無驚無險

2014/09/18 07:55:07 網誌分類: 經濟

18 Sep

美國聯儲局議息會議後公布結果，一如聯儲局深喉、《華爾街日報》記者希爾森拉什(Jon Hilsenrath) 上日所講，聯儲局繼續以「將在相當長時間」（considerable time）維持0至0.25厘超低利率不變」描述利息政策，未有任何加息暗示；此外，儲局也會從10月開始每月再減買債規模100億美元至150億美元。

市場對聯儲局議息結果聲明的著眼點，係會唔會刪除「相當長時間維持超低利率」的語句，如果刪除了這句的話，表示聯儲局會於下年度3月開始加息，保留呢個句用語的話，則最快都會在明年6月以後至會加息。現在保留語句的行為暗示6月後才加息，可以話係無驚無險。

聯儲局預期今年年底失業率為5.4%至5.6%；明年年底為5.4%至5.6%，明年初，失業率已經低過其加息目標門檻，但聯儲局同時調低美國今明兩年的經濟增長預測，今年GDP增長預期由原來的2.1%至2.3%下調至2%至2.2%；明年由3%至3.2%下調至2.6%至3%。反映儲局對未來經濟狀況唔係好有信心。在分析稱，儲局在幾時加息的態度上表現得比較溫和，利好美股。

美股昨日前半段在投資等待聯儲局議息結果，輕微造好，處於橫行狀態，投資者入市態度謹慎，至午後議息結果公布後，美股明顯抽上，杜指一度衝上17221點的歷史新高，但高位未能企穩，摸一摸頂便回落，收市只係微升25點至27257點，標普500指數升3點，重上2000點大關，收報2002點；納指微升9點，收報4562點。

有一點值得注意的是，雖然股市投資者聽到儲局的聲明內仍然聲稱在「相當長時間」內唔會加息，便放心入市，推高美股，但債市、金市投資者睇法就有點唔同，美國10年期國債升上2.62厘，而金價進一步下跌1.4%至每安士1219美元，原因係聯儲局上調明年及後年的利率預測，至明年底，利率的中值預測由1.125厘上調至1.375厘，而後年年底則由2.5厘上調至2.875厘。換句話說，聯儲局或許唔會提早加息，但啟動加息機制後，加息速度將會提高，這可能係造成美股尾市收窄升幅的原因。

外圍方面，除日本以外，中港、亞洲股市，至及歐洲股市造好。恆指表現非常不俗，升240點，結束了連續五個日的跌勢，主因係阿爺向五大行注資5000億元人民幣短期資金救市。阿爺見到近期的經濟數據認真唔掂，8月發電量同工業產值都令人失望，有點怕坐以待斃，泵少少水刺激一下經濟。昨日美國太平洋投資管理公司(Pimco) 下調歐元區、新興四國(巴西、俄羅斯、印度和墨西哥) ，以及中國未來一年的經濟增長預期，歐元區增長預期只有1%，新興四國由原來的3%至5%的大幅降至2%，而中國則由此前預期的6.5%至7.5%增幅區間，下調至6.5%，區間的最低端。看來，中港股市又會受到壓力啦。

另外按上次聯儲局無加息暗示的經驗，美股亦未必直線向好，可能彈一彈後又回，因為加息陰影不去，加上美元和債息咁強，暗示加息大方向不變，對股市有壓力。

陸羽仁

回應 (69)

我要發表

2014/09/20 00:36:25 回覆

Thanks!陸sir!

陸羽仁 2014/09/19 18:58:02 回覆

陸羽仁覆網友

元華:理論上息低時供長啲無壞，息愈高供樓年期應愈短，以免俾貴息，負擔唔起月供金額另計。

Gamesimon:萬科回落不少，可以開始分注買番少少。可能再跌，但又唔怕太大跌。

Buddaau:日圓似乎仲有得跌吓，穿110時差不多，你明年一月才去，可以現在換一半，等佢穿110再換一半。

Little mo:理文公布完業績係咁回，可以持有，跌深啲可以買吓。

135也是一樣，跌深啲可以買。

反而388較貴，現價178.5元，未來可以炒吓滬港通，但之前在185元有雙頂，怕佢再上185元，跟住三頂大回吐。

小貓:蘇格蘭獨立不成無影響。

2014/09/19 11:58:00 回覆

陸Sir

請問2314理文造紙是否仍可持有? 因近來不斷下跌. 持有少量貨, 平均價為$4.5左右. 本來打算持有至年尾, 因估計下半年是用紙旺季.

