阿里上市大贏家

2014/09/19 08:01:15 網誌分類: 經濟

19 Sep

聯儲局在議息會議後，表示將在「相當長時間」（considerable time）內都唔會加息，安撫了投資者對提早加息的憂慮，猶如給美股打了支強心針。美股昨日走勢凌厲，杜指及標普500指數齊創歷史收市新高，杜指升109點，收報17266點；標普500指數漲10點，收2011點；納指收市升31點，造4593點。

美國昨日出爐的經濟數據，繼續時好時壞，對上一周首資申請失業金人數下降3.6萬人至28萬人，好過預期且創了2月新低，但房地產市場卻唔得，8月新屋開建量由上月的高位回落14.4%至年化玄95.6萬幢，低過市場預期，也明顯低於上月的112萬幢，這是2007年底以來最高紀錄。Baker Avenue資産管理公司首席投資官King Lip指出，好壞不一的經濟數據，反映美國經濟仍在緩慢復甦。進一步引證聯儲局未係時候加息的聲明，提振了市場的投資信心。他認為「從目前睇，由於股市估值未係好高，最好的投資品種依然是股票。」

此外，阿爺意外地出手救經濟，又進一步利好市場情緒。中國央行繼向國內五大行泵水5000億元之後，昨日又意外地宣布將14天期正回購利率下調了20個基點至3.5%，阿爺於一個星期內連出兩招去泵水救市，顯示阿爺對中國經濟的疲軟表現，越來越擔心。阿爺要刺激經濟，對股市而言，自然係好消息。中港股又會有番啲支持啦。

阿里巴巴今晚在美國首日排牌，據聞上市訂價為68美元，係上調咗的定價區間66美元至68美元嘅上限，此前係60美元至66美元，如無意外的話，阿里集資規模達到217.7億美元，係全球最大規模的首次上市集資（IPO）活動，（第二大及第三大都係銀行，分別係2010年7月上市的ABC銀行，集資192.3億美元，同2006年6月的ICBC銀行，集資190.9億美元，兩家銀行都在香港同上海上市）阿里公司市值亦將達到1676.2億美元。

美股昨日造好，有分析指出其中一個原因有基金大戶此前留了大量現金預準認購阿里新股，但買唔到咁多，於是將資金擲番落股市。在阿里效應帶動下，Facebook及ebay齊齊造好，分別升0.8%及1.4%，擁有24%阿里股權的雅虎則逆市回落1.2%至42.085美元，估計係此前升得太多，依家出現回吐。市傳雅虎將於阿里上市當日沽出其持有的阿里股權27%，將股權比例降至16%。

阿里上市，雅虎股東最開心。由阿里宣布上市開始，雅虎股價至昨日已經勁升了31%，依家仲趁住著阿里股價灸手可熱的時候先行沽出27%，一於食咗糊先。由於仍有16%的阿里股權在手，仲可以繼續分享阿里往後嘅業務成果。據券商B. Riley的分析師估計，單係呢部份的交易，雅虎已經執到稅後盈利60億美元。雅虎嘅CEO已經講明會將呢60億元當紅利分俾股東，有咁正嘅紅利分，又吸引更多人買雅虎股票，雅虎可以講係阿里上市嘅大贏家。

陸羽仁

回應 (51)

我要發表

2014/09/22 10:05:29 回覆

動物兄&TC: CHEERS... ${#iconb_524}$

animal666 2014/09/22 09:37:26 回覆

恒生指數期貨(九月)日市...

${#icons_dog8}$ ${#icons_cat8}$

animal666 2014/09/22 09:36:57 回覆

恒生指數期貨(九月)日市...

${#icons_dog8}$ ${#icons_cat8}$

animal666 2014/09/22 09:30:27 回覆

750k...

${#icons_dog8}$ ${#icons_cat8}$

2014/09/22 09:26:26 回覆

插吧...

animal666 2014/09/22 09:26:07 回覆

恒生指數期貨(九月)日市...

