美元又升

2014/10/31 08:29:07 網誌分類: 經濟

31 Oct

這邊廂美國結束長達幾年嘅量化寬鬆（QE）政策，那邊廂歐央行宣布由11月開始買債放水，接手美國的救市政策。歐央行昨日宣佈，已經選擇德意志銀行、荷蘭國際集團、道富銀行和Amundi資管集團等四家公司支持央行採購債券的工作。她們的角色是「代表歐元系統進行合規的ABS債券採購交易。」歐洲股市昨日平均漲0.6%，其中德國股市升0.4%，法國股市漲0.7%。

聯儲局正宣布結束長達6年、三個階段嘅QE措施，而且對經濟前景看好，有輕微鷹派的味道，但美股未有如好多分析所預期嘅大幅波動，周三只係微微收低，似乎更似係連續上升了幾日的回調反應。相信係聯儲局此前嘅「期望管理」做得好，減債行動又係循序漸進，QE幾日完結，已經在市場預期之內，既然已經係已知之事，又唔會有太大的反應啦。加上近期歐洲中國以至新興國家經濟麻麻，但美國經濟又卻實唔錯，就業加速增長，市場對經濟前景的信心也有所增強，聯儲局決定結束QE，反而給予投資者聯儲局官員對美國經濟前境有十足信心。

昨日出爐的美國第三季經濟增長，達到3.5%，好過市場預期的3%，印證了聯儲局對美國經濟大幅改善的睇法。不過，值得留意嘅係美國第三季GDP強頸增長，與期內出口飆升與軍費開支大幅增加，不無關係，而第三季消費者開支增長1.8%，差過上季嘅2.5%，消費者開支至係美國經濟活動的主要動力。

美股昨日大幅造好，杜指大升221點至17195點，升幅1.3%；但標普500指數只升12點至1995點，升幅0.6%；納指收市升17點至4566點，升幅0.3%。杜指大升皆因單係一隻Visa升10﹪，已等如杜指130點，所以杜指升幅係標普指數升幅的一倍，標普升幅至係正常反映美股大圍走勢。

聯儲局下一次嘅議息會議將係明年的事，市場對幾時加息的關注，又可以暫時放埋一邊，到當局再開會嘅時候至會再度浮出水面，屆時才會造成市場較大的波動。正如Nuveen資産管理公司首席股市策略師多爾(Bob Doll)表示，對投資者而市，「現時最重要的是企業盈利。」

昨日派季度成績表的美企，成績普遍好過預期，其中萬事達卡公司(Master Card) 營收及盈利都好過預期，世界最大穀物早餐製造商家樂氏盈利雖然差過去年同期，但仍然好過市場預期，至於阿爾卡特朗訊及雅芳營收差過預期，但盈利轉虧為盈，好過市預期。

美國聯儲局收水，兼對美國經濟前景樂觀，美股暫時未見大影響，但美元就向上，歐元兌美元回到1．6，美元兌日圓升上109．27圓。金價亦少咗熱錢承托，即時沉降，昨日每安士跌穿1199美元，係10月6日以來最低，當日收市1192美元，係5年以來最低位。TJM Institutional Services嘅老闆Jim Iuorio昨日接受CNBC訪問時指出，金價之所以急插，主要受美元轉強拖累。金價由近期1250美元急插，已經出現超賣，預計金價會反彈上1208美元，但弱勢未改，下級支持位會去到1175美元。

而家全世界資金無嘢好買，無出路，只係買美元資產，買美股美債，之前美債大升，而家回番啲，而美股大跌，大幅反彈，以杜指現價17195點計，距高位17280點只是一步之遙。美股升，港股會跟，但應該跟唔足，消耗完美股升浪的帶動後，自己去搵後向。

陸羽仁

回應 (75)

我要發表

陸羽仁 2014/11/03 09:05:07 回覆

陸羽仁覆網友

達摩:美元長線未升完，投資非美元資產要計呢條數。

stevensoyeah:美國明年加息的機會好大，一加息債券就跌價，而家趁債價高是沽債的時候，不是買債券基金的時候。歐洲股票基金是雞肋，美元上升有利亞洲區出口，油價跌亦利亞洲用油國，雖然資金正流出亞洲，但你70%北美股票，可將20%放回亞洲，短期要捱，但可睇長線。