135近來都是不斷下跌, 入貨位是$11.5, 請問是否仍可安全持有?

388似乎在$178左右企穩, 請問現價可否入?

謝謝指敎.

2014/09/19 10:51:47 回覆

陸SIR: 我準備明年一月尾去日本玩幾日, 請問好唔好依家換定啲YEN, 定等佢再跌下先?

2014/09/19 10:26:02 回覆

陸sir:

現價$14.00入萬科企業, 適合嗎? 好像已經符合你說「但大基金或者大股票，跌了很多，再跌的空間又相對有限。因此，入貨價只要相對地低就夠啦。」依個位都好似比較低了, 不知是否適合候低吸納?

謝謝

2014/09/19 09:18:17 回覆

陸SIR:

小弟供左6年平息樓 (P plan)，係老美加息期之前有咩可以做? 好唔好係加息時拉返長個年期供少D錢呢? 每月比多$2000 都應付到，但好似比息魔硬掘一筆唔係好低咁，謝謝!

KFC 2014/09/19 08:36:24 回覆

炒作鐵路新界西北掀反價潮

大興新屯中啟豐園齊破頂

2014/09/19 06:38:18 回覆

2014-09-18

Dow Jones Industrial Average (^DJI)

17,265.99 109.14(0.64%) 4:31PM EDT

Prev Close:	17,156.85
Open:	17,163.73

Day's Range:	17,163.73 -17,275.37
52wk Range:	14,719.40 -17,275.37

Dow Jones Industrial Average (^DJI)

animal666 2014/09/19 05:49:39 回覆

溫馨提示
2014年09月19日

　　美國聯儲局議息揭盅，局方深喉《華爾街日報》記者希爾森拉什(Jon Hilsenrath) 繼續有料到，佢之前預告聯儲局繼續以「將在相當長時間」(considerable time)維持0至0.25厘超低利率不變」應驗咗，不過，耶倫都唔係乜都無做，因為細看儲局對明年利息中位數預期，就比原先略為提高，暗示咗加息時間會提早或者加息幅度會提高。

　　個市靠滬港通撐住

　　呢個溫馨提示對美股無乜影響，杜指輕微升咗24點收市，到咗香港開市反應就唔同，好快恒指就跌咗落嚟，跟住喺低位浮沉。關於今次儲局結果，我認為唔能夠只睇股市，比較有啟示反而係金價同債價。

　　股市表現同息口有關，同時都受實體經濟所影響，如果息口升經濟好，股市未必會跌，呢個情況喺加息初期好多時都會出現，反而金價同債價，同利率表現關連性極大，你睇美國儲局議息後，金價跌咗落嚟同債價表現唔係咁靚仔，就反映咗市場預期息口會上揚。

　　美息升、美元強，對港股唔係咁好之餘，有金融區老雀話，滬港通仲有一個月多啲就開通，早排個市衝上兩萬五千點後，擺明唔係咁夠力再谷，喺咁嘅環境下唔通任得個市企係度咩！咁不如「隊」番佢落嚟仲好啦。

　　滬港通蓄勢未發，好似一啖真氣含係個肚度，照計點都有啲支撐效果。鄧普頓新興市場執行主席麥樸思就估，「滬港通」推出後，港股的交投料更活躍，推高整體大市成交額。

　　他相信滬港通的發展步伐不會太快，料中國政府會循序漸進地開放該機制，旗下恒常投資組合將會增加A股的配置，睇嚟新安排點都會增加外資對中國市場的注意力。

　　恒指昨日低見24103點，但24100點附近有買盤吸納，大市喘穩後尾市跌勢放緩，似乎開始有啲支持。恒生指數收報24168點，跌207點；國企指數收報10799點，跌93點，成交金額接近702億元。個市調咗咁多，加上儲局消息唔理好醜都已曝光，跟住就等睇有乜消息帶動恒指反彈。

　　德銀指內地太陽能產品需求近兩周回勇，光伏股逆市造好。保利協鑫(3800) 升4.15%，收報3.01元；卡姆丹克(712) 漲2.7%，收報1.52元；信義光能(968) 都彈咗3.46%。

　　由於外資注重咗A股，德銀又發表報告，續唱好內地保險股。佢話，內地各保險公司保費收入不一，當中壽險保費收入上月由按年下跌的41.4%至增長22.9%，其中中國太平(966) 受惠代理銷售強勁，上月保費收入增22.9%，抵銷銀行保險銷售疲弱。

　　新股再度熱鬧

　　德銀對內地財險及壽險業務維持正面，預期財險受惠競爭減少及下半年純利改善，行業首選為太保(2601) 、中國太平及中國財險(2328) ，當中太保資本強勁，中國太平則估值被低估，而財險直接受惠財險業務復甦。

