中的12億元人民幣離岸存款結餘,相比9月10日到期的3.75億美元優先票據,出現明顯錯配。碧桂園今次供股行動,德銀認為正反映出碧桂園的財務安排欠佳,並且顯示出該股股價向下的可能性。
因此該行維持碧桂園「沽售」的評級,並且大劈目標價9%至2.4元,以反映該股增長放慢及伴隨新收購的風險。
追貨兩難題
2014年08月29日
市場昨日最大消息,當然係壹傳媒(282) 股份停牌。公司大股東黎智英晨早被廉署調查,壹傳媒喺市場交投唔係咁活躍,佢停牌對投資者影響唔大。今次事件係有個名為「壹傳媒股東」嘅深喉喺網上爆料,涉及黎智英向議員捐款同好多私人錢銀有關嘅資料。
爆料股民聲稱不滿佢上市公司生意蝕錢,自己就喺台灣、緬甸大做私幫生意,故此要爆陰毒,佢呢個說法令好多人都半信半疑。不過講番轉頭,壹傳媒上市多年,喺二千年科網股時代,曾經炒到20元樓上(佢曾經合股),之後大插水。最近佢股價好番啲,有時上番1元樓上,但都係同佢當年借殼嘅價錢差唔多,所以買咗呢隻股嘅股民,十個有九點九個坐緊艇,?家突然再爆負面消息,對投資信心點都有影響。如果爆料者真係公司股東,快意恩仇之餘,荷包暫時就要畀小小代價嘞!
兩萬五千點阻力大
個市好明顯睇到結算角力,人行再度收水,進行100億元人民幣正回購,內地股市受壓,上證指數失2200關支持,港股期指結算日「彈完即散」,午後曾瀉239點,收市雖跌不足兩百點,失守20天線(24816點)收市,證明個市去到六年高位,兩萬五千點呢個位真係有阻力㗎。
恒生指數全日收報24741點,跌177點;國企指數收報10931點,跌142點,成交增加至804億元。
碧桂園集資股價即回
內地樓盤銷售放慢,好多公司都要諗計改善資金流,以捱過寒冬。碧桂園(2007) 大折讓供股,以15供1方式集資,供股價每股2.5元,較之前收市價3.62元大幅折讓約31%,集資淨額不少於31.5億元,所得資金將用於現有債務再融資,以及一般營運用途,供股聯席包銷商為高盛和摩通。
供股折讓咁大,小股東好難唔供,消息公佈後,股價應聲下挫7%,之後升幅收窄番啲,收報3.44元,跌咗4.9%。在較旺的市道買股係兩難題,市況一回走唔切就有問題,去年底買碧桂園就是如此。現時也是這種市道,唔買,又怕個市再升無貨眼光光。買,一回頭跌到10%時,真係要考慮斬唔斬。
至於受累上海項目拆遷緩慢嘅瑞安房地產(272) 近年業績差強人意,向鷹君(041) 出售2家酒店,總作價27億元。公司表示,酒店原本就非核心業務,且若干酒店往績欠佳,所以套現資金投資其他業務,以改善淨負債率。
瑞安揸弗人羅康瑞同鷹君揸弗人羅嘉瑞係兩兄弟,但兩間公司獨立運作。瑞房上半年合約銷售額為28.19億元,按年跌56%,有需要加強資金回籠。早前鷹君用茶渣價投咗塊科學園地皮,今次相信又係諗住執平貨。鷹君喺房託熱潮時及時分拆咗酒店出嚟套現,?家大把子彈執嘢,如果兩地樓市有,鷹君就肥仔嘞。不過,佢一向股價慢熱,加上項目無咁快提供回報,投資者暫時都唔使咁急入貨。
陸羽仁
2014-08-28
Dow Jones Industrial Average (^DJI)
17,079.57 42.44(0.25%) 4:31PM EDT
假如美國經濟真係轉好的話,理論上由零起點加兩、三厘息的確唔會點影響經濟,但係就忽略出面大把由量寬支持嘅利差交易,美國利息上調一定對國際資金流向有影響,上年已經在不少新興市場已經演習過一次,啲商學院教授咁快唔記得歷史?