三心兩意: 習大大有少少挑戰老江的味道，但老江太老，已無作為。炒田少是習的意思，不是和江鬥，是力壓香港人挑戰中央。

Man:你問滙控和渣打那隻好啲，兩隻都唔太鐘意，渣打好殘，但業績一日未好轉，都未見底，買佢要預咗再跌。匯控靠減成本保業績，不是長久出路。若你買美股，買CitiBank好啲，同樣係大銀行，但跌得多前景好啲。若然真要二選一，等渣打跌少少細細注玩吓，但佢都係有反彈，無大升的格局。亦可以買吓招商銀行，同樣有風險，但派息5.5厘，亦好過上述兩隻外資銀行, 可等回吐時吸納。

animal666 2014/11/03 05:41:01 回覆

放水亂龍市
2014年11月03日

　　日本央行在上周五出乎意外大舉放水，加上內地股市造好，港股上周五乘勢抽高，恒指最多曾升344點，並突破24000點關口，結果全日收報23998點，升296點，升幅1.3%。

　　日本放水放得如此突然，唔止港股大升，全球金融市場大波動，除了股市抽升外，美元走強，日圓大跌，黃金更急插，一時止蝕盤橫飛，搞到天下大亂。

　　先睇吓日本搞乜。日本央行上星期五突然宣佈進一步擴大量化及質化寬鬆(QQE，簡單講就係印銀紙放水)，日本央行將以不設限方式實施QQE，令每年印銀紙的規模，由之前的60至70萬億日圓，擴大至80萬億日圓(即7125億美元，每月印593億美元)，日本的量寬唔止買政府債券和私人債券，仲可以買ETF(交易所買賣基金)和地產信託基金(REITs)，日本央行同時宣佈呢兩類資產的購買規模擴大兩倍。

　　日本加碼量寬

　　今次日本央行擴大QQE決定的投票數，僅為5票對4票，只以一票之差通過決議。日本央行話，再度出手擴大量寬是因為擔心油價下跌影響物價下降，令通縮的憂慮延長下去。不過市場人士認為油價下跌只是原因之一，日本經濟之病是通縮，日本政府和央行的藥方是大量印錢量寬及大加消費稅，希望刺激通脹的同時，令政府收入增加，財政更健康。但4月再上調消費稅後，對經濟構成壓力，迫使日本出手加碼放水。日本央行行長黑田東彥表示，若有需要，日本央行將毫不猶豫再次行動。

　　日本這種盲目印錢的方式成效未知，但瑞穗證券就認為此舉不當，過於側重提振市場情緒，日本經濟狀況惡化的原因是銷售稅上調和油價下跌令物價下跌，擴大QQE並非對症下藥，此舉風險極高，會導致日本債市機能失調。

　　長遠日本債市失唔失調唔知，但加碼放水一出，就有短期效果，上周五即日日股大升4.8%，日圓一瀉如注，跌逾2%，每美元兌日圓急升至112.28日圓；每百日圓兌港元更跌穿7算，最多曾跌兌6.919港元，創七年新低。

　　消息一出，歐美股大升，德國股市升2.3%，法國股市升2.2%。美股杜指升195點，升1.1%。不過股市唔夠金市精采，美元向上令黃金好快跌穿1200美元大關，之後就無險可守，穿埋1180美元更見大量市場沽盤平倉，低見1160.5美元，跌咗3%，最後收市彈番少少，紐約期金收番1171.6美元，也是一日唔見咗2.3%，見咗四年低位。

　　黃金短期跌夠

　　黃金係無息貨幣，日本加大量寬令日圓插至七年低位的同時，也加大對黃金的悲觀情緒，大有「唔揸美元仲揸其他嘢做乜」的心態。這是一個環球放水市，美國停止了量寬，仲維持超低息，已經算係貨幣政策較緊的市場，你睇10年債息，日本10年期國債利率0.457厘，典型超低息通縮市；德國10年期國債0.838厘，也是一種通縮市；美國10年期國債早前跟德國債息下插，一度見1.8厘，𠵱家彈番上2.335厘的水平，遠未到年頭的3厘高位。利息咁低，銀根好鬆，資金流回美元市場，對其他外幣和黃金都不利。金價跌得多會反彈，但長線都係睇淡，到明年美國加息時，黃金會更差。

