陸羽仁
陸羽仁
陸羽仁

全球衰退壓力

2014/10/08 09:47:05 網誌分類: 經濟
08 Oct

美股又插。投資者面臨美企業績公佈潮,已經顯得非常緊張,撞啱國基會(IMF)下調全球經濟增長預期,又警告股市已經出現「泡沫」跡象。而德國8月工業生產較上月大幅倒退,遠差過市場預期,跌幅更係接近6年最大。投資者即時腳軟,股價大插。

美國股市恐懼指標跳升11%至17.2%嘅近8個月以來新高。美股昨日大幅下跌,走勢亦好肉酸,低開低走,三大指數跌幅都超過1.5%!杜指以全日最低位收市,勁跌273點至16719點;標普500指數跌30點,收報1935點;納指插70點,收報4385點。值得留意嘅係標普500指數跌穿100天移動均線,是短期動能轉弱的信號。

上文提過美元轉強,對業務偏重於海外的美企收益影響甚大,剛好美企開始派第三季度成績表,市場已經緊張兮兮,依家見到國基會大幅下調歐元區、俄羅斯、中東和日本的經濟展望。

國基會又話,受這些經濟疲弱地區拖累,由三個月前預期的全球增長3.4%調低到3.3%,而明年的經濟增長預期亦由4%下跌至3.8%。事實上,國基會今年已經係第三次下調全球經濟成長預期。全世界經濟唔得,跨國企業經營比較困難,即使賺到錢,又俾不斷轉強嘅美元匯價上升侵蝕晒, 美企在雙重打擊之下,好難有運行啦,投資者見形態咁不利,仲唔腳底抹油?

杜指跌得最甘嘅係全球最大重型建築器械生產商Caterpillar,跌約3%。同經濟成長息息相關的景氣類股跌得最多,工業股挫2.4%,金融股及原材料股齊跌1.8%。

國基會認為,歐元區在未來6個月有30%的可能性陷入衰退。不過,又唔認為所有歐洲國家經濟都咁弱,國基會指出歐洲正在經歷「速度不一的復蘇」,唔係所有歐洲國家都唔得,當中特別睇淡德國、法國同意大利的經濟增長,預期英國經濟將繼續強勁增長,維持今年3.2%的增長率及明年2.7%的增長率。至於中國,國基會的預期與三個月前一樣,中國今年經濟增速預期7.4%,與阿爺目標差唔多,明年為7.1%。

相比之下,國基會特別睇好美國經濟前景,大幅調升美國今年的經濟增長預期,從0.5%增至2.2%。有分析指,美股昨日大跌,VIX指數升到17.2,已接近市場認為超賣的水平,加上美國經濟基調仍然唔錯,美股又可以頂得下,估計跌得咁上下,又會彈番上去。

港股反彈浪中,美股一跌未必打得沉,仲可以反覆反彈或横行一段,然後再試底。

陸羽仁

回應 (32)
我要發表
子龍 (kaka就是大叔的契哥)
子龍 (kaka就是大叔的契哥) 2014/10/09 09:01:11 回覆

碌架床, 有意思....... {#iconb_268}

Noble prize for HK guy, so interesting..... {#iconb_272}

 KFC
KFC 2014/10/09 08:55:25 回覆
陸羽仁
陸羽仁 2014/10/09 08:47:00 回覆

陸羽仁覆網友

Fun Manager:你問「現在A股創新高,為甚麽南方A50那些ETF的形態是向下走的?是否代表ETF追蹤了50隻衰股?

 

南方A50基金2823的形態也不是完全向下走,只是高位回多少少,原因第一,A50等超大股走勢弱於內地大市,以滬深300指數基金如2827計,走勢就強過2823,即係300隻股的基金強過50隻股的基金。第二是香港個市仲係較弱,令呢啲大陸指數基金溢價收窄。

大戶終結者 ( 等人齊 )
大戶終結者 ( 等人齊 ) 2014/10/09 08:07:26 回覆

前主席大人話現在是多頭!  

animal666
animal666 2014/10/09 05:25:47 回覆

IG market...