袋鼠唔係話牛市已死,無錯,股市未必會死,但睇簡短引述,有啲模凌兩可 - 嚴格上嚟講,金融海嘯之後股市依然存在下來死唔去!不過嚟一個carry trade unwinding,幾個月之內跌廿個巴仙,而且情況多數混亂,都應該嚇死好多人。
至於Cramer睇股票供應量及質素,都算有啲歷史根據,不過唔睇需求一邊,完全否定量寬水浸、聯儲局舉動,屬以偏蓋全。
大陸會打壓內房,講多過做,碧桂園係呢行都算老行尊,三個幾應該係買唔係沽
彈上四蚊個日無沽無理由家下沽
IG Market,
升到咁多牛,又結埋算,插下好正常~
早兩日我已經係家中講左...
IG market...
恒生指數期貨(九月)夜市...
fly兄: 勿慌. 市場會行自己的路. 話時話, 奶粉真的見底嗎???
fly兄: 投機要跟紅頂白, 投資要安全邊際. 內房2樣都無, 同我沽爆佢....
同意門徒兄, A股是污水, 港股是清水, 買2823輸架GTR, 輸錢要早
我個人意願真係唔想玩A股架
玩內房重点唔係價值而係亞爺心意-_-'話變就變
大師, 將軍: 救我......
日線圖算唔算三隻烏鴉呀。
計PE, 迫貴完5.X, 加印哥3.X. 大家都係半近八兩內房(股價都係一pei屎 ), 論投資價值, 一係你跌多一半, 一係我升一倍, 當然係希望後者啦
FB 買過走左, Tesla 都係.
太傷神, 老人家多買ETF收息算了.
1,2百點, 有如垃圾. 大戶有本事插千點先算.
草哥早著先鞭! 有冇買下facebook?
電信d 尾市買盤好強.
史力加,
轉左好耐啦.
港股終於調整,一早外強中乾,而周二連滬港通概念股也有爆煲迹象,故今次要提前準備不算太難。不過,從外圍走勢推敲,暫時股市氣氛仍偏好,也不要看得太淡。
在目前環境,最佳策略是離開港股,轉戰外圍。應該可將滬港通第二波的行情當成已告一段落,很可能要去到九月尾十月初才有第三波的行情出現。當然第三波會和第一二波有顯著分別,第三波會是AH兩地估值合流,應該是A股強而H股弱,相信走勢會比較清晰,屆時才回歸也不遲。
自己一路不信港股,一來中國內傷的理由,隨手拈來根本一大堆,二來A股搞足一個月,居然不進反退,外資持續流入,即是中資持續狂沽股票。而睇中資股,當然是中資叻過外資,滬港通請君入甕味道極濃。
港股炒爆了一個概念,養傷需時,但同時間外圍依然段段快放,提供一定支持力,令港股升跌幅度看來都有限,再加上本地政經局勢始終是一個變數,故離場最好。除非忽然間跌得多,否則不見得有值博率,何況世上自有留人處,炒住美股有何不可。
中港股票有一個根本問題,是大多數炒得唔揸得,令到市場參與者有如個個千王鬥千后,一心只是想搵下家笨。其實我們是極之需要一些有業務突破能力的企業,但很可惜我們的主流文化是靠阿爺,而且經營成本又高,對新興公司不利,形成了一個惡性循環。
豐盛金融資產管理董事 黃國英(作者為註冊持牌人士)
無情情跌兩舊, 老廉摷肥佬黎 ....
大戶怕怕 ??
門徒。。。。He丿丿o
我隻通訊呀。。。
請各位大大客觀分析現市況
甚麼是牛熊市一、二、三期(市場週期理論)?