　　美國聯儲局上周三宣佈結束量寬，雖然並未對何時加息有任何指引，會後聲明對經濟前景的看法比較樂觀，被認為是輕微鷹派的言論，本來對已反彈上高位的美股前景有少少戒心，怎知日本一場量寬，又再推升美股再創新高，在這個放水的亂龍市，真係估佢唔到。雖然我估美股中線都要回吐，但短期仍然係向上。

　　俄國股唔好掂

　　美元上升、黃金大跌、油價大跌的餘震還在擴散。以生產能源為主的俄羅斯，便受油價下滑、美元上升、經濟制裁三重打擊，盧布匯價急滑，今年至今盧布已跌了20%，俄羅斯央行為阻止盧布崩盤，上周五大舉加息，將基準借貸利率加1.5厘至9.5厘，希望用高利率能阻止盧布跌勢，並阻止因盧布匯價過低而引發通脹急升。加息幅度之大出人意表，而且今年以來已累計加息4厘。

　　加息後盧布在歐市中段只有一瞬間倒升，其後即重拾跌勢，低位曾見43.138兌1美元，跌幅3.9%，大幅加息都支持唔到匯價。俄國央行10月已拋售超過150億美元入市干預盧布跌勢，令俄國外匯儲備比年初已大減300億美元，降至4391億美元，為近四年低位。

　　俄羅斯經濟依賴能源出口，油價在75美元樓上，俄羅斯開始好景，一跌穿75美元，俄羅斯就唔掂。油價近期跌到80美元，已令俄羅斯收入大減。今年8月開始俄羅斯政府限制西方食品進口以還擊對方的經濟制裁，令本土消費價格加快上升，令其經濟雪上加霜。香港有幾隻俄國股上市，俄國經濟有災，奉勸各位唔好掂俄國股票。

　　小心美股回吐

　　在美國未加息、日本歐洲加強放水的世道，資金橫流，投資市場大亂，美元上升、油價金價急跌，美國兩年期短債債價回落，美國股市創新高，意味着資金無嘢好買，主要炒美股。但要小心國際金融市場急促變動過後，升或者跌過龍，一兩個星期後，所有事物皆向反方向回吐，在此有幾個觀察︰

　　第一講大市走向，港股上周消化暫停滬港通的壞影響之後，佔中又無大變，大市反彈，但上周三聯儲局無負面消息，上周五日本加碼量寬，卻是意外的利好因素，帶動港股彈得更高。美股一個V字咁反彈兼上埋新高，港股上24000點也只是反彈了跌幅的一半，港股明顯弱好多，後市睇美股短期會再升，但再可以升多少，以及佔中如何解決，將左右呢一波反彈何時結束。小心美股回吐時，港股要跟住落。

　　第二講油價金價。兩者皆跌，但油弱過金。油價受需求影響，歐洲放緩需求本弱，又有伊斯蘭國倒賣黑市油，油價還有下滑空間。黃金一浪急插後，再下行要美元大升，恐怕要到明年初看到美國何時加息時，金價才會展開下一波跌浪，以金價跌咗咁多嚟睇，炒黃金反彈易過炒油價反彈，但炒金礦股又是另一回事，好多金礦成本高，現時金價水位開始無錢賺，炒金礦股要識得走，唔好本來諗住炒一兩日，變咗上身。

