齊大非偶
2007/10/23 21:48:55
網誌分類:
文化
今日上粵曲課, 唱司馬相如同卓文君的故事, 曲名 一曲鳳求凰o
卓文君乃新寡之女子, 而司馬相如乃一窮才子, 佢午夜一曲琴挑新寡的文君, 两人心意相通, 文君於是離家出走o同司馬相如開咗間酒鋪, 所以有文君當爐之語, 吹漲了老父卓王孫, 結果俾錢两人結婚了事o
司馬相如後來以文學出名, 佢同漢武帝的皇后, 寫了一篇長門賦, 以圖感動漢武帝重投, 失寵皇后亞嬌懷抱(金屋藏嬌成語中的亞嬌!), 結果後來因事, 被武帝所殺!
其中曲中有 齊大非偶 一語, 當時有人問黄SIR何解, 黄SIR只簡單的說, 齊國強大, 不宜作配偶o
其實記憶中的故事, 是晋國想把公主同齊國進行政治婚姻, 但有位智者(類似黄SIR呢類有料, 高層次思想家!)就口多多, 話齊國太強大, 你嫁咗公主俾佢, 佢都睇唔起公主同佢外家, 不如嫁去秦國啦, (果陣秦未強大,在西边一隅!)咁就會大家互相尊重!互相扶持矣!
齊大非偶就係呢個意思, 有冇聽過 永結 秦晉之好 呀?都係講呢段政治婚姻的故事了!
黃SIR係咪好有料呢?各位!(係咪高層次呀?)
回應
(0)
我要發表