*牛熊市一、二、三期:定義、價格變動、市場心理、估值
*過往例子:SARS(03)-宏調(04)-直通車(07)-次按雷曼(08)
*現在實例:次按雷曼(08)-歐債(11-12)-「??」
(聲音、影像教學請看YouTube片段)
甚麼是牛熊市,及如果定現在為牛熊一二三期一定永遠是施凌部署內的第一步!因為牛市大升趨勢內,大部分的資產都會向上,但熊市幾乎天天大跌中,極少極少股票會天天逆市向上升,所以「選股不選市」在施凌部署是不成立。這個理論其實可以用於幾乎全部有價格的資產,最常用的是股票指數及黃金石油,其次的是房地產、貨幣等。今天我們會用股票指數作例子,其實黃金石油的趨勢更加明顯,有興趣可繼續交流!對於市場週期都有不少理論,施凌會將最普遍的一種分享給大家。
*牛熊市一、二、三期:定義、價格變動、市場心理、估值
一)牛市一期(「牛一」):「價值時期」
a)價格時間:一般維持一至兩年,以恆生指數為例,每次的「牛一」最終都可升70-200%不等!
b)市場心理:於早年所有資產價格暴跌後,估值已經變得低殘,一些價值型投資者因為較不計較短期價格波動,而開始入市,令資產價格開始上升。但一般4-6星期過後,一些趨勢投資者亦於圖表中見異動以開始入市,整體市場的消息及氣氛都是早年的熊市的確過份沽壓資產價格,及怕錯過如此低殘的股票,其他投資都開始入市,這時令資產價格急升!就像2009年QE1開始的時候。
c)實際估值:留意,因為整個「牛一」歷時可能只有一年,於股價格上升至完結,可能各指數成份股公司都未公佈新一年的業績,所以,於「牛一」的整個或大部分升幅中,各公司的盈利都是去年衰退年的盈利,於盈利未真正錄得升幅前,只是市場認為股票指數價格低賤而看好往後的業績,令價格上升,這樣於「牛一」的尾聲我們通常都看到指數的估值(例P/E、P/B)都是非常的高(*可參考施凌教學第十五集),甚至可與歷史內牛市泡沫的估值相比。
二)牛市二期(「牛二」):「假悲觀時期」
a)價格時間:一般維持三至九個月,以恆指為例,"牛二"最終平均都跌約25-40%不等!
b)市場心理:由於在「牛一」內市場主要都是「錯怪過去的某股票」為主題,股價一直上升,人們都忽略了來年的公司盈利是否相乎?此時當業績公佈時,各公司盈利只要稍稍低於預期,指數價格受壓的機會極大,則進入牛市二期。一般「牛二」的氣氛都是像熊市一樣,市場都覺得情況未必如想像中樂觀,現況可能仍然處於熊市,甚麼好消息又變回壞消息,唯一與熊市的分別就是公司其實盈利大多繼續增長,就像2011年歐債的時候。
c)實際估值:當公司因為市況轉好等原因,陸續公佈轉好的業績時,股票指數的基調已經轉好,但反而價格受壓力,所以於"牛二"的時候,就算大家見到資產價格下跌到牛一的某水平,其實由於實際盈利有好轉,估值比當時已經更吸引!此時勿以從前的估值看今天的股價,如果過份悲觀不看估值,此時亦是投資者錯失大好機會的時候。
三)牛市三期(「牛三」):「投機時期」
a)價格時間:大約一至三年不等,「牛三」初期升幅較慢,「牛三」尾期升幅牛市裡是最急而快的時候,但是「牛三」尾期升幅可達整個「牛一」之多!