　　第三講用油股值得留意。早排講過國泰航空(293) ，是油價大幅下跌的受惠股，因為油價佔航空業成本約四成，航空燃油可望大幅調低，可以逢低吸納。

　　第四季亦是貨運旺季，油價暴跌，有助貨櫃業營運，而下游塑化、成衣及汽車零組件中的塑件，可望因油價下跌而受惠，這些行業值得留意。

　　陸羽仁

包 2014/11/03 02:53:07 回覆

鼠:你講政治講得幾好啊 ${#icono_7}$

2014/11/03 01:44:43 回覆

為什麼下面貓兄的留言日子為10/10/2014？

2014/11/02 23:38:19 回覆

陸SIR,

你好，想請問你有關強積金部署的問題，因美國已停止QE是否美國股市會開始轉弱，而要轉至到債券?還有歐洲同樣買債是否趁現在開始購買歐洲股票基金，因本人現在的組合是70%北美股票基金及30%亞太區股票基金，距離退休仲有20年，希望陸sir能𧶽教如何分配!謝謝!

2014/11/02 20:24:32 回覆

三心兩意，政治吹水太多，吹吓漫畫都好！謝謝留言就真！

冨樫義博會弄壞身體，唯一可能係晚晚都要使用念能力，將「纏」、「絕」、「練」、「發」、「凝」五種技巧聯合使用，應用到『硬』方面，同屋企入面嘅美少女戰士作戰！

${#icons_cat2}$

2014/11/02 19:56:06 回覆

Hello~

2014/11/02 18:21:47 回覆

陸老師﹐

請問習主席是否在跟江澤民在暗鬥中? 而江澤民想藉香港佔中之亂，拉倒習?

田少是被江澤民拉下來?

KFC 2014/11/02 11:59:17 回覆

人幣全球交易支付額超港元逾50國納儲備

${#_01ga604[1].jpg}$

2014/11/02 09:42:45 回覆

袋鼠大大，

HUNTER×HUNTER新版剛剛在日本播完

幾年前聽聞HUNTER×HUNTER在日本不太紅，只在台灣紅。我們都叫冨樫義博為富奸。他自從和美少女戰士的作者結婚後，常常以不同藉口停刊休刊，還將草稿直接刊登在周刊。沒錢時就跑出來畫HUNTER×HUNTER，賺夠了又休到去。在有生之前能看到HUNTER結局是很幸運的事。

ONE PIECE 和火影忍者的作者非常勤力和親力親為，每天工作十幾小時間，而弄壞身體。所以我們覺得富奸會弄壞身體是不可能的事，他的身體非常幸運。

火影今個月漫畫將完結了，鳴人由人人討厭的淘氣小孩變成人人信賴和依靠的忍者。火影的動畫有太多原創，你可以跳過。

聽聞富奸最喜歡LEVEL-E，但當年不受歡迎(沒記錯是90年代的作品)，幾年前才動畫化。LEVEL-E字太多要慢慢看。有人告訴我LEVEL-E裡有很多諷刺性，如動漫的RPG類，主角們要唸一段咒文才能使用絕技，等級越高，咒文就越長越難唸，LEVEL-E裡的小學生就說咒文這麼長，末唱完己被敵人殺死了(笑死我了)。

以上是本人小小的愚見

2014/11/02 08:45:05 回覆

陸Sir,

您好！

請問現價買入#5匯豐或 #2888渣打中長期收息，哪隻較佳？

謝謝您！

包 2014/11/02 03:16:58 回覆

鼠:弦外之音就係政治化的社會會令人失去清醒，呢樣我估者。

大戶結終者、貓咪：睇大市跌？

包 2014/11/02 03:14:38 回覆

https://www.youtube.com/watch?v=ebXA1lRqDfM

李世默:兩種制度的傳說 Eric X. Li: A tale of two political systems

https://www.youtube.com/watch?v=F_T9xTXq8fQ

李世默（Eric X. Li）：2013年底在牛津联盟演讲（一）民主的沉沦

大戶終結者 ( 等人齊 ) 2014/11/02 00:16:23 回覆

袋鼠, 奇哥,

牛腩貓咪 10/10/2014 9:36:18 網友在此的回應

以下是記者會一段紀錄..........

主席: 全部都是傻瓜, 只有我才對! ${#icons_cat7}$

2014/11/01 22:47:56 回覆

呢一潮強美元係以年計，至於係五年定十年，就不得而知，但就係這種time frame.

