我武維揚（六）

武俠小說就好多招式, 例如上打雪花蓋頂, 下打老樹盤根, 二龍爭珠就插人雙眼, 白鶴亮翅就係雙手作飛翼狀ｏ

但詠春就冇乜招式, 只有攤手,綁手, 日字衝拳, 二字拑羊馬等等ｏ

其實所謂招式, 只不過因古時冇錄像機, 用文字又很難表達動作ｏ於是古人的智慧就用簡單的招式名, 代表了一連串之動作ｏ根本不存在什麽絕招, 什麼呢招制住那招ｏ（係D人中咗武俠小說毒！）

但葉底偷桃呢招（或者叫猴子偷桃）就只能對付男性, 女性不適用！

（用吓腦, 諗吓點解？）

冇次有人問師傅, D虎尾腳係咪好利害嫁？師傅話, 虎尾腳, 踢人之時, 連人個樣都睇唔倒, 有鬼用咩？（容乜易踢空氣嫁！）

咁無影腳呢？無影腳, 用泥較腳就差唔多！又係有鬼用！

詠春D腳就冇咁多名稱, 只以實用為主, 撐你一嘢都幾係！

你有幾何見D人打交, 會諗吓用白鶴亮翅好吖？定靈猴拜寿好呢？

多數都係亂打一通, 有鬼招式咩？吹水之馬！