{#icons_dog5} {#icons_cat5}

 

animal666
animal666 2014/10/09 05:15:01 回覆

超級富豪搞媒體
2014年10月09日

  佔中事態發展等緊班學生同政府開會,警方同示威人士乘機唞唞氣,有人索性喺旺角街頭開張牀休息。市場焦點由街頭抗爭轉返去經濟層面,可惜焦點轉移唔等於情況有所改善。美國息口向上,大家有啲驚全球火車頭會受利率向上影響而開慢咗,國基會仲調低全球經濟增長預測。

  外圍前景麻麻,本地情況仲「弱雞」,今年黃金周假期,零售業注定開倒車。有行內人講,在十.一黄金周期間,銅鑼灣、旺角旅遊區被人佔領,部份商戶做唔到生意,有蟹店少東激動到衝入人群,搞到被一名女示威者話佢非禮,雖然係咁,但人流唔去佔領區,唔代表無買嘢,佢哋只係去咗尖東、沙田購物,所以佔中的直接影響無想像中咁大。

  真正令人擔心嘅係,佔中發生後,多個國家先後對香港發出咗旅遊警告,加上從外國電視所看到放催激煙同堵塞馬路的鏡頭,唔知會唔會影響旅客外遊香港的意欲,加上有消息話國家旅遊局開始停批香港團簽注,未來本港旅遊零售業所受的影響,先會慢慢浮現。

  A股托住 港股跌得少

  零售業人士唉聲歎氣,其實本地生意難做,唔係10月先開始,唔可以賴晒佔中,𠵱家只不過多番個理由解釋啫。

  佔中影響力視乎會否爆大鑊,若然有暴亂同鎮壓,又或者出現持續性野貓式抗爭就好麻煩,呢類影響對香港係比較深遠,短期反而係內地經濟同政策,加上美元美息走勢,更加直接左右港股去向。

  撇除本地政治因素,你睇美股近日都一樣有好消息見盡,升勢無以為繼的現象,杜指喺一萬七千點穿梭上落多次,始終無法擺脫阻力,反映資金喺呢個水平十分觀望,單講全球因素,都睇唔到港股可以大升。

  不過,如果10月份滬港通真係落實得到,對內地A股帶動會較為有力,之後先輪到港股,因此個市跌到𠵱家,有條件進入反彈運行,喺呢個水平反覆上落,等大家炒吓股仔同冷門股過日辰。昨日就有堆彩票股發威,華彩(1371) 股價及相關新聞 收報0.8元,升咗12.7%;御泰中彩(555) 股價及相關新聞 報0.81元,揚3.85%。

  國際貨幣基金組織(IMF)第三次下調全球經濟增長預測,杜指上日急瀉272點。好彩內地股市於國慶長假後紅盤高收,恒生指數急跌逾兩百點後跌勢放緩,最終仍守在250天線(23176點)之上,收報23263點,跌159點;國企指數收報10395點,跌73點,成交金額跌至651億元。

  多間大行仍睇淡澳門博彩收入前景,濠賭股彈完再散,金沙(1928) 股價及相關新聞 收報42.15元,挫1.1元或2.54%;銀河娛樂(027) 股價及相關新聞 降1.3元或2.68%,報47.15元。市場傳聞銀河兼嘉華國際(173) 股價及相關新聞 大股東呂志和係洽購亞視股東之一。就算傳言係真,亞視呢壇係蝕大本生意,相信新賭王都唔會用上市公司去收購,咁即係用自己錢嚟捱義氣啦,不過最後成唔成事,仲要睇價錢,因為王征要賣盤傳到開巷,咁耐唔成事都係因為叫價太高啫。

  傳新賭王斟亞視

  有人話,亞視𠵱家俾王征搞到咁殘,醫番都嘥藥費,新賭王去接火棒,等如係報效國家。澳門的博彩事業等如係印銀紙,呢啲生意去邊度搵,阿爺畀得個牌你,你唔可以當奉旨,有事時自然要出錢出力;再者,亞視如果搞得似樣啲,就算蝕小小,老闆都係電視大亨喎,呢啲界外利益,上市公司唔值得做,但大富豪就無所謂,所以銀河、嘉華甚至香港電視(1137) 股價及相關新聞 走去投資電視業,都係壞消息,但富豪搞電視,就係另一個算盤,你睇新賭王早排上去見習近平坐喺前面,同一排者有李超人、郭糖王到吳老闆,個個超級富豪都揸住傳媒,就已經係明證啦!