b)市場心理:在「牛三」初期,因為剛經過「牛二」大調整後,市場開始返回基本經濟面看盈利,市場沒有再像「牛一」亢奮,一齊歸於基本分析,價格跟著盈利走,一切都在合理價內。但到「牛三」尾期,由於市場看到各公司數年內都有盈利,似乎盈利是穩定而必定的事,數年前的衰退(熊市)已經離太遠了,市場開始給予股票一些更高估值,可早一步投資於或於數年後才發生的盈利,資金四處尋找投資機會,一切的分析都無用,市場變得投機,甚麼壞消息都變好消息。(2006-2007年初次按、2007年港股直通車)
c)實際估值:
各公司盈利或都在增長中,但資產價格的升幅實在太急,遠快於實際盈利增長,造成估值非常之高,完全脫離基本因素。
四)熊市一期(「熊一」):「後亢奮時期」
a)價格時間:歷時半年至一年,跌幅可達25-35%
b)市場心理:於「牛三」內所有壞消息都累積起來,就是泡沫的出現,當一個較影響經濟的消息一出,泡沫就會爆,巨大的體積原來都只是空氣!與「牛一」相反,於「熊一」內其特徵是市場都認為是次跌浪都應該又只是牛市的調整,因為於較早的「牛三」內,實在錯過又看過很多次調整,最終都是向上,但價值型投資不計短期波幅,開始離場,在4-6星期後趨勢投資者都會趁勢沽出資產造淡。
c)實際估值:各公司盈利都是濟後,所以盈利或未受真正經濟影響或反映,所以單看估值(P/E、P/B等)未見大跌。
五)熊市二期(「熊二」):「假樂觀時期」
a)價格時間:歷時三至九個月,反彈可達20-35%
b)市場心理:與「牛二」相反,經過一連串的沽壓後,市場認為牛市其實未過去,市場情緒暫時再度樂觀。
c)實際估值:但唯一分別的是,各公司的盈利其實已經又跡象轉差,隨著資產價格向上但盈利向下,估值又再上升,醞釀另一個跌勢。
六)熊市三期(「熊三」):「極度悲觀時期」
a)價格時間:整個「熊三」歷時約半年至一年,但跌幅是整個熊市最大最急的,跌幅可達40-70%!
b)市場心理:市場短暫樂觀過後,發現各公司盈利或實際經濟都在收縮中,才發現估值已經更加高昂,似乎盈利轉差已經是不爭的事實,市場開始為遠至數年後的經濟擔憂,市場不願意在持有資產,互相拋售,一沉百踩!資金四處避險,一切的分析都無用,市場變得極度悲觀,甚麼好消息都變極壞的消息(如2008年的雷曼事件、AIG等)
c)實際估值:由於盈利增長減少甚至倒退,但資產價格實在下跌得太凶,資金全都爭相撤離,估值變得非常低殘。
*過往例子:SARS(03)-宏調(04)-直通車(07)-次按雷曼(08)
一)2003年SARS:就是牛市一期開始,很多人都不知道,誤以為SARS期間是股災,其實恆生指數於
世衛發出了SARS全球警告的一個月(2003年4月)見底的,當時指數為8331點,市場都因為科網及911的事件憂慮了數年,估值都不尋常地低,房產創新低,業主連番降價都無人問津,價值投資者認為是出激時候,而且股市是走先經濟的指標,其後升至11個月後2004年3月的14000點,大升68%!恆生指數平均PE為13-14倍,當時已經高至20倍!