　　新股近日熱鬧番，蚊型股建築業承建商創業集團(2221) 今日掛牌，暗盤市場報0.93元，較招股價0.86元，高8%。該股超額認購396倍。另外，內地租車公司神州租車(699) 暗盤報9.5元，較招股價高12%，該股超額認購201倍。

　　登場招股嘅有內地中廣核美亞(1811) ，今(19日)起公開發售，招股價介乎1.57至1.73元，入場費3494.88元，由於性質都算特別，加上大摩做保薦人，小小哋可以抽吓。

　　陸羽仁

2014/09/19 00:37:41 回覆

Kathleen，have a good weekend! ${#iconb_28}$

2014/09/19 00:36:33 回覆

二打六兄，你講第二點，詳細要慢慢諗 (其實亦唔得閒去搵數據) ，但係簡單啲講，同一樣在西方國家叫政治捐獻的事物，套在發展中國家時會被改稱為貪污。

不過如果中國人覺得自己一套依然可行，不去改進，就有點像新加坡嘅李光耀及馬來西亞的馬哈蒂爾，在90年代中期、亞洲金融風暴前，講埋啲乜嘢 Asian values 如何優越。

----------------------------------------------------------------------------

今日聽完老教授講書講GFC，佢花唔少時間去丙啲主流宏觀經濟學者 (已被中、上級刊物接受發論文)，袋鼠都聽得十分興奮。

有一部份消化完之後，想番起袋鼠過去7年在這裡留言，多次提及中國一味啃美債谷出口 (上星期講軟掛勾都有關係)，以前袋鼠係覺得美國佬可以打通脹稅來賴賬，應該轉形做內需，用自己嘅錢去交易。而家睇番，中國個GDP同七年前講嘢嘅時候，真係超英趕美，咁大嘅經濟體系，仲要靠出口推動增長？死得… 個GDP咁大 (唔好講人均GDP，GDP係咁大就係咁大)，全世界點啃你啲出口呀？而且那三萬幾億美債，有自己7%回報唔投資，走去收人哋1-2%息，投資得好浪費啫！

註，老教授沒有像克魯明咁樣去插中國，佢其實覺得要俾發展中國要俾機會佢哋，在發展初期，容許佢哋進行『商貿主義』mercantilism嘅策略 (集中貿易順差)，以助經濟追上西方發達國家。不過袋鼠認為中國都已經係時候，進入下一個階段了。

2014/09/18 21:52:04 回覆

陸SIR:

蘇格蘭獨立與否,將於今晚決定。很想知道對香港和內地股市的影響...

嗯...我只買工行,中行,1年至5年以內的影響大嗎?

2014/09/18 16:35:22 回覆

TO:buddaau

RE:最唔明白既係呀李支聯話就算有7/8成民意支持袋住先, 佢都會反對? 佢唔係民意代表咩?
-------------
雖然小貓都唔鐘意這位李支聯,但佢既理由係,
當初選民投票的意向,就是要他反對受限制的普選。

他在立法會的那一票,就是為了投票選他的人而投的,
這也是民主選舉的原意,
所以他貫徹自己的競選承諾,又是可以理解的。

2014/09/18 16:30:42 回覆

動物兄VS將軍...ROUND 1

${#iconb_3128}$

高手過招..........精彩 ${#iconb_354}$

2014/09/18 16:26:49 回覆

猛 ${#icono_66}$ : TC

子龍 (kaka就是大叔的契哥) 2014/09/18 16:18:24 回覆

Bro Animal: Actually, I am really a poor guy. I know nothing but speculation. I do what I thought. Fat bull is not the only reason for making the market downwards. The game starts now.....

2014/09/18 16:05:43 回覆

TO:twohitsix

RE:

[純學術問題]

1. 有人話佔中運動比叫公民提名既學生激進派騎劫左, 但又話推學生送死打頭陣. 咁原則上如果學生騎劫主導左, 就係自願打頭陣而非被人推出去. 如果公提激進派冇騎劫, 咁即係中央話冇溫和派去傾不是事實. 咁究竟即係點?

2. 原則上, 要論證"英美民主模式會制造金權政治, 中國模式雖有貪污但依然較優". 應要舉出中國模式"為何不會"制造金權政治? 事實上, 如果金權政治的意思是指有錢人利用錢財去影響政府政策傾向他們一方, 則直接搞貪污似乎更快更方便. 若無二方相關數字佐證, 似乎只會流於各說各話.