2014/11/01 22:13:05 回覆

KFC，我只係睇到奇美拉蟻篇嘅開頭，這一篇太長了。不過新版剛剛在日本播完？

冨樫義博只係套HUNTER×HUNTER (未計幽☆遊☆白書)，就算而家收山，收版稅都收到手軟。唔怪得休刊中… 佢有個短篇作品，二打六哥介紹過嘅LEVEL-E，鍾意科幻嘅都係好介紹。

講長氣，都唔夠火影忍者長氣，我睇完頭幾集就無再追。過咗500集未？

另一個在香港時有追嘅係魔導少年。主要追ANIMAX配音版。

2014/11/01 18:26:40 回覆

股市急升後

美元再轉強

資金流入美元

有些少炒高派貨的味道

大戶開始撤退了噢!

2014/11/01 18:19:28 回覆

陸蛇:

美元咁升法

投資海外地區這幾日賺左股價升幅

但是輸左匯價跌幅

贏股價輸匯價

俄羅斯巴西股巿這幾天加埋都升左唔少

但一看匯價的跌幅

真係令人倒抽一口涼氣噢! ${#icono0_21}$

KFC 2014/11/01 13:22:07 回覆

袋鼠，你追到邊度，全職獵人缺點就是太長篇了！

Kathleen,

2014/11/01 13:19:10 回覆

德國在憲法法庭打緊官司，有機會影響ECB買債計劃/QE。

Europe or Democracy? What German Court Ruling Means for the Euro (Der Spiegel)

2014/11/01 12:48:23 回覆

奇哥，好一句『牢牢掌握經典的解釋權』！但與其只是批評一些宗教偽善者，是否有弦外之音？無都同佢作到有啦！

那麼共產主義、無神論是否宗教，基本法是一本經典，而一國兩制、愛國愛港，是否如周星馳電影所講宗教式口號？基本法也只是被『牢牢掌握經典的解釋權』。

當然，將袋鼠呢一段，字眼改為民主理念、公民抗命、國際標準，諸如此類，也可以有異曲同弓之妙。

2014/11/01 11:24:10 回覆

陸SIR, 大家好. 小弟作壁上觀很久啦,好欣賞各網友既留言. 現在小弟有一問, 歐州從今年11月開始量化寬鬆, 本人覺得如以前一樣歐州股票巿場應該受到刺激而上升, 故正值英國富時指數9100左右時改變MPF既組合, 即現時係一半係歐洲股票基金(包括英國, 德國, 瑞士及其他地方), 留下一半係保守基金以備尋找更好機會之用. 小弟想請問陸SIR, 歐洲量寬及日本加大量化, 會唔會影響資金流向, 尤其現在資金主要流向美元相關資產? 陸SIR曾話美股有暗湧, 應該主要同通縮有關, 現在除美國外, 歐洲及亞洲連中國在內都傾向放鬆銀根對抗通縮, 在熱錢泛濫下中港股票會唔會炒落後呢? 謝答.

2014/11/01 05:03:07 回覆

KFC、袋鼠：收到，你們介紹的我會慢慢找來看，多謝！

祝你們也有個愉快周末！ ${#iconb_249}$

2014/11/01 04:45:49 回覆

2014-10-31

Dow Jones Industrial Average (^DJI)

17,390.52 195.10(1.13%) 4:32PM EDT

Prev Close:	17,195.42
Open:	17,208.78

Day's Range:	17,208.78 -17,395.54
52wk Range:	15,340.70 -17,395.54

Dow Jones Industrial Average (^DJI)