  陸羽仁

 

k-i
k-i 2014/10/09 02:33:18 回覆

佔中和六四有何不同?

8751 -    20141008


..
v

  這裡只能就兩者的內在條件說。至於外在情勢,要讓擁有充足資料的人研究。

  內在說來,六四攜帶的,是文革的負能量。文革的意義,其實到今天,仍然無法完全解釋清楚。為甚麼一下子會有這許多人出來,流血互鬥?其中自然是有文化底子上的深因,亦有群體心理上的深因,不是一時三刻說得明白的。唯一知道的是:這種未知的深刻原因,是仍然存在,尚未去除的。右腦傾向的中國文化、封建儒家的傳統影響、西方文化的附會、等等等等,若有人分析出來,也未必能讓觀者即時明白。這是一件歷史和文化的大案,要等到整個中國文化上昇一個層次,就會洞若觀火的。

  迷惘和不明白,加重了負能量。六四之前的一段日子,大家在貧窮與苦惱中,忽然有人發起民主運動,一時好像是有了一條出路。文革所聚結的負能量,就在六四之中爆發了。

  也是要很多年之後,才有人看到,這條美式民主之路,也是完全不通的。六四之後,出走不少人,寄居美國。他們做了些甚麼呢?有人提出方案,卻是完全照抄美國的政治體制,使人失望。


-----

  佔中所聚結的,是另一種形式的負能量。

  而這一種負能量,是建築在六四負能量之上的。

  六四之後,民生有所改善,但一種demoralization 的力量,卻忽然加強。



  傳媒有三大任務。

  第一是煽情加色情:使一般人失去抽象思維的能力,專注物質享受,自私自利。

  第二是極力批評政府。目的只在於倒台,而不是建設。

  第三是全力挖掘負面的中國新聞,減少報導正面的中國新聞,妖魔化中國。

  唯一的幸運只是,二零一四年的經濟,比一九八九的經濟好了不少。民生問題有了改善,大家有了較為平和的思考環境。所以,佔中雖然爆發,但不至於完全不可收拾。

  以上只是就內在條件略說。至於外在原因,要另外研究。
http://www.leechardasks.blogspot.hk/
k-i
k-i 2014/10/09 02:32:25 回覆

佔中人士,有無經過一人一票投出來,代表市民和政府傾?

animal666
animal666 2014/10/09 00:29:47 回覆

The Ashares etf is trading at larger discount now...

Market price lower than NAV...

SIGH...

 

soho*
soho* 2014/10/08 23:57:16 回覆

不知道為何,電視和短片傳播的,都集中在反對者暴力一面==> 因為傳媒大多是佔中派, 不夠中肯, 有偏袒成份, 但近日眼見情況惡化, 言論已較中肯

示威者非常聰明, 成班爛仔一邊舉高雙手, 一邊爆粗口, 簡直係語言暴力, 粗口多到得人驚, 字字句句都係粗口, 聽完真係要洗耳

只要名義上有純潔的學生做擋箭牌, 有議員撐腰, 打正爭取真普選旗號, 就等同手握免死金牌, 示威者篤住警察不斷問候佢老母, 問候佢全家, 詛咒警察, 都係無罪, 真係爽! 愈鬧愈過癮, 鬧得好痛快, 怪不得賴死瞓街唔肯撤退, 散左會, 優惠期過後, 以後鬧警察打警察就要拉上差館咖喇!

學生大人, 為了你們高層次的理想, 已將香港變成煉獄

animal666
animal666 2014/10/08 22:46:44 回覆

IG market...

{#icons_dog8} {#icons_cat8}

 

animal666
animal666 2014/10/08 22:46:13 回覆

恒生指數期貨(十月)夜市...