${#icons_dog8}$ ${#icons_cat8}$

子龍 (kaka就是大叔的契哥) 2014/09/22 09:05:33 回覆

馬雲說: 無論乜嘢變，你仍然是你, 唔...呢句值得回味..... ${#iconb_218}$

KFC 2014/09/22 08:41:10 回覆

MoneyHero 捕捉格價心態

一條龍式比較金融服務

【明報專訊】香港首個金融格價網站MoneyHero，概念偷師歐洲同類網站MoneySuperMarket。從愛爾蘭殺入香港的創辦人Alister Musgrave說，網上比較金融服務在歐洲已經相當成熟，香港作為金融中心卻未有格價網站，遂看好MoneyHero可填補市場空白。Musgrave投行出身，懂得捉投資者心理，而MoneyHero整個計劃由賺錢模式、成本控制到其他部署均有清晰規劃，加上團隊有經驗，成功取得投資者信賴，短短1年已吸引300萬美元(約2,340萬港元)的天使投資。MoneyHero現時有15萬用戶，目標是到今年底做到100萬用戶。

在香港，你是否會常常面對一大堆五花八門的信用卡而患上「選擇困難癥」，MoneyHero則可以解決這一難題。MoneyHero與銀行合作，蒐集了本港超過50張信用卡，從飛行里數到現金回贈的全方位「著數」資訊，消費者可以在此篩選出最適合自己的一張。除信用卡，MoneyHero還提供貸款、醫療保險等各類與生活息息相關的金融產品比較。

MoneyHero網址：http://www.moneyhero.com.hk/

animal666 2014/09/22 05:07:14 回覆

Marketing為王
2014年09月22日

　　阿里巴巴上周五在美國上市，定價68美元，第一手開賣已經跳升至92.7美元，之後全日企於90美元上方，收市報93.89美元，比招股價高38%。從香港股民角度看，無得炒阿里巴巴，覺得走寶。

　　阿里巴巴原本打算在香港上市，大家就可以玩吓炒作遊戲，搵番三茶兩飯。不過陸羽仁與好多資深股民傾過，大家對阿里巴巴嘅老闆馬雲印象麻麻，認為呢條友永無益人。阿里巴巴部份業務曾在香港上市，後來股價表現唔好就退市走人，股民對佢自然無乜好印象。

　　大吹客戶為先

　　無論如何，馬雲可以搞出全球二十大之一的上市公司，自有其成功秘方，其中的關鍵係Marketing(市場推廣)。阿里巴巴在紐交所上市的敲鐘儀式，馬雲沒有企出來。鏡頭所見，敲鐘台上有8人，有男有女，而且女性較多，當中還不乏美女。馬雲話他們都是淘寶天貓開店的客戶，讓他們親自敲鐘，正正代表了馬雲的經營哲學：客戶第一，僱員第二，股東第三咁話。

　　這就是Marketing啦！明明係公司上市，按道理應該以股東利益為主，馬雲就玩有型，話要客戶排第一。當然，他心知肚明，由於阿里巴巴的上市定價克制，買阿里巴巴股票，有賺無賠，股東非常滿意，自然沒有再講討好股東說話的需要。馬雲呢個時候話客戶第一，還身體力行，大玩唔出席上市現場這個遊戲，將敲鐘咁威水的儀式讓畀客戶，其Marketing的手段不可謂不高。

　　這還不止，他作為一個美國夢的中國版，人人羨慕。他接受美國的電視台訪問，主持人問他心目中的英雄是誰。他說是阿甘(Forrest Gump)。在電影《阿甘正傳》中，阿甘話「人生如一盒朱古力，你永遠也不會知道你將拿到甚麼。」(Life was like a box of chocolates. You never know what you're gonna get.)馬雲話他每次沮喪，都再睇呢套戲，記住「無論乜嘢變，你仍然是你」。

　　扮阿甘食老虎　

　　馬雲說話可以講成咁，你話係唔係「高」呢？馬雲沒有說他的偶像是股神巴菲特，或者是微軟老闆蓋茲，而係阿甘，我覺得他已多多少少吃透了美國文化，小人物當道。他以阿甘自居，好明顯玩緊「扮阿甘食老虎」嘅遊戲，諗住食美國股民一鑊啦。看完馬雲這些上市小動作，我覺得他是一個天生Marketing高手，所以才能由一名導遊，變成超級巨企的老闆。　

　　以阿里巴巴首日收市價計算，市值達到2310億美元，已經超過facebook的2000億美元市值，亦成為全球二十大企業之一。如果兌換成港紙，阿里巴巴市值1.79萬億元，比騰訊(700) 的市值1.17萬億元，高53%。馬雲持有的支付寶現時還未上市，如果支付寶的估值有700億美元，阿里巴巴加支付寶的總市值就係騰訊的一倍。阿里巴巴及騰訊都是中國非常有概念而且強勁的公司，兩間公司的核心領域業務，在中國都是非常壟斷的，都一樣好有潛質。要準確地計算這類公司的合理市盈率(PE)及市值會比較困難，概括地估計，阿里巴巴及騰訊的規模及市值，應該相去不遠。阿里巴巴在美國上市後的市值，加上支付寶，居然比騰訊高咁多，比較合理的解釋，係美國科網股市場比香港熱很多。

