濠賭受壓
日本央行上周五突然宣布加碼泵水救市，掀起股市升浪，日股抽高5%，整個亞洲股市齊齊炒上，中港股市齊漲超過1%。到歐洲仲升得勁，歐洲股市平均升1.8%，其中德國股市及法國股市齊漲超2.2%！美股亦唔弱，杜指及標普500指數齊創歷史收市新高。杜指升195點，收報17390點；標普500指數漲23點至2018點，漲幅都超過1.1%。納指跑贏大市，升65點至4631點，漲幅1.4%。
日本央行將上周五宣布將年度購買資産計劃規模擴大至80萬億日圓，平均每月泵水超過590億美元。《華爾街日報》話，日本央行的加強刺激經濟措施，似乎正在測試貨幣政策的極限。事實上，按一年半前推出的資産購買計劃計算，日本央行的資産佔日本經濟的比重接近60%，已經遠高過美國、英國和歐元區央行。
日本加碼印鈔票，再加埋歐央行今個月開始嘅寬化寬鬆，水量認真猛烈，至於會唔會好似上次美國狂印銀紙咁，熱錢全球亂竄，好多流入咗新興市場，唔少分析都覺得即使有，都唔會好多，反而大部會流入美國嘅機會大些，由於係美國經濟復甦步伐愈來愈強勁，正在公布的美企季度業績靚仔，消費者信心爆膨，最新公布的第三季GDP增長3.5%，更係超過市場預期嘅3%。
上周五出爐的經濟數據亦不俗，美國10月芝加哥採購經理人指數(PMI)增至66.2，明顯好過市場預期，且創出1年來新高。10月消費者信心指數終值為86.9，超過9月84.6的終值，亦高於市場預期，同時創下2007年7月以來新高。雖然9月個人消費開支較上月下降0.2%，差過預期，出現8個月來首次同上月環比下滑，但主要與美國人購車消費下降，以及油價下跌，導致的能源開支減少有關。同期在服務領域方面的開支仍有增長。
美國經濟惟一未見表現的係通脹率仍然溫和，遠未去到聯儲局的目標2%，主要原因主要係受到能源、特別係原油價格近期顯著下降壓住。里士滿聯儲行長拉克爾(Jeffrey M. Lacker)預計，美國的通脹率將在未來6至12個月內達到1.5%甚至更高水平，對通脹率回歸2%的目標充滿信心。他認為下次聯儲局議息會議，是否需要調整前瞻指引將成為重大問題。
分析估計歐日央行印錢產生的熱錢會傾向流入美國為主，上周五見到日本央行公布加大放水後，日圓匯率首當其衝，兌美元匯價出創7年新低，日本歐洲放水，美元就更加強勁。事實上，資金正從新興市場例如中國，不斷回流美國。據中國央行公佈數據，第 3 季外匯存底為 1055 億美元，是自 2012 年以來首度下滑，跌幅 2.6%，是自 1993 年以來最大的跌幅。當外匯存底減少並長期流出時，通常意味著，投資人擔心中國無法維持持續增長及負擔債務。
大沽家Kynikos Associates創建人 Chanos日前認為，英國渣打銀行第 3 季業績較去年大跌 16%，主要也是受中國信貸市場過熱所累。他預估，中國每年建設約2000 萬套住房，但只賣出400至500 萬套，這是過度建設的現象，因而，佢建議投資者避開亞洲金融股。
另外，Chanos 表示，正在沽空澳門。佢認為澳門現在係賭博業全球之冠，但情況正在步拉斯維加斯60及70 年後塵，產業回報愈來愈少，原因係賭場為了吸引賭客，不斷加大投資，結果令到利潤受損，澳門依家就出現情況。
Chanos的說法我信一半先，內地房市是主要消費市場，一唔掂阿爺唯有托住，以保經濟增長，但澳門個市佢就唔會寫包單，打貪兼防止黑錢外流，將持續對澳門有影響。我開始有少少擔心澳門，因為新賭場還在大建特建，但生意升幅放緩，令現有賭場不飽和，未來新賭場群全面投產後，供應多更不飽和，就會跌價。但另一方面搶工人令勞工成本上升，因為政府面對政治壓力，不讓輸入荷官外勞，所以人工不斷上，但生意升幅追唔上，新酒店大量投資又要折舊，預計一兩年後壞影響會逐步出現。濠賭股慢慢會出現汱弱留強的格局。
陸羽仁
陸羽仁覆網友
Little Mo:油價不斷跌，內地油股、氣股都跌，我估昆侖要等油價跌定才到底，小心還有得跌，追入不宜，不買當頭跌。若本來買來短炒，特別持貨量大時，一定要止蝕。油價那裏是底不易睇。
Animal666:美國經濟明顯較強，即使創造就業不足，多種數字也是增長得較好，以此數字為基礎，明年加息是合理估計。當然數字轉壞又作別論。
早, 陸SIR
請問內航股和國泰股, 是否國泰股較勝一籌? 另外, 因我未有航空股, 請問應待回調時才買, 還是現價可追?
