刁難物語

相信大家都可能有過呢類經驗, 不知從何處得來一D食肆優待券, 通常都係細細張（似戲飛）, 後面寫滿密密麻麻的規條, 通常放在衫袋, 好易失去, 或者洗衫洗到爛晒ｏ

好了, 到了真的用呢D優待券,, 試過遞俾待應, 第一時間被拒, 點解？先----生（拖一拖腔先ｏ）今日星期五唔用得, 寫明星期一至四適用嫁！（嘩！大姐, D字仔咁死細, 我又老花加白內障！點睇倒呀？事己至此, 只好冇優待都食餐啦！唔通起身走人咁死瘀咩？）

又試過星期一至四, 撥冗再來, 施施然點菜, 大擦一頓, 享受抵食優惠！到埋單, 又被拒！今次的理由是冇在點菜前出示（細字有寫明！）冇得傾！又冇得優惠！

哈, 谷住度氣, 再去已經是心存斗氣了ｏ一去到點菜, 出示優待券, 當然冇忘記拜一至拜四啦！大擦一頓, 到埋單, 施施然取出AE咭, 仲係金果隻！（一咭旁身, 世界通行！）仲唔威威！誰知待應小姐又話, 要VISA！ VISA都有, 仲係白金果隻, 死未！誰知待應小姐又話, 要….痕身銀行…..至得, 乜你冇留意D細字咩？

唉吔吔！大食英雄都被佢吹到漲………..牙（收合）！

如此這般, 始終都用𣎴到D優惠券,, 魔鬼就在券後細則, 信焉！