　　科網股仲輸五六成

　　由於阿里巴巴上市，上周五港股也炒炒科網股，騰訊收報125.2元，升1.87%。其他科網股神州數字(8255) 收報1.61元，大升24.8%；IGG(8002) 收報4.67元，升7.36%。表面睇，好正呀。不過，大家真係要捽捽眼睇清楚啦，騰訊其實已經算係不錯了，只比8月高位134元低6.6%。大家不要見到神州數字上周五勁升25%，就以為呢隻股好得，其實這個價位仍比高位大跌61%！IGG也較高位插了超過57%，即使是比較大隻科技股好似金山軟件(3888) ，都插咗好多，較年內高位低38%！大家只要將鏡頭拉闊一點，本地的科網股，基本上是一齣齣慘劇。

　　我此前都講過，香港股市未到大好的時候。與美股本質不同，美股是大牛市，股價一路反覆向上，港股只屬上落市，即使有滬港通，也未到大牛市。在上落市中，資金在輪流炒不同板塊，去年炒科網股和濠賭股，今年，已經轉走晒去炒第二味，例如地產股。如果你一本通書睇到老，還在炒去年當旺嘅科網股，隨時輸到命都無。

　　唔好見阿里巴巴得，又走去炒科技股，香港科技股唔當炒。你問如果上星期買了科網股，點算？我建議你執到水的話，見好就收啦。通常大股上市，上完市後，當地市場的亢奮度都會減低。香港科網股市場基本上好冷，如果你睇完周末的報紙，以為科技股有得炒，跟人炒，科網股反彈一下，過一排又會跌番落嚟，變番地底泥。

　　水多炒吓新股

　　那麼，香港現在有乜好炒？我覺得其中一樣係炒新股。上星期，中國最大租車股神州租車(699) 首日掛牌，股價急升近三成，買中一手都執到2460元，係今年第二賺錢嘅新股，僅比年初上市的MAGNUM(2080) 少賺220元。神州租車是否真係咁勁？唔知道。但現時市道好，炒炒新股還可以。

　　另一隻新股中廣核美亞(1811) 即將上市，首日招股已錄得逾百倍超購，好多中小型證券行借爆孖展。無論係神州租車也好、中廣核美亞也好，都有些概念，前者有租車概念，後者係唯一的核電股概念，估計上市都可以炒作一番。不過，大家切記，不要與這些股票做人世，如果上市「嘭嘭」聲升咗上去，我覺得你都要小心，都要搵位落車。嚟緊嘅10月，有滬港通，所以新股仍可以炒吓，在市場熱的時候買咗新股，賺咗錢唔走，到市場變冷的時候，就夾住走唔甩啦。

　　陸羽仁

子龍 (kaka就是大叔的契哥) 2014/09/20 09:50:00 回覆

陸sir師兄師姐早晨. 又是晴朗的一天呢.

巴巴上市都瘋了, 100美元. 但ADR大跌, 又到轉倉期...... ${#iconb_374}$

KFC 2014/09/20 09:45:53 回覆

應該是因為阿里巴巴上市吧！

2014/09/20 09:37:03 回覆

早呀各位~

想問下有冇人知點解昨晚美股咁大成交？

2014/09/20 06:17:10 回覆

2014-09-19

Dow Jones Industrial Average (^DJI)

17,279.74 13.75(0.08%) 4:36PM EDT

Prev Close:	17,265.99
Open:	17,267.21

Day's Range:	17,257.46 -17,350.64
52wk Range:	14,719.40 -17,350.64

Dow Jones Industrial Average (^DJI)

animal666 2014/09/19 22:38:42 回覆

IG market...

${#icons_dog8}$ ${#icons_cat8}$

animal666 2014/09/19 22:38:11 回覆

恒生指數期貨(九月)夜市...

${#icons_dog8}$ ${#icons_cat8}$

2014/09/19 22:03:38 回覆

TO:袋鼠

RE:長線分析，不論是股評作家、經濟決策者、定係經濟學者，仲睇出口去帶動中國經濟發展，係講癈話、原地踏步、浪費資源。

----------------------

完全認同。

記得10年前在上海睇"參考消息"時,都好多文章批評高耗損,高污染,低增值出口帶動中國經濟發展不能長久。

更甚者,美國再强逼人民幣升值,令中國高昂代價換取的美元貶值,令中國以美元結算的貿易回報再打折,以此獲得中國的廉價資源和生產力。

所以若有人仍然以出口帶動中國經濟發展,作為未來主要方向的話,根本是"完全唔上心"而且不負責任的隨口說說。

中國現在的情況是相當不容易的,一走錯方向,隨時就如外國"睇死"中國般陷入硬著陸的衰退。

P.S.(向佔中支持者說的)