包 2014/11/01 02:02:32 回覆

宗教人士可否搞政治？

..
V

本來不是問題。宗教人亦和其他人完全一樣，愛搞甚麼，都有自由。

之所以仍有問題，是因為在人的心裡，對於宗教，常常都有一種期望。

人都希望和超自然力量溝通。在溝通之中，常常感到寧靜清朗，心中存有愛意，對萬事萬物有同情的了解。

本來，人都是可能直接跟超自然力量溝通，不需要宗教人士作中間人。只是，有時群體也需要溝通，有人做些聯络，提供方便，自然是好的。

只是他們却往往以權威自居，牢牢掌握經典的解釋權，阻隔人與神之間的溝通。

更奇怪是連宗教人士也有很多是假的。不是一個假，而是許多許多的假。

碰口碰面，很少見到真心。

他們講究世俗享受，十分愛錢，層次低下，就算尚未觸犯清規，己是十分可厭。

相比之下，少數真心真意的宗教家，使人特别喜歡親近。因為他們是愛與智慧的典範。

香港有很多宗教搞手。就是通稱為神棍的那一批。

在他們的訊息裡，只有僵硬的教條。他們特别喜歡禮儀，细節一絲不苟。他們的訊息裡面没有愛，也沒有寧靜。本來這也是沒有甚麽的。如果你根本沒有期望，也就不會太失望了。

問題是：他們忽然一窩蜂的，同一時間，都搞起政治來了。

搞政治也不是問題。

問題是：他們挑撥仇恨。而這是很難忍受的。

無休無止的攻擊，指責，混雜到政客群中，神棍與政棍，雙棍齊出，完全不理會違法不違法，好像武打影片。

可憐的只是無知者。

他們實在需要更清冷的寧靜，才能躲過這番熱洪洪的迷惘。

http://www.leechardasks.blogspot.hk/

2014/11/01 01:08:48 回覆

fly兄，子龍兄，動物兄，大戶兄：不敢當 ${#iconb_625}$ ，大家一齊研究下啦~

近期公司忙，少左上來吹水，大家要順住今次個勢賺返啲啦~ ${#iconb_41}$

大家得閒可以入去我屋企，睇睇啲異動股名單架 ${#iconb_69}$

2014/11/01 00:51:07 回覆

殺熊不見血…

2014/10/31 23:43:27 回覆

Kathleen，有一齣叫《花丸幼稚園》，有可能妳會鍾意睇，比較稚氣啲嘅。

另一齣生活細節，劇情味重啲，叫 Clannad ~ After Story ~*(youtube)

*那間製作公司Key，本來專係製作18禁美少女遊戲，但係佢哋好多作品，就真係睇鹹片只係為咗睇故仔；之後好幾個遊戲再版時都會出『走鹽版』，而動畫版則是以全年齡合適製作。情況有啲似同期嘅另一齣經典 fate stay night。Key嘅另一套近期作品Angel Beat!，袋鼠網誌都提及過。

Have a good weekend! ${#iconb_249}$ 今晚玩得開心啲。

大戶終結者 ( 等人齊 ) 2014/10/31 23:26:03 回覆

將軍,

點解八公叫漢洋? ${#iconb_61}$

大戶終結者 ( 等人齊 ) 2014/10/31 23:23:36 回覆

TC兄: 請收我為徒 ${#iconb_617}$ x88

陸羽仁 2014/10/31 21:15:37 回覆

日本加碼量寬，日圓大跌2.5%，黃金大插3%。

animal666 2014/10/31 19:24:57 回覆

TC兄: 請收我為徒 ${#iconb_617}$ x8

2014/10/31 18:08:27 回覆

KFC，袋鼠都追緊全職獵人(新版動畫)；雖然都係帶有coming-of-age嘅題材，但熱血友情得多，亦有好多暴力，加上始終幻想世界嘅事物多，的確唔同口味。

袋鼠都想揾到金粉少女 ${#icons_dog10}$

子龍 (kaka就是大叔的契哥) 2014/10/31 17:18:27 回覆

TC兄: 請收我為徒 ${#iconb_617}$ X2

fly兄: 到你唔信為止. ${#iconb_272}$

神珠妹: 噢....八仔呢排好熱, 小心發燒. 八公到價話你知, 因為子龍都未知.... ${#icons_dog5}$

2014/10/31 17:10:57 回覆

將軍: 噢…估錯鳥 ${#iconb_261}$ 我就係同八婆同佢個仔熟，同佢條仔唔係好熟...... ${#icons_dog1}$ 咁咩價位好呀 ${#iconb_267}$

2014/10/31 17:08:12 回覆

大師: 原來大師已到手中無劍, 心中有劍的忘我境界噢 ${#iconb_615}$

將軍: 架車會開到哪裡 ${#iconb_625}$

TC兄: 請收我為徒 ${#iconb_617}$

子龍 (kaka就是大叔的契哥) 2014/10/31 16:46:49 回覆

神珠妹: 噢...你又有興趣??? 你講個位係八婆親生仔. 唔係佢條仔. 八公應是--->胡鳥鳥, 不過未到價, 要等. ${#icons_dog1}$

2014/10/31 16:25:13 回覆

將軍 : 係唔係世唔泣呀?