二)2004年宏觀調控:是牛市二期,當然經濟、股市、樓房都突然於短短一年急漲,中央便開始作出加息等宏觀調控,尤其是樓房影響民生,市場突然間驚覺於不足一年內,全年業績都未公佈下,指數竟然大升68%,所以股市於全年業績公佈期前(4-5月)突然驚醒,甚至認為"牛一"的升勢只不過又是一個較大型反彈而且,「SARS依然影響經濟不是嗎?」,結果於3月見頂,回調至5月的10900點,大跌兩成多。
三)2004年至2007年中:屬牛市三期初期,指數慢慢向上,一切歸於基本面,有盈利的公司,股價大致都跟隨上漲。
四)2007年8月-10月港股直通車:是牛市三期尾期,其實美國的次按問題早於2006年尾報告過,但市場都沒太大反應,港股由8月17日(小弟一生第一次一天買入的全部身家)起步直升,不少分析都認為升勢過急,市民都抱著懷疑心態,但當時次按問題真的已經嚴重了,市場卻不作理會繼續令各資產價格上漲,隨後更不知從哪有「港股直通車」的消息出現,抱著懷疑心態的市民最終都入市,加上美國最終因為次按問題減息(但多年的加息突然首次減息實屬非常利淡的事)但市場演繹為美國勢必力保及刺激經濟,小弟於30000-31000點太怕而全數離場(參考iMoney009版),其後市場繼續上升,恆指又再見20倍PE暴漲到32000點,終於爆破!最終美國減息是好消息嗎?現在見"港股直通車"嗎?
*現在實例:次按雷曼(08)-歐債(11-12)-「??」
一)雷曼:很多人將08年的金融海嘯命名為「雷曼事件」,我們要弄清楚的是「雷曼」是一個後果,而「次按」才是原兇,證據是次按發生後,恆指大跌66.6%,而雷曼破產的一個月,港股就於10676點見底大升至2010年11月的25000點,大升134%!
二)歐債:當然,牛市一期的「價值型」升幅多數都會被過份追捧,當時PE高達24倍!比2007年泡沫的20倍更高!然後港股當然要付出代價,碰到歐債危機及美國主權評級問題,市場發現2008年遺留的毒瘤根本未清,去年的升幅根本又是一個較大型反彈而已,港股進入調整近11個月的牛市二期,跌幅35%!大家有印象應該記得當時市場滿佈「恆指數勢見8331點」的分析嗎?其後港股於10月4日的16170點見底,到此各位朋友應該開始有印象,施凌於8月8日(20500點)已經出文建議見16400點的機會大,而10月4日見底當日急急建議大家買入,當然整整兩個月施及凌都為到「牛」或「熊」而多番討論甚至爭論,但投資十數年都知道自己的感覺(尤其置身其中時)的想法都不準確,最終就算入市那一刻都只是因為早前一直的分析指向16400,就照著辦,到其後信心才回來。
三)「??」:施凌不知道其後市場會給予來臨的升勢甚麼名稱,但跟據市場週期理論,牛市三期已經來臨,市場將會慢慢上漲至合理價,市場不再過份悲觀,回歸基本面及盈利。16170點後,市場都有另一次機會(希臘危機),指數回調至2012年6月4日的18056點,施凌亦於當天又建議大家買入,但這要靠其他技術分析配合,加上施凌發現的「恆指鐵三角」(2007年10月至2012年6月的三角形),當時提及若升破三角形(當時為19600點),恆指量度升幅為25000點,記得當時與一家一起天天倒數,其後更確認「牛三」已經開始了!
「日光之下無新事」,歷史都必重演,大家現在如何悲觀都好,牛三尾期的時間,錢多賺幾次,危機越來越遠,無人不亢奮,那時才是真正的危機!
結算效應.
點解期指又唔係插咁多既?
恒指成份股 差不多全線下跌
5 941 獨升
好明顯有人維持秩序
但會支持幾耐 呢噢?
係咪一到10%就一定要止蝕,都要睇番當時環境同自身情況,我覺得無必要硬性執行
碧桂園上年銷售額過千億,今年目標近千三億,睇黎都好大機會達成
手頭上土地儲備足,股權結構分明,你話公司有大問題要沽講唔通囉
現在可能先係加注時候
今天奇結天...等陣會再走多一些嗎...
邊個係2003年 或 2008 或 2009年 買左樓 呢噢?
無幾個吧!
所以 唔好信自己係叻人 呢噢!
有大陸高人 同達摩講
大陸樓巿 早前供應過多
空置率高 造成樓價低迷
現在等清貨尾
如果想買大陸樓 就是現在 呢噢!