香港普選或者佔中,只是小問題。

真的不想做代表中國窗口呢個崗位,有其他人可以做。

雖然香港人經驗最豐富,最老資格,能力也最好;

但要求也最高,待遇也最好,驕傲無禮貌。

香港是中國經濟發展最好的選擇,但不是唯一,香港人別太自大了。

大戶終結者 ( 等人齊 ) 2014/09/19 20:35:59 回覆

食夠

陸羽仁

2014/09/19 19:54:59 回覆

小貓兄，袋鼠昨晚留言，第一段係回二兄，有點政治含意；但跟住幾段，係聽完老教授講堂，袋鼠對中國發展模式批評… 或最起碼可以話，如果長線分析，不論是股評作家、經濟決策者、定係經濟學者，仲睇出口去帶動中國經濟發展，係講癈話、原地踏步、浪費資源。袋鼠是以經濟為出發點思考，是否有你提到嘅其他層面（政治？），袋鼠未諗住。

animal666 2014/09/19 19:53:51 回覆

恒生指數期貨(九月)夜市...

${#icons_dog8}$ ${#icons_cat8}$

animal666 2014/09/19 19:32:01 回覆

IG market...

${#icons_dog8}$ ${#icons_cat8}$

animal666 2014/09/19 18:45:14 回覆

Coolpad 早晨之星...

SIGH...

子龍 (kaka就是大叔的契哥) 2014/09/19 16:52:31 回覆

叮噹....全日大市升1舊. 又到星期五啦 ${#iconb_269}$

神珠妹: 噢...投機者的宿命是破產, 不好隨便跟人上車, 地球是很危險呢. 投機者必須要有個人風格, 要有個人適合的系統, 不一定是電腦化, 但必須是簡單而有效, 學習接受股份的波動性, 要遠離群眾, 但又要留意群眾的情緒呢.

animal666 2014/09/19 16:13:55 回覆

中原城市領先指數 CCL

日期	中原城市領先指數 CCL (所有成份屋苑)
2014/09/08 - 2014/09/14	126.80
2014/09/01 - 2014/09/07	126.14
2014/08/25 - 2014/08/31	126.94
2014/08/18 - 2014/08/24	126.20
2014/08/11 - 2014/08/17	125.31
2014/08/04 - 2014/08/10	125.66
2014/07/28 - 2014/08/03	124.00
2014/07/21 - 2014/07/27	123.54
2014/07/14 - 2014/07/20	123.20
2014/07/07 - 2014/07/13	123.36
2014/06/30 - 2014/07/06	123.35

2018...

SIGH...

2014/09/19 16:04:18 回覆

TO:袋鼠

RE:不過如果中國人覺得自己一套依然可行，不去改進....
-----
我覺得中國一直改進緊波~如果有去開內地的人,可以好明顯感受到,唔係單單城市發展同國際外交影響力,仲有人民素質,人民生活水準,公安執法,資訊自由,全部都明顯地改善緊。
係~依家中國仍然唔及格,但唔可以否定佢成績進步緊。

-----------------------

RE:
中國一味啃美債谷出口 (上星期講軟掛勾都有關係)，以前袋鼠係覺得美國佬可以打通脹稅來賴賬，應該轉形做內需，用自己嘅錢去交易。而家睇番，中國個GDP同七年前講嘢嘅時候，真係超英趕美，咁大嘅經濟體系，仲要靠出口推動增長？死得… 個GDP咁大 (唔好講人均GDP，GDP係咁大就係咁大)，全世界點啃你啲出口呀？而且那三萬幾億美債，有自己7%回報唔投資，走去收人哋1-2%息，投資得好浪費啫！
--------
我想中國與美國之間的貿易關係,唔係單以盈利方面去考慮,可能更多在外交關係和大國間影響力上考慮,當中會唔會有雙方領導群體的個人經濟利益也不足為奇。(只有中國人才貪污嗎?)

但表面上看,中國因擁有龐大美國資產,而使雙方某程度上禍福與共,減少美方對中國的猜疑,增進雙方的互信基礎,對中美以致全球和平穩定有正面作用。

------
P.S.
您都話"中國個GDP咁大 (唔好講人均GDP，GDP係咁大就係咁大)，全世界點啃你啲出口呀?"