子龍 (kaka就是大叔的契哥) 2014/10/31 16:14:54 回覆

大戶兄: 八公咪八婆條仔, 外號漢洋囉. ${#iconb_61}$

fly兄: 噢....大戶都幾狠, 一話升到唔信, 就開車..... ${#icono0_2}$

animal666 2014/10/31 16:12:35 回覆

中原城市領先指數 CCL

日期	中原城市領先指數 CCL (所有成份屋苑)
2014/10/20 - 2014/10/26	129.39
2014/10/13 - 2014/10/19	129.38
2014/10/06 - 2014/10/12	129.83
2014/09/29 - 2014/10/05	127.65
2014/09/22 - 2014/09/28	128.14
2014/09/15 - 2014/09/21	127.46
2014/09/08 - 2014/09/14	126.80
2014/09/01 - 2014/09/07	126.14
2014/08/25 - 2014/08/31	126.94
2014/08/18 - 2014/08/24	126.20
2014/08/11 - 2014/08/17	125.31
2014/08/04 - 2014/08/10	125.66
2014/07/28 - 2014/08/03	124.00
2014/07/21 - 2014/07/27	123.54
2014/07/14 - 2014/07/20	123.20
2014/07/07 - 2014/07/13	123.36
2014/06/30 - 2014/07/06	123.35

2018...

SIGH...

2014/10/31 16:09:51 回覆

飛仁:

我點算得上德高望重的智者呢噢!

有時連自己之前買左d咩幾時買的

都唔記得噢!

2014/10/31 16:06:28 回覆

期指帳面汁緊30000

2014/10/31 16:01:27 回覆

將軍: 收市兩皮四 ${#iconb_61}$

2014/10/31 15:41:40 回覆

日元暴跌日股暴升

${#iconb_34}$

日央行重拳出擊震驚全場，通脹數據會否加大歐央行壓力？

2014年10月31日 15:07

亞洲時段日央行意外放寬政策，日元全面大幅回落，美元/日元突破110關口，觸及近7年以來的最高水平111.00。日經受到推動，收盤大漲4.95%，美元在該貨幣對的帶動下上漲，推動現貨黃金大幅回落。

日央行以5-4的投票比例決定將基礎貨幣投放速度從60-70萬億日元擴大至80萬億日元。

大戶終結者 ( 等人齊 ) 2014/10/31 15:17:12 回覆

將軍, 比多啲資料!

KFC 2014/10/31 13:26:47 回覆

Kathleen, 我另一favourite係全職獵人，不過女士未必合適。

找到白兔糖嗎？http://www.xindm.cn/mh/Usagi%20ｄｒｏｐbaitutang/

亦可到首頁，有各類型漫畫可選擇。

2014/10/31 13:05:06 回覆

陸SIR,

財經報導經常用到鷹派及鴿派等字眼，其實鷹派及鴿派代表什麼呢?

謝謝!!

子龍 (kaka就是大叔的契哥) 2014/10/31 12:53:54 回覆

大戶兄: 噢...無緣. ${#icons_dog5}$

大戶終結者 ( 等人齊 ) 2014/10/31 12:26:22 回覆

將軍, 找不到!

子龍 (kaka就是大叔的契哥) 2014/10/31 12:09:54 回覆

叮噹....半日大市升2舊.

大戶兄: 噢....傳說投機之王持有這隻八公超過1年. 汁了數球. 不過坊間未能証實, 八公者--->漢洋也. ${#iconb_269}$

瀏覽更多回應正在載入...

美元又升

網誌分類

最新網誌

最新回應

月曆