昆倫（１３５）不斷回調，請問後市看法如何？ 入貨價約$11. 2, 請問應要止蝕 ?還是持有？
現在的市況, 是否應重磅減持持? 不應入市?
謝謝指導
2014-11-03
Dow Jones Industrial Average (^DJI)
17,366.24
24.28(0.14%) 4:32PM EST
悶市炒概念
2014年11月04日
日本上周公佈加大放水規模，歐美股市上周五抽升，可惜港股仲係斯人獨憔悴，好彩係仲有廣船(317)
因變身為軍工股，股價單日爆上七成幾，令到個市叫做有啲氣氛。
如果講外圍因素，呢排算係幾唔錯，美國未有加息時間，杜指終於爆上創新高，內地股市個勢都好強，A股向好，滬指連升五日，上證指數收報2430點，漲9點，創近二十一個月新高；深成指數收報8240點，漲14點。中美股市咁靚仔，香港自己就唔係咁爭氣，開市無耐已經乏力，由升轉跌，全日恒生指數收報23915點，跌82點；國企指數收報10660點，跌95點。
收市後匯控(005)
公佈第三季業績，稅前盈利46.09億美元，較去年同期上升2%。期內營業支出增加15%，至111億美元，若不包括重大項目，營業支出增加6%，首三季列帳基準稅前利潤按年下跌9%至169.5億美元。市場話業績遜預期，不過陸羽仁就覺得係預期之內。
匯控繼續靠亞洲搵銀
匯控近排傳出不少賠償或講數的開支，條數受影響已經係預期之內，加上績前佢股價已經無厘神氣，出嚟業績照計都唔會好。美國社會近年對銀行印象麻麻，經常搵銀行嚟開刀祭旗。在佢哋眼中，匯控唔係自己友，郁起手上來完全唔使講情，所以喺美英地方嘅生意，真係有排捱，倚賴亞洲特別係香港生意賺錢，相信係匯控、渣打(2888)
短期難以改變的事實。
大市悶悶哋，但個股就不乏精采。焦點之一係自今年4月停牌的廣船，變身成軍工股，落實向母公司收購軍船基地「黃埔文沖」，復牌後股價即爆上，收報23.65元，大升9.922元，升幅超過七成。
軍工股係美國一大板塊，由於佢哋以世界警察為政治定位，對外用兵基本上無停，而且佢哋將大量研發同生產工作外判，與私人企業合作，好多重型工業巨企如洛歇等都係生產軍事戰機，呢啲軍工大企業反而掉轉過嚟影響番政府的外交政策。
相比之下，內地軍工股基本上係空白，呢期大家興起炒呢味嘢，主要係因應美國推動重返亞洲戰略，國家主席習近平又係硬骨頭，唔會一味退讓，未來中國投入軍備的資金佔生產總值比例，預料會大幅提升，加上俄國與西方關係緊張，不排除部份軍備出口生意會流到內地，於是借四中全會大炒呢個概念。
軍工概念雖然聽落有噱頭，但真正做起上嚟係咪有好多公司可以變成洛歇，𠵱家都無人知，因為美國係資本主義社會，容許資本家大發戰爭財，內地係中央集權國家，軍事設備未來可以有幾商業化，仲係一個謎。所以，軍工股炒起上嚟有概念無限大的好處，無人知可以升到去邊，實際值幾多錢又係另一回事，炒賣呢類股份最緊要係未上車前要諗定點樣落車，咁至唔怕搞到上咗車又唔落得咁濕滯。
內航股繼續飛
隨着油價低企，內地航空股表現搶鏡。東方航空(670)
、南方航空(1055) 
分別抽升逾5%，國航(753) 
漲0.8%。油價弱勢睇嚟未完，手頭有貨者可以食啲胡，但就唔使咁快賣晒，慢慢沽貨分段獲利，希望喺升浪中賺得盡啲。