如果中國真係完全用英美自由市場模式來發展,行得通嗎?
香港奶粉只係小事,中國真係由佢自由市場發泡起來,全球糧食需求都會受影響。

當全中國人的平等意識都覺醒時,香港以致全世界啃唔啃得落先?
當全中國人覺醒都要爭取分享全世界的資源時,全世界準備好未呢?
當全中國人"示威罷工,要求加薪,加福利,關閉堆填區",香港以致全世界準備好未呢?

民主覺醒意味著爭取平等的生活和權利,何不食肉糜容易講,但如何實現呢?

天下沒有免費的肉糜,總有人要付出代價,
除非全球生產力能追得上中國人追求平等的胃口,否則就必須由食得好D既已發展地區人民餐桌上爭取,
民主就是容許爭取,香港以致美國準備好和中國十三億人口爭生活質素未呢?

*討論歸討論,莫傷和氣*

2014/09/19 15:57:11 回覆

花姐: 地溝油國好多野食，特別美味 ${#icons_dog5}$

花姐無你導航我無咩方向! 好耐無買野，依家只得8婆最省鏡，其他都唔多靚....... ${#iconb_235}$

將軍: 你哋個個都好犀利 ${#icono0_45}$ ，真係上少嚟睇少半眼都好蝕底, 成日都跟唔切..... ${#icono0_6}$

花姐 2014/09/19 15:35:28 回覆

神珠妹去了地溝油國幾日

你汁好多喇 ${#icons_girl2}$

子龍 (kaka就是大叔的契哥) 2014/09/19 15:19:45 回覆

神珠妹: 騎騎...汁少少咁啦, 比起動物兄的600k, 只是皮毛而矣. buddaau才是真犀利呢, 佢隻大飛機又創新高...... ${#iconb_289}$

2014/09/19 15:10:21 回覆

各位午安 ${#iconb_25}$

花姐: 咁耐無見去咗遊埠呀？

將軍: 真犀利! 又執幾多皮 ${#iconb_283}$

2014/09/19 15:07:25 回覆

陸Sir ,

小弟自07年便一直睇你的綱誌,專欄, 那時候先27,28歲.仲有出差去沈陽的長途睇哂你的新作(對賭) 你的文章對我幫助非常大. 現在小弟己經快35了......時光飛逝哈哈.

幸運地小弟以前努力工作,多saving 少消費. 10年買了樓,有小康之家有1女兒.

最近大市升沽出左有吾少利潤既902. 現在煩腦中買乜股保值. 以下是我睇哂所有業績心水. 小弟年初4蚊入在2357 , Thank you!!!

242 信德

386 中石化

135 昆侖

有建議?

如果下次有綱聚會可預小弟嗎?

animal666 2014/09/19 15:01:07 回覆

恒生指數期貨(九月)日市...

${#icons_dog5}$ ${#icons_cat5}$

子龍 (kaka就是大叔的契哥) 2014/09/19 14:33:24 回覆

花姐: 是的, 投機者必須學習接受波動, 沒有股份只升不跌, 回調一刻, 就是考驗投機者的功夫, 教不來, 只能個人不斷試驗呢.

2014/09/19 14:28:00 回覆

${#iconb_67}$

花姐 2014/09/19 14:24:07 回覆

子龍心清眼明手快就執多些

判斷形勢是成敗之道

接受波動好重要經常被振走

子龍 (kaka就是大叔的契哥) 2014/09/19 14:16:00 回覆

花姐: 噢...市場只是人為的賭局. 想盈利必須接受波動, 要看出其中的變化, 不斷的反思. 然后才作出行動呢.

花姐 2014/09/19 14:10:34 回覆

子龍賺就離場輸就認命 ${#iconb_273}$

子龍 (kaka就是大叔的契哥) 2014/09/19 13:55:30 回覆

花姐也來助陣??? ${#iconb_210}$

再汁多舊. 離場觀望. 虧損是虛幻的, 盈利才是實在的. ${#icono0_2}$

花姐 2014/09/19 13:34:25 回覆

炫彩凤凰大图点击还原又起飛

大飛機加油

KFC 2014/09/19 13:29:29 回覆

《大行報告》花旗首予酷派(02369.HK)「中性」評級目標價1.54元 2014/09/18

花旗發表報告指，酷派(02369.HK) 2010-14年受惠於內地智能手機的強勁增長，不過，該行預料其2015/16年盈利將下降，因不少廠商(包括酷派)均計劃在今年下半年推出低價4G手機，此將令酷派的利潤率受壓。此外，智能手機的網上銷售渠道激增，將攤薄酷派的利潤率。長遠而言，該行認為上行空間將來自其服務/軟件領域，但集團需時實現上述業務之潛力，因此首予「中性」評級，目標價1.54元。