{#icons_dog8} {#icons_cat8}

 

子龍 (kaka就是大叔的契哥)
子龍 (kaka就是大叔的契哥) 2014/10/08 18:05:16 回覆

如果689要求有人陪佢辭職才肯下台, 相信有很多港人出來陪佢辭職呢.

k-i
k-i 2014/10/08 16:27:17 回覆

我係非常支持本港的實業家為本港出力架。

 

政府想提高聲望,想市民覺得政府係為香港好,可以從呢方面著想。

k-i
k-i 2014/10/08 16:19:33 回覆

對於,港視無牌,我都非常不明白。

 

我係非常支持王維基有牌攪電視。

 

呢樣係政府的問題,無法令市民明白,為何王維基無牌。

 

子龍 (kaka就是大叔的契哥)
子龍 (kaka就是大叔的契哥) 2014/10/08 16:07:23 回覆

奇哥: 不如你講下689主政下, 交出邊套好戲??? 市民曾拍爛手掌, 等網友唔好咁偏向呢. 謝謝.

k-i
k-i 2014/10/08 16:07:22 回覆

健康的社會,呢三樣不可缺少,自由、法治、政府財政健康,量入而出。

以呢三元素為根基,去加以改進社會問題,會係對社會整體來講,減少最少的代價。

k-i
k-i 2014/10/08 15:53:40 回覆

小飛:劫富濟貧來打劫你副身家,你係咪支持?

 

香港唔知幾時,有一股力量,將所有問題,都推俾政府。

自己完全無問題。

 

人遇到問題,真係自己一d都無問題?

 

全世界,無一處地方,沒有不幸的人。

對不幸的人,係要同情,但不代表要同意佢地的行為。

 

另外心態係要自己站起來先,唔好賴晒其他人。

 

政府係有責任去平衡社會問題,但社會問題,不可能單靠政府來解決。

 

香港政府,自回歸以來,很多時候,都係俾人罵,罵到乜政策都推行唔到。

當然政府本身都有問題,但呢種辱罵風氣,加重左社會問題。

 

辱罵他人,將問題推俾其他人,係搵唔到出路,只會陷入內鬥的局面。

 

社會,唔單係政府,係包括所有生活係社會的人,係應盡可以去幫助他人。

同時引導迷路的人,以正面的態度面對生活。

呢樣先係社會的出路。

 

政治,係可以非常黑暗,講,係可以天下無敵,實際,可以比以前更加黑暗。

 

子龍 (kaka就是大叔的契哥)
子龍 (kaka就是大叔的契哥) 2014/10/08 15:20:18 回覆

fly兄: 這幅圖會將香港人撕裂, 因為明白說出, 為理想與為搵食, 政治最好是講完好似無講過, 但當時對手又覺得有理.

子龍去完金鐘, 有個很深刻的感覺, 這班人是真心為港人, 子龍真是見到希望, 所以先多口幾句, 雖然被美少女話怕我多少少, 但子龍都回番句--->you're not alone. 子龍見到真摰的笑容呢.

k-i
k-i 2014/10/08 14:53:48 回覆

批評容易,破壞容易,難在於實行。

k-i
k-i 2014/10/08 14:52:39 回覆

以威脅他人來達到目的。

不能叫高質素。

 

真正的高質素,係香港社會整體,對和平的支持。

子龍 (kaka就是大叔的契哥)
子龍 (kaka就是大叔的契哥) 2014/10/08 14:12:24 回覆

動物兄: 噢...掛住政治, 忘記了大市, 攪到呢排輸到呆. 大市受到老美, 政治市影響, 真是好難睇. 子龍投降了. 等主席大人的指示呢. {#icons_dog5}

TC兄: 噢..子龍吹水而矣, 香港攪唔好, 台灣更難攪. 大家都明白, 阿爺最大希望是統一, 所以呢著棋, 險呀. 希望689唔好成日行錯棋, 變成死局.... {#icons_dog5}

幪面馬仔
幪面馬仔 2014/10/08 14:07:55 回覆

Hi  everybody....老朋友 {#iconb_26}

animal666
animal666 2014/10/08 13:13:52 回覆

Bro.