昨日另一個表現突出嘅股份係內房股，10月中國42個城市成交按月增長12.6%，創今年新高，當中四大城市平均增幅40.7%。龍頭內房股表現唔錯，中國海外(688)
、華潤置地(1109) 
都逆市漲逾1%。民企內房個別升得仲靚仔，綠城(3900) 
單日就彈咗5.33%，報8.5元。
陸羽仁
智力有需要自覺嗎？
或者他們知道，自己需要多一些知識，甚至需要增加一些記憶力，但不會自覺本身的智力問題。愚人固然從不知道這個問題，聰明人也完全一樣，只覺得有時知識不夠用，却從未懷疑自己是智力不足。
智力有多少種類？更少人知道了。多年前的左右腦研討班，聽眾似乎也不少。但這只是趣味小常識，過後便完全忘記，仍是昏沉度日，不知所以。
人的智力，又和祖先的文化路向有關。
文化的路定了，智力範圍，便也圈定了。這是人類智力的特殊缺陷。人們常常需要圈定自己的。
祖先不但為子孫們圈定土地，更常常圈定後世的智力發展方向。
不幸不關命運，而是來自祖先預定的文化路向。
這是重要的大課題。
可惜的是，很聰明的人們，也常常陷身在種種的鬥爭裡面，無法看到大局。
http://www.leechardasks.blogspot.hk/
鼠：你覺得非建制派未來的政治目標應該係咩？
奇哥，仲以為你鍾意多啲睇袋鼠啲漫畫笑話添
將軍,
幾時去 "看羊"?
大廳咁靜....
叮噹...全日大市跌1舊.
//
stevensoyeah:美國明年加息的機會好大，一加息債券就跌價，而家趁債價高是沽債的時候，不是買債券基金的時候。歐洲股票基金是雞肋，美元上升有利亞洲區出口，油價跌亦利亞洲用油國，雖然資金正流出亞洲，但你70%北美股票，可將20%放回亞洲，短期要捱，但可睇長線。
//
金管局總裁陳德霖出席完立法會會議，接受記者訪問時預期，料第四季市場仍然是波動，美國美國正式結束買債，對何時加息有不同的預期，不確定性較大，市場對不同消息反應較以前大，這對外匯基金投資方面是困難的。若美國正式進入加息周期，美元轉強，外幣投資收益或會受到影響。
//
Luk Sir versus Norman Chan...
Eagle versus Dove...
SIGH...
投資外匯輸284億 陳德霖：料本季外匯基金投資困難 2014-11-03 10:48:00
金管局公佈，外匯基金上季投資虧損187億，其中港股虧損2億，海外股票錄收入28億，債券收入有71億，惟英鎊、日圓及歐元弱勢，拖累外匯虧損284億。扣除利息及其他支出，第三季外匯基金淨虧損199億，其中67億將支付予財政儲備。
總計首三季投資收入有377億。
金管局總裁陳德霖出席完立法會會議，接受記者訪問時預期，料第四季市場仍然是波動，美國美國正式結束買債，對何時加息有不同的預期，不確定性較大，市場對不同消息反應較以前大，這對外匯基金投資方面是困難的。若美國正式進入加息周期，美元轉強，外幣投資收益或會受到影響。
午安～
2014年10月31日 (06:31 PM)
有乜好野呀......
重生兄: 師兄一買奶粉就彈, 子龍真的服了....
神珠妹: 早晨呀. 噢...到價話你知.
各位早晨
將軍: 收到! 有好野單聲
你今天飮咗奶粉末呢...
陸sir&師兄師姐早晨!
陸sir & 各位：早晨！
陸sir師兄師姐早晨.
各位早晨~
Good morning.