如果樓價低得太唔合理
大陸政府會有政策出 咁話 噢!
牛奶...八婆...
唔....內房很少供股, 逼貴完5元上車無止蝕, 現價打左7折, 重唔想走??? 唯有供股, 但要返家鄉比較難....
twohitsix兄: 精武門睇埋業績, 一於與鱷共無....
以下只係個人睇法....
小弟仍有10,000股, $4.33成本, 而家得番$3.4, 15供股1, $2.5........
即係拎多$1666.67出來, 我會供, 拎番派息果$2,100供, 當收少D息...
佢供股目的係減少負債比率, 有助改善財務狀況, 加上現價$3.4真係太賤價, 我覺得佢值呢個價, 不過, 依然等待佢日後上番高D先一次沽出, 反正錯過左沽出機會, 咪再睇多一陣, 當然亦要繼續留意市場變化, 無話一味要死坐死揸既,..
不過, 陸SIR推介, 大部分我都有好結果, 呢一隻野結果差D都無計
alex wong 名言: 長坐內銀可以贏大錢, 牛頭角阿嬋都變巴菲特, 仲要係創造成街巴菲特.
試解釋一下: 內銀, 內房, 同香港一樣呢十年一樣. 只係靠阿爺政策樹大好遮蔭, 基本上無咩特殊優勢. 所以陸sir 常取招行而不取四大. 內房連水泥建材類作為經濟增長動力已是老套路. 如果未來隻隻內房內銀都是明日匯豐, 咁就真係會有一街巴菲特橫空出世, 無窮人矣.
暫時我的看法跟黃生大致相同, 龍頭內房內銀可以炒波幅, 貼近一年低位買來坐, 貼一年高位沽貨. 其他非龍頭, 放過佢啦.
其實大家唔好咁敏感, Reader兄只係失望姐, 我唔覺佢有抽秤任何人, 不過, 我覺得Reader兄係投資上出左D錯誤,
首先, 如果$5入貨, 一般正常情況下, 跌10%止蝕, $4.5應該要走人.....
第二, 從阿爺政策上, 市場資金上睇, 加上呢大半年既房地產市場變化, 呢隻野唔多適合作長線投資, 所以最多買來炒下.....
我係上年12月中係$4.76, 及$4.33合共買左20,000股, 我本意不是炒, 所以無止蝕, 但從阿爺政策上, 市場資金上睇, 加上呢大半年既房地產市場變化, 我覺得佢唔再值得長揸, 一直等待機會減持, 終於7月31日係$3.97止蝕左貴果10,000股, 扣除股息$2,100左右, 蝕近$6,000, 現仍有10,000股$4.33係手
內房,內銀,傷盡多少散戶心
碧桂圓好多人中伏,但係唔可以藉此抽秤陸sir
香港上市內房,當日只有中國海外,恆大,碧桂圓銷售額過一千億,估值上碧桂圓有投資價值
過左半年,佢業績有提升無走樣,奈何市場唔喜愛佢,咁都無辦法架,唯有繼續等,雖然現價要升五成先返家鄉
中移動咁大隻可以四日升十蚊,碧桂圓四日升五成唔係難事
不對, 聽任何建議, 盈利就是大戶跌錢, 虧損就是大戶派貨. 而且群眾是無知的, 市場只是人為的賭局. 還是及早離場吧.
唉,見到任何建議,照跟蝕左就係自己無做功課;
賺左就係建議者的功勞。
........................無言............
陸sir你好 我係上年11 12月時聽你建議 5蚊左加買左2007 點知買完就插到而家 有少少失望 早排隻野有一日上到4蚊 點知一上就跌番落泥 沽唔到 請問供股既細節係咩 仲有冇可能上到4蚊 蝕讓都冇計 再揸落去都唔知會唔會得番2蚊
所以就好似上面迷途小書僮所講 "還有剛看到碧桂園要供股,小弟有少量5蚊貨,供唔供好呢?"
早呀~