翁靜晶谷氣 揭戴耀廷往事

港大法律學院副教授戴耀廷提出「佔領中環」，忽然做咗民運大旗手，可以話一夜成名。      

人出咗名自然是非多，巴辣律師翁靜晶早前就喺facebook講咗一單同賓利哥（戴之洋名）有關嘅往事。

晶姐講，當年佢讀法律，賓利哥係教佢憲法嘅老師之一（仲有陳文敏）。學期之初，老師同學生講，鼓勵大家用不同角度、不同聲音去分析，只要有足夠論證及法律基礎支持，即使學生政見同老師唔同，亦唔影響分數。

但晶姐在模擬考試中，對《人權法》提出論點，力數英國人偽民主，以及撤出殖民地時種種「例行破壞」，結果成績只得個「C」，而其他科都攞「A」。

到正式考試時，晶姐又再寫憲法論證，呢次就改變咗「立場」，猛讚美國同英國，狠批中國，最後就攞咗個「A」。成績公布後，老師仲致電向佢祝賀，佢話至今仍覺慚愧。

晶姐冇講明畀分嗰位老師係咪賓利哥，亦可能幾個先生一齊畀分，總之證明分數高低同老師政治立場有關。

翁靜晶讀法律時，戴耀廷教過佢憲法，當年一段往事，令佢覺得教授政治立場影響畀分。

     翁靜晶谷氣 揭戴耀廷往事

    http://eastweek.my-magazine.me/?aid=25535