子龍...

Yes... i agree your view...

BTW... let's share the next HSI rebounce target???

SIGH...

 

子龍 (kaka就是大叔的契哥)
子龍 (kaka就是大叔的契哥) 2014/10/08 12:57:15 回覆

twohitsix兄: 噢...子龍怕人多地方呢. 而且這裡的網友都是老朋友. 可以和而不同. 唔明可以講到明呢.

子龍 (kaka就是大叔的契哥)
子龍 (kaka就是大叔的契哥) 2014/10/08 12:48:31 回覆

buddaau: 當年唐太宗, 封為天可汗. 即是全世界的王. 等同現在聯合國的最高領導人. 你話中國人幾勁. 重點在什麼呢??? 李世民最勁一樣, 唔係自己, 係臣民. 個個都服佢, 點解??? 因為佢自我控制能力真是勁. 而且最強一樣是肯改. 只要臣下有理, 對萬民有益, 乜法都可以改. 子龍等緊現代的唐太宗呢.

子龍 (kaka就是大叔的契哥)
子龍 (kaka就是大叔的契哥) 2014/10/08 12:18:51 回覆

順一人, 而害萬民, 亡國之策也. 惡法點解唔可以改??? 法治, 法用來治萬民, 萬民受害, 為何不改???

子龍 (kaka就是大叔的契哥)
子龍 (kaka就是大叔的契哥) 2014/10/08 12:10:26 回覆

buddaau:噢...子龍只是假設. 但如一個政權, 要逼到市民走到絕食抗爭的地步, 在現代社會, 真是很令人傷感呢. 當然結果亦只是徒然.....

子龍 (kaka就是大叔的契哥)
子龍 (kaka就是大叔的契哥) 2014/10/08 11:56:41 回覆

buddaau: 話時話. 阿甘是點做架??? 不過保鮮紙加雨傘, 點都弱勢過盾牌加摧淚彈掛??? 子龍有個想法, 最和平的方法, 是支持者公開絕食, 如果有番幾十萬人一齊絕食, 抗爭, 最后死晒, 都應該幾勁. 係咪好冷血呢..... {#iconb_41}

子龍 (kaka就是大叔的契哥)
子龍 (kaka就是大叔的契哥) 2014/10/08 11:25:01 回覆

噢...輸完特別心水清呢. 等子龍又多口幾句.

不做順民, 就等如是暴民??? 這是中國式的想法. 即是非友即敵. 難怪會出摧淚彈呢.

但學生哥們用的是和平, 理性, 非暴力的方法. 才得到咁多律師, 法官, 老師, 議員, 市民的支持呢. 這是事實.

animal666
animal666 2014/10/08 10:54:27 回覆

Bro.chanwm2002...

Let me propose... Don't buy now cos it is really expensive...

One-off payment in 2018 is for sure...

SIGH...

 

 KFC
KFC 2014/10/08 09:49:00 回覆

Good morning.

user

最新回應

幪面馬仔
幪面馬仔 2021/03/08

門門

話時話星期一可能會升,我希望佢跌,俾你走貨。。。

好手痕,想沽期,但現真冇胆及時間。老了老了。

認同你說法,完美圖形如你說,但我有時覺得相差不遠亦不用太執著,但是否過頸線是確認圖形的關鍵。但大户亦用資金說明了,他們真金白銀買下去。

明天八婆可能會升,但我仍然覺得他要跌。

門徒
門徒 2021/03/07

馬爺小門唔認同八婆嗰係頭肩頂,右肩不應高過左肩 {#iconb_62}

子龍 (kaka就是大叔的契哥)

大戶契哥: 祖移動已歸類為收息股. 即是增長前景有限, 但派息穩定的標的. 問題是大市現在約三萬點, 如大市受制資金出逃而下跌, 收息股也會跌. 這是大盤風險呢.

很多時投資重點不在標的本身, 反而重點在投資者的素質. 是固執的投資者, 還是猶豫的投資者主導呢.

{#iconb_62}