--------

1.公提激進派有冇騎劫佔中,能否代表有冇溫和派去同中央傾,兩者有沒有必然關係呢?以旁觀者角度睇,是不確定。

2.中國肯定也有金權政治,就算是封建王朝,也有以"糧食本位""土地本位"來作的利益交換,
這是全球人類有了剩餘勞力累積的財富之後,幾千年以來不變的法則。

現在問題是香港人有沒有必要以犧牲現有的幸福為代價,去革命。
而付出高昂代價後是否能物有所值,又不能確定。
面對不能確定的回報,有些人選擇賭上自己和孩子的未來,也就算了,這是自由所容許的;
但這些人中的許多人强逼別人也要和他一起賭下去,强逼落注,這就是不道德的了,也是反正義的。
不道德的鼓吹者,聲稱本身是為正義而戰,就是欺騙,是騙子。
當然,正反雙方都很可能做緊同樣的事情。

所以我常常問,香港人在爭取什麽呢?千辛萬苦,不擇手段,貪污受賄,
犯法犧牲別人的利益,要爬出一個坑,好讓自己掉进另一個坑嗎?

animal666 2014/09/18 16:04:56 回覆

Bro.

子龍

...

I know you are so rich...

But no need to hate the money...and throw them into the sea...

All know big friends will eat the HSI 238 bulls sooner or later...

SIGH...

2014/09/18 16:03:02 回覆

陸SIR;各位師兄師姐午安.

二打六兄: ''金權政治''絶大多数捉不到証据...

貪污很容易要入牢的... ${#icons_dog9}$

子龍 (kaka就是大叔的契哥) 2014/09/18 15:59:11 回覆

狂 ${#icono_86}$ : 子龍

猛 ${#icono_66}$ : 動物兄

子龍不出, 誰與爭瘋???

2014/09/18 15:55:28 回覆

唔好呀... ${#iconb_252}$

animal666 2014/09/18 15:54:43 回覆

Bro.

子龍

...

The HSI 238 bulls are so fat now...

They need to die for sure...

SIGH...

2014/09/18 15:53:54 回覆

後抽? ${#iconb_626}$

子龍 (kaka就是大叔的契哥) 2014/09/18 15:27:01 回覆

沽幾多, 接幾多..... ${#icono_4}$

2014/09/18 15:23:15 回覆

動物兄VS將軍...ROUND 1

${#iconb_3128}$

子龍 (kaka就是大叔的契哥) 2014/09/18 14:57:38 回覆

噢....原來動物兄的目標是238??? 想子龍大敗而回??? ${#iconb_233}$

子龍大軍聽命, 準備與動物兄決一死戰.... ${#icono_4}$

大戶終結者 ( 等人齊 ) 2014/09/18 14:54:49 回覆

動物兄要破240嗎？ ${#iconb_374}$

2014/09/18 14:47:20 回覆

重插緊，好正～

2014/09/18 14:40:59 回覆

動物兄勁！

子龍 (kaka就是大叔的契哥) 2014/09/18 14:27:45 回覆

動物兄: 輕輕鬆鬆....就汁--->600K. 這可能是一個管理層一年的工資呢. ${#iconb_626}$

2014/09/18 14:19:13 回覆

TO:buddaau

RE:依家有一個好奇怪既邏輯... 我要啲野你唔俾我, 我就搞散我自己個檔攤黎迫你, 咁都得既咩?

-------
我覺得...呢種做法向香港其實都好普遍。情侶之間常有,孩子也常有(做父母的都懂...),在職場上更常見,
好似聽過有調查顯示,過半精英僱員都曾以辭職來威脅更好待遇,而且好大部份都獲得挽留並得到待遇提升。
即使好多分析都批評這種做法,長遠而言對打工仔不利,但大多數人仍然樂於嘗試。
打工仔如果為公司做成生意,令公司賺到1000萬,就會有認為自己值1000萬,然後想自己開公司。
當開左新公司,先發現自己之前能簽得成1000萬生意,唔係因為自己的實力,
而是因為自己是舊公司的代表而已,自己本身沒這個價值。

香港人好多都以為自己的付出,值現在的工資,值現在的世界資源使用比例,所以才想到要逼中央讓步...
實際上,我覺得香港是中國賺錢的城市,如同枝子連於葡萄樹,能結出豐滿的果子,若枝子離開葡萄樹,就不能作什麽,
對枝子,對樹都是損失。

animal666 2014/09/18 14:11:19 回覆

$600k...

${#icons_dog8}$ ${#icons_cat8}$