太極生两儀
2007/10/25 10:22:16
網誌分類:
嗜好
所謂太極生两儀, 两儀生四象, 四象生八卦o
我說的太極, 是我曾習的太極拳o 我學的是楊家太極(即大架 比較美觀o)陳家比較靈巧啩? 尚有是吳家o 當年我的老師是在愉園會教的楊光老師, 早前看報紙, 得知楊師已歸道山(即去咗!), 享年六十七而已!
我學的是一百零八式的正宗楊家太極, 所以什么攬雀尾(棚 捚 擠 按)都難不到我, 什么云手, 什么什么招式, 自自然然入了血, 雖然近年冇練習, 但也有D底子o(超伯曾教人太極, 乃師傅級人馬也o本人武功傳自其遺傳因子o家傳絕學, 譚腿三十六路, 小時曾見有掛圖一張在家中懸掛o)
太極拳如果練埋站樁, 即吐納功夫(屬內家拳), 其實同氣功同一原理o
如果想應用太極去搏擊, 一定要練推手o當年我就是剛學推手, 楊光師傅即發覺我有詠春底子, 成鬼日懷疑我踢佢盤, 結果唯有唔學算了, 有時身懷絕學都好鬼煩!而家尚有些少遺﹝陷 蠢蒙恬!)也!
太極有D簡化成二十四式, D人嫌108式成日重複, 又好鬼難記o其實古人的智慧是, 當你打完一套拳,運動量便夠了, 不用吩咐你練多久, D蠢材唔明解, 簡化咗, 變成練一次又唔夠!練數次又多得滯!係咪蠢吖?張三丰都俾班改革派吹漲也o
太極的好處是以柔濟剛, 四両撥千斤, 借力打力, 永不與人硬碰o其實做人的道理和智慧, 也溶入在拳理之中矣o
咁我老爹一定有劍術及內功遺傳因子.......因為佢每次拿起君子劍(籐條)及武林聖火命(乒乓球拍),我必痛不欲生.....
我記得有次重令到聖火命爆破.....(新球拍的血淚史)